رجع تعطل الvpn في سوريا ؟؟؟؟!!!!

[SyMnAr]

هلئ صحيح انو الله ياخدو للي عم يحجب ما اختلفنا عليها هي
بالنسبه للvpn ع الايباد مسكر بالنسبه لتراسل
ويلي بدو يكسر بس كرمال الابل ستور والفايبر بيقدر ينزل التور وبينزل يلي بدو ياه
لانو التور يلي عم يحجب بدو تور يفهم عليه ليكسرو
بس للي بدو يتم vpn فيو يدخل من الكمبيوتر vpn بيشتغل عادي ومن الكمبيوتر بيعطي الايباد او الايفون وايرلس شبكه تانيه
ع فكره ئلون محاسن عم يخلونا نفكر بكتير طرق ويعملو عنا خبرة
الله يكسر ايديهون بالنهايه
وشكرا

[I8001]

انا والله رح اقلب خطي لaya
تراسل كلشي محجوب فيها ومافي في بي ان

[Eng.M-Abbas]

أخي طيب ممكن تشرحلي كيف بقدر اعمل شبكة خاصة من اللبتوب لاقدر ادخل من الايفون عن طريقا؟؟؟
يعني ما اضطر حط بروكسي بالايفون

[Amer_s]

المشاركة الأصلية كتبت بواسطة Eng.M-Abbas

أخي طيب ممكن تشرحلي كيف بقدر اعمل شبكة خاصة من اللبتوب لاقدر ادخل من الايفون عن طريقا؟؟؟
يعني ما اضطر حط بروكسي بالايفون

ايه ارجوكم هل من احد يساعدنا كرمال الله

[the fire]

ياجماعة افضل طريقة للتحميل هي عن طريق الكمبيوتر

اسهل واسرع

واليكم طريقتي للتحميل وهي سهلة جدآ

استعملوا اي برنامج لكسر الروكسي مثل

UltraSurf او Vidalia اي ال tor او جربوا البرنامج التالي

افضل برنامج vpn في سورية والدول العربية بديل ultrasurf hotspot

تمت التجربة للتو ويعمل جيدآ

الاتصال بالتأكيد بطئ والتحميل ميت وبطئ وهذا صحيح ولكن

لكن المهم عندما تريدو تحميل اي برنامج

يجب اني يكون برنامج كسر البروكسي شغال

ابدأوا تحميل البرنامج المطلوب

وعندما يبدأ التحميل اوقفوا التحميل اعملو ايقاف مؤقت

ثم اوقفوا برنامج كسر البروكسي واخرجوا منه

ليعود الكمبيوتر بدون بروكسي

واكملوا تحميل البرنامج المطلوب

شخصيآ استعمل الطريقة منذ اشتريت ايفون

أخي طيب ممكن تشرحلي كيف بقدر اعمل شبكة خاصة من اللبتوب لاقدر ادخل من الايفون عن طريقا؟؟؟

يوجد برنامج اسمه Connectify

تستطيع من خلاله تكوين شبكة لاسلكية

برنامج Connectify لمشاركة انترنت اللابتوب الى الجوال ب Wi fi

شخصيآ استعمله احيانآ وهو الافضل للان

ولكن عندما تريد التحميل من الايفون يجب ان تضع بروكسي
على الايفون ويكون البروكسي خارج سوريا
والطريقة سهلة
شخصيآ استعمل الطريقة وهي ناجحة

بالتوفيق للجميع واخبروني بالنتيجة وان شاء الله افيدكم

[Dr.MADO]

الله يعطيا العافيه خدمة تراسل لأن عمتخلينا نشتغل عالنت 3 ساعات يوميا فقط
وح

[Eng.M-Abbas]

شكرا أخي the fire الله يعطيك العافية ويكثر من أمثالك

تقبل تحياتي

[azury]

تراسل كل شي مو شغال عليها
عجزت الاقي طريقة كسر بروكسي وحدة بس
كرهوني النت

[SyMnAr]

هي هون شارحين كيف بتعمل شبكه خاصه بين الكمبيوتر و الايفون
شرح طريقة ربط الآي فون بالكمبيوتر باستخدام الواير لس
بيبقى انو شبكه ال vpn تعملها شير ع كرت الوايرلس وبتعمل كونكت وبيزبط

[alsaed32]

thanks for info

[Eng.M-Abbas]

المشاركة الأصلية كتبت بواسطة azury

تراسل كل شي مو شغال عليها
عجزت الاقي طريقة كسر بروكسي وحدة بس
كرهوني النت

أخي الكريم صحيح أن الشركة الحكومية تراسل عملت حالها شاطرة
ورخصت أسعارها أقل من جميع الشركات لكنها للأسف طبقت أكبر نظام حماية وحجب بين جميع الشركات ، ومع ذلك فان بعض الناس المختصيين تمكنو من ايجاد طرق عديدة لفك هذا الحجب
واللي فهمتو أخي انو ماعندك برنامج كسر بروكسي
فحبيت ساعدك وعلى أمل انشالله يقرا المشاركة أكبر عدد من الناس مشان تعم الفائدة اكثر

سابقاً كنا نكسر البروكسي عن طريق برنامج ultra surf
لكن هلبرنامج ما بشغل السكايب ولا بيشغل الـ I tunes
وهاد الشي الي بيرفع ضغط ملاك الـ I device وبيلعنو اخت الساعة الي اشترو ايفون او ايباد..
وبسبو ناس كتيير مافي داعي نذكرهن ( مشان ما ننعفط )
وانا كنت واحد منهن

بس حالياً اكتشفنا طريقة الـ Socks
وهلطريقة خلتنا نستغني عن تزييف الـ Https المعتمد ببرامج كسر البروكسي
بس حتى تستعمل السوكس لازم بروكسي جديد تجيبو من برنامج بيعمل بهلشغلة والبرنامج هو
Tor browser الغني عن التعريف
فأول شي لازم تنزل هلبرنامج من هون :
https://www.torproject.org/download/...d-easy.html.en
وهي ان شاء الله أحدث نسخة
بعد التنزيل شغل البرنامج وانتظر حتى يتصل بالمخدم ويصير شكلو كما في الصورة

Capture.png‏


وبعدين رح يفتحلك متصف جديد خاص بالبرنامج هو متصفح Aurora
وهو شبيه جداً بالفاير فوكس
هلأ نزل المتصفح لتحت ( تصغير ) ونزل برنامج التور وروح شغل الـ Internet explorer
اضغط زر Alt واضغط أدوات أو Tools
وبعدين روح لاعدادات الانترنت
واضغط على اعدادات lan


ddddddd.png



وبعدين اضغط advanced وخلي كلشي متل الصورة تماماً



sss.png



حتطلع نافذة متل الي بالصورة انت عميل الاعدادات متطابقة مع الصورة تماماً بالبروكسي والبورت وكلشي






واعميل Ok وطلاع من المتصفح

واغلق الـ Enternet explorer

بس انتبه لا تغلق متصفح Aurora او تغلق برنامج التور
وبهلطريقة ان شاء الله بتقدر تشغل أي موقع انترنت بالعالم وبتقدر تشغل الايتونز


بتمنى اني كون قدمت فائدة وياريت لو الموضوع ينتشر حتى خارج المنتدى لأن حجب الانترنت في سوريا موضوع مزعج جداً (والله يخلصنا بقا !!!!!)


لا تشكروني ...هاد واجبي اتجاه المنتدى....بس ادعولي انجح هي السنة بدراستي

[Anas Hamsho]

ياريت حدا يعطينا نسخه لتور عالايفون او اي برنامج اخر بيستخدم اتصال معمى على الايفون غير vpn وشكرا لكم جميعا

[Hashem_rajab]

استخدم التور ... TOR
ابحث في غوغل عن الأداة : sid77.slackware.it_1-2_iphoneos-arm من أجل معرفة كيفية التنصيب

الدمج الآلي للمشاركات المتعاقبة التي لم يكن بينها 24 ساعه --------- هذه المشاركة اضيفت في 07:36 PM ----------- المشاركة السابقة اضيفت في 07:35 PM ---------

فك حجب المواقع والمسنجرات (Cydia) [الأرشيف] - الكمبيوتر الكفي

[saleh014]

فك حجب المواقع والمسنجرات (Cydia)

[Anas Hamsho]

جزاكم الله كل خير

[mohannadjarrah]

Eng.M-Abbas الى الاخ
كنت عم انتظر تجيب شيء مفيد بس للاسف طلع كلو فاشوش
ما هو يا صديقي الموضوع عن ال vpn شو دخل ال tor بالموضوع
بعدين لعلمك ال vpn مو محجوب عالويندوز شغال على كل الشركات فقط عالويندوز

نحنا مشكلتنا مع الماك والايفون

للاسف

[Eng.M-Abbas]

المشاركة الأصلية كتبت بواسطة mohannadjarrah

Eng.M-Abbas الى الاخ
كنت عم انتظر تجيب شيء مفيد بس للاسف طلع كلو فاشوش
ما هو يا صديقي الموضوع عن ال vpn شو دخل ال tor بالموضوع
بعدين لعلمك ال vpn مو محجوب عالويندوز شغال على كل الشركات فقط عالويندوز

نحنا مشكلتنا مع الماك والايفون

للاسف

أخي الكريم أنا نزلت الموضوع مرتين وقام المشرف المناوب بحذف الموضوع قال فيه روابط دعائية
وأنا ذكرت هاد الشي من فترة
ونصحني بعض الأخوة بشرح الموضوع على شكل صور بس كمان ما مشي الحال
ولو تعرف مقدار انزعاجي من الأمر هاد ما كنت تكلمت بهلطريقة
سهرت كل الليل اكتب بلموضوع واخر شي ينحذف بثواني
بس مع هيك ( ورغم كلامك الحلو ) انا عم حاول انشر الموضوع ،
وأنا مالي مستفيد نهائياً بأني أوعد شخص وبعدين اخلف بالوعد.......بس محتاجين شوية تقدير

شكراً لمرورك الكريم أخي

الدمج الآلي للمشاركات المتعاقبة التي لم يكن بينها 24 ساعه --------- هذه المشاركة اضيفت في 05:40 AM ----------- المشاركة السابقة اضيفت في 05:38 AM ---------

تم حذف هذا الموضوع بواسطة المشرف المناوب نأمل الاطلاع على انظمة المنتدى
السبب: روابط دعائيه

[Eng.M-Abbas]

تم نشر الموضوع للمرة الرابعة الآن في منتدى الايفون والايبود والايباد العام لكن بانتظار موافقة الادارة
اسم الموضوع : حلول بديلة للـ vpn في سورية+ هاك لشرائه
وقدمت فيه حلول بديلة كثيرة للمواقع المحجوبة ولبعض البرامج التي لا تعمل على مزود تراسل
واذا هلمرة تم حذف الموضوع بكون في شي غلط بالادارة مابدها تفيد الناس