خلاصة تجربتي مع هذه الاجهزة واخرتها الجالكسي تاب

[talalvip]

بسم الله الرحمن الرحيم

اخواني الاعزاء كل سنة وانتم طيبيين ..وكما قلت في السابق بانني ساكتب الانطباع الاول عن الجالكسي تاب حين يصلني ..وقصتي باختصار

كنت من عشاق انظمة الويندوز الهاتفية ..تذكرون ايام الايمت والجامبو ..(الله انت قدييييم ) وهات ياخربطة سوي روم شيل رووم اطبخ روم الين اصبحت 35% افهم في الجهاز واسلوب التعامل وحل المشاكل فيه وهذه نعمة كبيرة ... وتقولون ليش ..لانه في البداية تعبت وتكسرت رجولي من كثر روووح لابونواف مسمينه ( الدكتور ) .. في جدة استاذ الاميت وحل المشاكل واخوكم ..مافي غير رايح جاي ..الين الدكتور حسيته شوب يقولي ..العن ابو الساعة الي شفتك فيها . . بتقولوا ليه ..وعلشان السلخ الي بلاقبلة يسخلني فيه 150 ريال x 150 وهات هبش .. بس كنت زي اللصقة ..ماركة جنسن مافي غير ليش ..وايش ..وهات عيش .واحفظ في مخي كل طريقة يسويها .. المهم لا اطول ..فهمت الايمت ونظام الويندوز الهاتفي .. مليت من هالشغلة :rolleyes: ..شوف شي جديد يابوسلطان ... هاااا خش على الايفون .. وفي ذاك الوقت ايام 2G واشتري واحد .. واخوكم تووه عود مولخية صغير .. زي لوح البيت ماني فاهم فيه غير زر التشغيل .. ولكن كان الواحد الي عنده ايفون كشخة مين معاه ايفون ..محد قدي ياهوووووووووو .. احتري الاشاراااات بس اطلع الايفون فيه اتصال ولا مافي المهم شوفوني عندي ايفوووون ..ههههههههه ترى مزحة ..وحبيت الايفون .. ونفس الفليم .. تعرفت على محل للجوالات في مجموعة شباب سعوديون مختصين في انظمة الايفون ..ويقولون لي نزلنالك السيديا ونزلنالك برامج اصلية ولايهمك وهات من هالخرط الفاضي .. وانا والله ماكنت اعرف ..ايش هو السيديا.. وكنت احسبه فايروس ..وطيب ياشباب علموني .. ولكن الدكتوركان ارحم منهم دول طلعوا ذباحين ..بعاريين ..ينحروا الواحد ويخلووونه الين يستوي وهات ياسلخ .. .ولكن هيهات مع ابوسلطان .. والله صرت اللزقة الامركية الي توجع الظهر ...تعلمت منهم بمشقة الين صارو من يشوفوني يعطوني المعلومة من عند الباب وبلاااااش ...وجاء بعده الايفون 3G يافرحتى ..وخد ياراجل واحد ..ولكن لالاسف ماتغير شي ..نفس السيستم نفس البرامج نفس الاسلوب اللهم اسرع شوي لكن المظهر الممل واحد..وهاتك يا فرفرة بالجهاز ..طبعا خلاص تعلمنا الجلبروووك بكل انواعه ولكن مليت ياجماعة .. نزل 3gs وقلنا ممكن هناك تغييير ولكن للاسف نفس الموضوع .. بس زيادة بالسرعة .. ولكن لاجديد يذكر ..ودخلنا موال الجلبروووووك ... وملينا ..يعني الحين خلصنا .. مانقدر نفرفر بالسيستم ومانقدر نطبخ حاجة .. هذا الغبي مقفل علينا النظام .. وما نقدر نغير اسلوب العرض ..لا واييييه قام رايح يعملنا صندوق تجميع ملفات او ايقونات ومسميها ..اسلوب جديد والله انه بني ادم غبي . .. وصارت الهيلاميلا حق الايباد .. وقلت في نفسي ..
يمكن هناك في فكرة جديدة ..طبعا اسلوب التابلت اسلوب قديم وعدة شركات قامت به سابقا زي شركة اتش بي ..وتوشيبا وغيرها يسمونه الابتوب تاتش سكرين .. يعني المسالة قديمة ..طبعا لايجي واحد وقول شركة ابل عملت فكرة او شي جديد .. نقوله معليييييش .. خلك مفتح ... المهم انطخيت على راسي وشرينا الجهاز والحمد لله انه واي فاي ..وبرغم سعره العالي .. ماعلينا ...نشوف ايه الجديد والشي المطور طبعا لانهضم حق الجهاز من ناحية الحجم والشاشة الكرستالية للقراءة جيد جدا ...اهااااا هناك اسلوب المكتبة ..جميل ..ولكن معاناه في الكتب العربية ..واحنا لسه ما تقدمنا في اسلوب ebooks .. اهااا اسلوب اللايف اميل .موجود ..وماهي فكرة جديدة النوكيا سبقت .. البرامج ..في طور الانتاج والتعديل للمقاس الجديد .. اداء الجهاز ممتاز ..ولا غبار علية ولكن التفاصيل غايبة عنه ..في امور شتى ..دى حتى اهم الامور لاي جهاز ..ليس موجود بالجهازالايباد الفلاش .. تخيلوا مرسل لك مقطع فيلم .. اومرفق فلاش ولم تستطيع قراءته ..ماهي ردة فعلك .. وان اردت واصريت .. وشمرت عن ساعديك .حتخش فيلم تركي مدبلج ..علشان تشوفه ..وانتم ادرى بالطريقة .. عندك الكثر من المقاطع تملكها لاتستطيع رؤيتها ..حتى تجيب خبير فرنسي يقوم بتحويلها ..وممكن يطيح فيها رقاب ايطالية علشان يتحول المقطع .. اذا ماهذا الغباء الي انا شايفه .. اذا الويندوز ارحم ذوووود ..يالله ماعلينا نشوف نظام الالعاب اهاااا ممتاز ... ولكن هناك امر غفل عنه ..ستيف جوبز المغفل .. ياخي وش ينقص منك لو حطيت مدخل للsd card ممموري ياخي انا عندي معلومات خاصة ومهمة ومتنقلة ليش تحكرني ياغبي ..افترضنا ابي ابيع الجهاز .. ايش يضمنلي ان الي اشتراه س من الناس هكر ويعرف يرجع المعلومات بعد الفرمته ... .نجي نشوف برنامج التحكم الا وهو ..الايطووونز ..يعني طز ..في المشتري ..طبعا بلغتي ..مش فاهم الحكره على ايش بالضبط . ياعم اسحب المقطع من الهاردسك بدون وجع راس معاك ..لاالالالا انته تستعرضه وبعدين نفكر في تجميعه .. اسلوب غبي .طبعا باسلوب الجهاز.. ماعلينا ..نشوف الماركت الوحيد لاجهزة الابل الرسمي..ان تبي ابو بللش خد بس انته وحظك .. يشتغل اسبوع او يوم او يطفش اهلك ...او ادعي علشان ينزل البرنامج كامل.. ولا وايه بالمجاني وممكن يشتغل معاك نص شغل .. علشان تدفع .. يعني النظام كله .. حرك جيوبك ولحلحها .. ولاتقربط ...طيب مافي ماركت تاني .. يجي واحد ويقولك .. نزل الجلبروووك ( تراني ادلعه ) اقوله مش كل البرامج المكركة تشتغل وانا مجرب الكلام ..طيب اصلا ... ليه الناس تتجه للجلبرووك وعلشان ايه وانت عارف انها عملية غير نظامية اساسا .. ليش ياستيفوا تخلينا ..نعتدي على حقوق الاخرين وباسلوب الهكر .. والاهم من كل هذا عملية التحكم بالسيستم .. ياخي انا ودي الترقية الجديدة الي عملتها .. وأبي ارجع للترقية الاولى..لازم أخش فيلم هندي على امريكي ..غير مترجم ..علشان بها يرجع وبيها ..يفتحالله يا ابو عبدالله .. ..انا مليت من هالاسلوب ..وهذا التحكم ..الامبرر فيه .. وجات الصدفه ..في لحظة وناسة وتقليب للمواقع ..وتجي عيني على جهاز السامسونج جالكسي اس .. افرك عينك صلح قعدك واديها قرايه ..عنه ..نظااام اندرويد ..وش اندرويد ..اتاري الي اخترعه اسمه اندي روبن ..منصة برمجية متخصصة للجوالات غير معقدة .. خش ياولد اقرا عن الموضوع وبقوة ... اهاااااا هو ده .. ونجيب اول جهاز جالكسي اس ..هلى مستوى العائلة .. مجانين الهواتف .. طبعا ..انا من طبعي ..وما هب غريب علي الدعبسة .. ومات الجهاز الموته الصغرى ..وحاول ياولد .. الانعاش ..قلب المواقع العربية الهندية الامركية لحقوا علي ..يابشر دعبست في الجهاز وجبت اجله .. فجاءة انصلح الركفوري مود ..اشتغل طبعا من التقليب والتتطلع اخدنا كم درس على كم معلومة ..وكم تجربة سابقة من الناس .. استطعت ارجاع الجهاز .. اهااا طيب قالوا الطبخات ..وش الطبخات ..ونسيت اقول طبعا الجهاز من اوربا والعربي ..انسى موضوعه ..طييييب وش الحل ..على الكم برنامج الموجودة في الماركت الخاص بالاندرويد للغة بتاعتنا العربية مخجلة..مجرد يقولك كيبورد عربي ..وحروف مقطعة..وكل واحد سوى برنامج ركيك ..يفتي على راسك..مالك الا انك تروح لخويك زكريا .. فعلا عبقري من عباقرة المجانيين لاكثر انواع الموبيلاااات شهرة ...الو يازوكزوك ..الحقني ..اسعفني مش قادر اكتب رسالة زي الاوادم .. وراني كل انواع الضحك المبطن. .شكل الموضوع سلخة .. تعال انته ومالك شغل .. وزي السابق ماقلتلكم ..هالمرة لصقة هندية معتقة ..مافي سلخة بدون وجع راس ..علمني يازكزوك ورحمة والديك ..وهادي هدية مني لك يالحبيب ..( والله انه عطر 25 ريال ) ماهي رخيصة ابو عشرة ..اييييييه ... اوووووه شافها كبيرة وخد يابوسلطان هالبرنامج وخد هالمعلومة .. بدأنا نفرفر بالجهاز الييين ماطلعت عيونه شيل حط هالطبخة الاروبية مع شوية عربية ..لاااا شيل هالطبخة وحط طبخة عربية بحته ... ياسلااااام ايه الحلاوة ده ..بالصعيدي ..بدات افهم استوعب فكر ة السيستم ..من هنا بدأ العشق لهذا النظام وادواته .. انت تملك جهاز جبار في اداؤه سرعة 1كيكه ( ههههه) شاشة ولا اروع حتى من الايفون 4 المنافس ..بس مين ..وعلى مين .. وضوح قمة نظام الامولدي ..هاي HD شغلات لاتحصى تحكم كامل لاصغر التفاصيل .. بمزاجك ..شف انت وش تبي الجهاز يصير معاك ..وياسلااام سلم حتى في اسلوب العرض كل شوي اغيره بمزاجي ..يسمنونه برامج اللانشر ..الين طفشت من اصحابي كيف خليت الجهاز وكيف سويت الجهاز واخوكم ما غير( اذلفوووا وجوهكم ..تسالوني الحين بعد ماذقت الامرين وانسلخ جلدي الين فهمته )..الحقيقة جهاز ماعليه قصور ..والسيستم الي يعشقه .. ماراح يتركه بسهولة ..المهم ..انتشر خبر الجالكسي تاب .. وين يابوسلطان ...والله مايروح الجهاز منك .. ومداولات بالمواقع الين لقيت موقع ثقة بريطاني وشريت الجهاز.. ووصلني خلال اسبوعين ..مع قيمة الشحن على DHL وجماركنا العزيزة الى حسبت على الجهاز جمركة 115 ريال يعني المجموع بالعربي 3150 ريال لغاية باب البيت ابي انط من الفرح من كثر ماقريت عن الجهاز والامكانيات الي فيه .. وجاكم عبقرية ابوسلطان ..لسة زوجتي بتخطط للهف الايباد واخوكم قااام بدعبسة السيستم للجالكسي ولازم اركب الطبخة العربية عليه ..وانا قد حضرت العدة والعتاد من اجله .. شي خرافي سرعة جبارة امكانيات تقولك ..انت وش تبي مني بالزبط ..وكانت المأساة غلطة االشاطر بعشرة خطاء في امر pit اسحب الكيبل الجهاز دخل الموته الصغرى ..طيب الجهاز لسة ماكمل ساعتين ..بعد رحلته الطويلة ..وماخد نفسه لسه ..ايش الي سويته يابوسلطان . .دور على الحل 4 ساعات فرفرة في الجهاز والمنتديات ..كيف ارجع المود ريكفري تبعه.. يختلف اسلوبه عن الجالكسي اس .. وبالصدفه ومن قوة الدعبسة دخلت على شي اسمه البوت سيستم ويقولك مكتوب ايش المود الي انت تبغاه اعمله ابلود .. ياسلاااام ولا حتى تعرف جهازي الكمبوتر عليه ياسلاام سلم ..اديلوا... وظبط الجهاز طبعا غيرت اسلوب الطبخة يعد اشتراكي في كذا مواقع اجنبية ..انزل منه الفرموير العربي الكامل والحين ..الجهاز ..ومواصفاته الجبارة افتح البريد ماعندك مشكلة كانك في الويندوز مافي وجع راس الفيلم الهندي ..ادخل على اليوتيوب ..ياسلااام سلم اتفرج ياعم في السرعة والدوان لود .. قلت ياولد جرب نزل عدة لانشرات مشكلة يعني سندوتشات بيض على جبنة على بتاتس ...ههههههههي ياااسلام اشتغلت ومافي مشاكل .. طيب نزل خلفيات جديدة متحركة ...اووووه ماعندك احد ادعس شي جنان ..والله اصحابي حيموتوا من الغيظ .. اوووه كاميرا امامية زي الحلاوة وكاميرا خلفية ياسسسلام سلم ... وكمان ايه اهااا يقبل شريحة اتصالك بدون كلام فاضي مايكرو وش شكله (بالحجازي ) حط شريحتك العادية ...اووووهه لا لا لا خطير صوت واضح .. لدرجة جاري دق الباب وقلي قصر صوت المسلسل ..ياعم روووح سيبني في حالي .. مش فاهم الموضوع .. طيب وش كمان اهااا اجمل مافي الموضوع انك تقدر تخشه في جيب الثوب طبعا ..7 انش ..
يعني ناس فاهمة بتعمل ايه .. مش طاولة تقطيع كبد وبصل ... طيب نشوف بقية البرامج من السوق نجرب نزل ياولد ..نزل ..80% شغالة واخر حلاوة 60% برامج كاملة مجانية ..ياعيني عليك ياقوقل والله انك تعرفي تاكلي الكتف من فين ... 120 الف برنامج يابوسلطان تتعب وانت تقلب فيها لا وايه سيستم ماله قرابة السنتين من ان بداء ..مو نظاام له عشرات السنين وفراحانين 220 الف برنامج يعني اعطي قوقل 5 سنوات شوفوا يصير كم برنامج والله نااااس بتشتغل صح ... الخلاصة المبدئية خصوصا بعد التعريب والاخطاء الي مريت بيها .. عشقت الاندرويد وعشقت اجهزة الجالكسي وقوة اداؤه وتحمله جميع اصناف التعذيب والدعبسة .. وعلى فكرة انا ضد الاخوة الي يقول الجهاز ميت او الشاشة الميته ..الكلام هذا غير صحيح هناك طرق لمعالجة الموضوع ولا يوهق الواحد نفسه او ينفجع ..ويقول الجهاز خلاص ماات او انتهى ابدا .والله ياجماعة الخير من اجل اني اتعلم هالنظام ..وطبعا بتواضع الغشيم ..شريت جهاز htc magic من الاتصالات وكان الفرموير الي عليه1.5 يااااااااااااااااااا ااااه الجهاز شاف الي ماشفه جهاز من تعذيب الين فقد كل انواع الريكفوي والبوت سيستم تماما ...ماااافي كلش رااااح بس معلق على شعار stc ..مش فاهم ليش ماراح ..وحاول صاحبي العبقري حتى اتصل باانشتاين صاحب النظرية العبقرية ..قله ظف وجهك .. عجز العبقري وصار يتأح أح الين ماخليته نطق وقلي غير البورد قلتله بورد مين يابوبورد والله ماني قادر احل المسالة ..والهمني الله اني اروح لشركة htc ووبساطة شديدة رحت لمكتب HTC الي قدام الماريوت بجدة ..وقلت لهم الجهاز صلب على هالشاشة وهالشعاااار ...اه اه شوفو حل ..قالولي طاح منك قلت ابد ..بش مجرد نزلت برنامج باكب وسحfت الكيبل ..صار الي صار .. طبعا ماقلتلهم شي عن التعذيب .والجلد الي سويته بالجهاز .. العملية اخذت نصف ساعة بالضبط ..وقالولي خد جهازك شغااال .. طب كااام قالولي بلاااااش .. قلت حلوووا ..ونبداء بالدعبسة الاقوى مدام الشغلة كدة .. المهم كل امر وله حل بس تشغيل المخيخ ..وعدم فقدان الامل ...اسف للاطالة بس حبيت تعيشوا معي وتجربتي وفلسفتي في هالاجهزة وهي بالنهاية تقنية لاسعاد الاخرين ..وهم من صنعوه يسعدو بقروشك وسلامتكم

[mmf5555]

يا الله هذه القصة باختصار .. عاد كيف لو كانت بالتفصيل..
مقالك يبغاله ترمس شاي مو كاس واحد... ههههه
شكرا ... على الموضوع.

*ما نستغني عن أطروحاتك التي تساعد في حل المشاكل التي تواجه الاخوان في المنتدى ودمت بود.

[talalvip]

اخي الكريم ام ام

شكرا لمرورك ..عاد تصدق مختصر منها كثير ..هي تجربة سنين وشهور مع هالاجهزة وما اتكلم من فراغ ولكن لخصتها بطرقتي ياسلوب حاكي .. ترى الشاي عندي والحساب عندك وتكرم

[الحق]

تصدق تمزعت مصاريني من الضحك لأن التجربة اللي مريت بها نسخة قريبة من تجربتي اللـــــــــــــــــ ـــــــه...

[egypty]

موضوع جميل بس قلقتنى من كلمة الشاشة الميتة ايه الموضوع دة ؟ انا مستنى جهازى من كلوف فى خلال ايام ياريت تطمنى ايه مشكلة الشاشة الميتة خاصة انى لقيت احد الاعضاء بيشتكى منها وايه حلها وبتحصل من ايه

[talalvip]

هلا ايجبتي
مبروك وان شالله يجي بالسلامة ..كلمة الشاشة الميتة او الشاشة السوداء الموضوع طويل شوي باختصرها لك بمعنى انه في حالة لا سمح الله وانت شابك الجهاز لعمل ترقية له سواء عن طريق الشرعية برنامج كيس او عن طريق برنامج الاؤدين .. فطبع برنامج الاؤودين يعتمد اعتماد كلي على برنامج الفلاش الي اسمه pit وكل فرموير له pit تبع تشغيله ليقوم بعملية قرائة ملفات الترقية .. واثناء الترقية لاسمح الله فصلت الكيبل بالغلط .. تواجهك هالمشكلة مثال .. الجالكسي اس بالنسبة لي شبع الف موته والف فصل كيبل ليه لاني صرت عارف كيف اتعامل معاه وسهل انك تشيل البطارية وترجعها يشتغل معاك الركفوري مرثانية طالما ما حصل انهيار في فلاش الركفري مود وتقوم باعادة الترقية من جديد مع تغير في نوعية pit ووضع المناسب للفيرجن الي بتعمله ..او الخلطة الي بتسويها من ناحية الكيرنل او المودم ..عموما..ولكن لوحصل الانهيار يحصل انه الجهاز لايتعرف على كمبوترك او العكس وفي نفس الوقت تلقى جهازك لايصد ولا يرد ولا هو راجع يعمل ريكفوري مود وانا ذكرت عدة مرات بان هذه التسمية مجازية وليست صحيحة طالما الشخص يعرف التعامل مع هالاجهزة متى ماعملت اتصال مع كمبيوترك وتعرف على جهازك خلاص الموضوع انحل باذن الله ام غير كدة فمن الافضل انك توديه لشخص مختص او لشركة تتعامل مع مثل هذه الاجهزة والغالب شركة htc لانها اغلب اجهزتها تحت مظلة الاندرويد فالشركات هذه عندهم اجهزة كونكت اسمها البوكسات ويستخدموها عادة في مثل هذه الحالات وارجع الجهاز لحالته الاولى طبيعية جدا ..اعتقد وصلتك الفكرة واحب اضيف كل جهاز بنظام الاندرويد له طريقة في الدخول على نظام الريكفوري مود والجالكسي تاب اذا حبيت تدخل لاجل التعلم اضغط زر التشغيل وز الصوت الي تحته مع بعط لمدة ثواني تقوم تدخل على نظام الركفوري مود وحبيت تخرج منه اضغط زر التشغيل لمدة عشر الي خمسة عشر ثانية وتخرج من الريكفوري والجهاز يرجع لحالته الطبيعية ويشتغل ولا تخاف ولا يحزنون بس كتير من الناس يحبوا يهولو المسالة ويضخموها .. وهذا كلام غير صحيح ومن واقع تجارب ومحارب وحقيقة الجالكسي تاب اصبر له شوي حتى تتضح رؤيته تماما ولا عليك لك علي اخليه يشتكي للجنة حقوق الاجهزة هههههههه من كثر مالعب بحسبته وانا في الخدمة

[saymynamess]

واااااااو ماشالله عليك!!!

قريت مووضعك وبصراحة جدا شيق لفت نظري معلومة المفروض الكل يعرفها

:".وتجي عيني على جهاز السامسونج جالكسي اس .. افرك عينك صلح قعدك واديها قرايه ..عنه ..نظااام اندرويد ..وش اندرويد ..اتاري الي اخترعه اسمه اندي روبن ..منصة برمجية متخصصة للجوالات غير معقدة"

[egypty]

اخى طلال بارك الله فيك عالشرح المطول . صراحة مفهمتش كل النقاط لان الجهاز مش قدامى ومجربتش ولا حاجة من كل الكلام دة بس المبدأ واحد زى ما كنت بنزل روم للوندوز موبايل اعتقد مع بعض الاختلافات ولكن سؤاتؤالى هوا انا لما الجهاز يوصلنى من كلوف ان شاء الله هكون محتاج ايه ؟ يعنى مثلا هحتاج تعريب دة اكيد وهحتاج ايه كمان ؟

[fasho]

والله زمان .. ذكرتني بالدكتور زمان كان يبسط على كبوت السيارة بالأجهزة حقته قبل يفتح محل
بس والله ياهو يصلخ صلخ في الأسعار ونصاب كمان

[الصقر الماسي]

مشكور أخي طلال
بصراحة ضحكت كثير من أسلوبك في توصيل تجاربك
وربنا يوفقك في إفادة إخوانك بالمنتدى لما هو جديد

[shaheen 100]

ما شاء الله عليك اخوي طلال
ولله اني زيك احب الجوالات واحب اشتريها واحب اركب الروومات والبرامج والحين معاي الجالكسي اس والاي فون 4
والاي باد وصرحه الجالكسي هو اللي دايم اشغله
الاي فو ن ما افتحه ابدا ولحين افكر بالجالكسي تاب

[picaso kuwaiti]

بصراحه يعطيك العافيه واسلوبك في الكتابة ممتع جدا
شكرا مرة اخرى
تحياتي

[talalvip]

انا الي اشكر جميع الاخوة الي علقوا على حكايتي مع الزمان والاجهزة وانا اجزم بان كل واحد مر ولو بنص مشكلتي والتحدي النفسي للواحد انه يقدر يتعلم من تجاربه ولازم الواحد يغامر وممكن يضحي المهم اتعلم من الخطاء الي ارتكبه ولولا الخطاء ما تعلمنا الصح .. والحقيقة .. في قصتي اني ركزت شوي على الجالكسي تاب ومدى روعة هذا الجهاز وكرهي او كرهني الايباد ..والمشكلة الكبرى انه حتى زوجتي غيرت نظرتها ..للايباد وحاطة عينها على الجالكسي تاب .. وانا تعبت من كثر ما امدح الايباد قدامها .. وهي ماغير ما ابي هالتبسي .. ابي هالصغيرووون احطه بشنطتي .. والنهاية ما مشي معاها الا تهديد الدم للركب .. والتلويح بالراية الصفرا .. وظفت وجهها هىهىهههى وقبلت الاي زفت .

[gowl77]

معنى كلامك اشتري الجلاكسي تاب واتوكل على الله

[المميز2004]

حمستني أنا بصراحه بعت الآيباد عشان أشتري الجالكسي تاب لكن تنصحني به والا الجالكسي أس وهل التاب معرب والا يقرأ النت مقطع؟؟؟

الدمج الآلي للمشاركات المتعاقبة التي لم يكن بينها 24 ساعه --------- هذه المشاركة اضيفت في 01:31 PM ----------- المشاركة السابقة اضيفت في 01:29 PM ---------

المشاركة الأصلية كتبت بواسطة gowl77

معنى كلامك اشتري الجلاكسي تاب واتوكل على الله

قصدك صحح : أتوكل على الله وأشتري التاب ...على العموم أنا مثلك متردد شوي رغم ان الجهاز قويييي

[talalvip]

اخوي الكريم gowl77
ليس بالضرورة ان احب ماتحبه انت ..والعكس المهم رغبة انت وماتحبه او تعشقه واذا شايف لك بنظام الاندرويد فتوكل على الله .
اما اخوي الكريم المميز
انا ذكرت تجربتي مع الايفون والايباد هما اجهزة جيدة جدا للمستخدم او الشخص ماله بالتطوير والتحدي انا اسميه الكلاسيك .. او مستخدم عادي .. يبى العاب برامج عادية ..اتصال بريد اوكي بي بالنسبة لي مملل ومليت ابي شي افرفر فيه اتعلم منه مايقول لا ... هذا الفرق ..اما النصيحة بالنسبة للجالكسي تاب او الجالكسي اس كلامها نفس السيستم 2.2 مع فروق بسيطة جدا .. وبالنسبة لي شريت رقم مميز جدييييييييد ( شااااايفييين ) كشخة للجالكسي تاب وشريت سماعة صغيرونة بلوتووث وياسلااام سلم ..وطبع مافي شك السرعة في الجالكس تاب اسرع من الجالكسي اس في التاب سعة الكيرنل 444ميقا وفي الجالكس اس 305 وانا رفعت حدثت كيرنل الاس صار 341 ميقا ممتاز ..اما التعريب موجود للتاب واصلي كمان .. لان الاجهزة الي نزلت بالامارات معربة بالكامل يعني ماعندك مشكلة ابد ..وجهازي ايضا معرب بالكامل وحتى لوشريته من الخارج اوربا او غير ماعناك مشكلة بالتعريب ..بس المهم نتعلم كيف نتعامل مع الاندرويد وكيف تتطوعه بمذاجك وكل يوم تخليه بشكل اخر او سلوب اخر وسلامتكم

[bkrattas]

بارك الله فيك وتجربة جدا مشوقة
انا لي تجربه مشابهه بس مع اجهزة البالم من 1996 وانا ما يطلع جهاز بالم جديد الا وهو في جيبي الين البالم بري اللي زهقنا ماهو راضي يصل السعودية الين ما طفشت وحول على الاندرويد.
دحين معايا الديساير. وهو اكثر من رايع لك ودي بشاشة اكبر لان النظر كل عام وانت طيب.
المهم بدون اطالة عليك قدامي الديساير اتش دي والجالكسي تاب وانا ودي في اتاب لكن خوفي انه كبير شوي عشان يكون جوال وفكرة البلوتوث كويسة عشان الاتصال واستقبال المكالمات. صحيح التاب يخش في جيب الثوب لكن اتخيل لو جلست في السيارة راح يدشدش الجهاز قطعة قطعة. قللي بالله عليك هل تقدر تستعمل التاب محل الجوال هل يممكن استخدامة عادي فيالاتصال واستقبال المكالمات

[talalvip]

اخوي بكراات الله يبارك فيك ... كلنا في الحال سوى تراني حاط نظارتين فوق بعض وبغلط بالحرووف ..
بالنسبة لرأئ الشخص المتواضع .. خد التاب وانت مغمض .. والله العظيم نساني تبسي الشاي ... الايباد .. حتى نقلت شريحتي الاساسية من الجالكسي اس للتاب ..وشريت طال عمرك بلتوث صغير وعملت المزامنة واخر حلاوة ..او بالسماعات السلكية تبعا ذا منت راغب البلوتوث مع انه بدون دا ولا دا الصوت عالي ومشاء الله كل الي في البيت يسمع ..بس عن نفسي افضل البلوتوث ..سواء انت بالسيار او غيرة .. وطلبت شنطة له من موقع كلوف توكلونجي ان شاء الله بتجي في هاليومين .. لاني تعبت ادور في المحلات احد جاب كفر .. علشان الحماية من السيارة وغيره ..وفعلا السامسونج ..عرفت تاكل الكتف من اين ونزلت جوهرة الاجهزة بالمنازع.[COLOR="Silver"]