موقع الكمبيوتر الكفي
استعادة كلمة المرور | استعادة كود التفعيل | تفعيل العضوية
موقع الكمبيوتر الكفي

العودة   الكمبيوتر الكفي > منتديات ايفون iPhone و الايباد iPad و الايبود iPod > منتدى أجهزة الايفون iPhone العام
التسجيل انظمة المنتدى التقييم التجاري التعليمات قاعة المؤتمرات محرك البحث اجعل جميع المنتديات مقروءة

للتذكير فقط ....

رد
 
أدوات الموضوع
قديم 14-04-2012, 06:30 PM   #1
عضو جديد
 
تاريخ التسجيل: 27-09-2011
الدولة: saudia arabia
المشاركات: 12
مشاركات الشكر: 1
شكر 9 مرات في 4 مشاركات
جوالك الايفون دخله ماء تعال شوف ايش تسوي 😲


السلام عليكم ورحمه الله وبركاته
جوالي الايفون طاح بالماء
جوالي الايفون شرب ماء
جوالي الايفون دخله ماء

العبارات الجميع السابقه ادخلتها في محركات البحث بهدف انقاذي من مصيبتي العظيمه لمن بنتي غسلت جوالي الايفون 4g بالماء...


بحكيكم الحكايه ومافيها ...
حاولت ابحث وابحث وابحث للحل وللمنقذ .. ايش اسوي ياربي ،،،😓
طبعا جوالي طفى من لحظتها ... قلب شاشه سوداااااا🔲🔲🔲🔲🔲اااااااء
حاولت انا طبعا اجففه شوي بالمناديل وانفظه حبتين <<<< ماقصرت 😒
ومن كثر ماكان عندي امل انه ماصار شي وانه بيرجع يشتغل >>>>> كمللللت الناقص ...
وروحي يا اختنا في الله واشبكيه في الشاحن😣 .... ولا هو راضي يشحن ،،،، واحاول افصل واشبك افصل واشبك >>>> مااااااادري اييييييش قصدي لمن سويييت كذا 😓...
طبعا مووووووراضي يشبك في الشاحن ... وخلااااص حسييييت الدنيا تدووووووور فيني😲 ...
بيشتغل ولالا ... ياربي ياربي ياربي...



وافتكر وحده من صديقاتي تقولي جوالها الايفون 3gs دخله شويت مويه وموراضي يشتغل لها وحطته في قطمه رز🍚 وبعد كم يوم مشي الحال وورجع تمام التمام ... طبعا انا قلت يابنت ولا تكذبين خبر ... واروح واحطه في خيشه الرز كلها .... قلت خليها تخرج كل المويه اللي بالعالم فيه <<<< 😝




ولكن اختكم في الله ماقدرت تصبر على جوالها ،،، وكل اربع ساعات اروح اجرب يشبك بالشاحن ولالا ،،، واحاول كل مره ... ولا ينفع ....
وبعد ذلك وفي هذه اللحظه من ذالك الزمان👀 قررت اني الجاء للبحث في النت ... اشوف ادور يمكن استفيد من خبرات ناس ...




وابدا ادور في اخونا قوقل ... طبعا مابقيت كلمات بحث ماكتبت .... وللاسف ماطلعلي الا نفس الرابط كل مره ،،، او احد ناسخ الكلام من موقع وحاطه بموقع ثاني😒 نفس النتيجه مااستفدت ... يعني تقريبا مالقيت الا ثلاثه مواضيع مكرره في جميييييع المواقع و المنتديات العربيه 😒👎
المهم انا حزت في خاطري معقووووله ماحد يتكلم عن هذا الموضوع والشعب كله شايل ايفون 😳😳😳😳😳




واروح وقلت مالي الا ادور بالانجلش ماجانا الايفون الا من عندهم 😏
واكتب
Iphone 4 water damage
او
How to dry out your iphone
وعاد النتايج عدووووو واغلطوووو
وعندهم افكار غريبه عجيبه ...



انا على العموم اخذت على نفسي عهد انه اذا صلح جوالي ( والحمدلله ابشركم صلح 😃ياااااربي لك الحمد ) اني احاول انقل لكم المعلومات اللي انا استفدتها من بحثي في المواقع الاجنبيه وفي اليوتيوب لان في كثير مابيبحثون الا بالعربي ...





اولا انا بعلمكم وشلون جوالي صلح ...
خليته بخيشه الرز الى مالا نهايه مافيه فاااايده لين ما وديته محل عند واحد معرفه شاطر وامين في جده .. فككه لي ونشفه والحمدلله رجعه ويشتغل الجوال ماشاء الله تمام التمام ... ولله الحمد والمنه ثم لهذا المصلح جزاه الله خير عني وعن كل من فك كربته ....






والان ننتقل الى الخطوات الواجب اتباعها اذا جوالك الايفون دخل فيه ماء؟؟؟؟<<< يازيني بالفصحى 😊


اولا ......
مهما كانت كميه الماء وسواء طفي جوالك او لا انت على طول اضغط زر القفل واقفله على طوووووول عشان ماتلتمس داخليته مع الماء .... وحاول تجفف وتجفف قدر المستطاع ( وجايتكم بطرق التجفيف )



ثانيا .....
والاهم لا ولم ولن وابداااا لا تقوم بشحنه ابدا ابدا ابدا وخليك صبور وبيشنت عشان ماتخسر او تخسري جهازك لانه كذا انت قاعد تسوي التماس بين القطع اللي مغموره بالمويه والكهرباء اللي راح تجيه من الشاحن وبكذا راح تزيد الطين بله ....
فارجوكم لا تغلطون غلطي وتشبكون جوالكم بالشاحن مثلي ... واحب ابشر اللي غلط او غلطت اني الحمدلله مااتاثر جهازي بالشحن وهذا من فضل الله علي ... ولكنها حركه ابدا مو كويسه لا تسوونها ..




ثالثا ...
لا زم تتخذ ببالك عده امور ...
1/كميه الماء اللي شربه الجهاز ...
لانه لو قليله ان شاء الله سهله وقطمه رز ولا اكياس سليكون او مجففات بسيطه تحل لك القضيه ويرجع يشتغل ان شاء الله
( للي مايعرف اكياس السليكون هي هذيك الاكياس الصغيره اللي دايم تجي في كرتون الجزم لمن نشتريها جديد وطبعا اثاري لها فايده وهي انها تمتص الرطوبه بشكل كبير بس يبغالك علبه كامله منها عشان تغمر ايفونك فيها ... وفي المواقع الاجنبيه ينصحون بيها اكثر شي بس الله اعلم وين تنباع عندنا )
وبالنسبه لانواع التجفيف والافكار اللي لقيتها في المواقع انك
- تحطه شويه في الشمس ( انا مني خفت اسوي الحركه )--
- او انك تشغل عليه الاستشوار على البارد وانتبه الحار لالالالالا لانه يذوب الاسلاك وفي واحد يقولي انه نفعت معاه هالحركه
- او انك تدخله جوت فتحات المكيف عشانه هواء قوي ومايضره
- وفي واحد في موقع اجنبي يقول حطه في شراب طويل ودخله في النشافه الامريكيه اللي تخرج الملابس حاره وامسك الشراب من اعلاه وصك الباب عليه و هذي الحركه عشان تضمن انه ماراح يطيح بالنشافه ومن ثم شغل النشافه على هواء عادي مو حار مره عشان مايعدمه ويبغالك تسوي كذا تقريبا 9 ساعات الين مايجف وانا سويتها بس ماقدرت اصبر 9 ساعات خليته نص ساعه بس وطفشت 😣 ... بس هو طبعا يقول انها نجحت معاه الحركه والله اعلم

ثاني حاجه لازم تحطها ببالك
2/نوع الماء اللي شربه ( عصير - ماء باملاح - ماء صافي... الخ)
لانه طبعا يفرق معاك كثير ولو كان عصير واكيد فيه سكر رايح يخلي الازارير تعلق ولصق ومن جوى الاجهزه تتلصق فالافضل اذا انكب عليه عصير وطفى اغسله سريع بالمويه على اساس يروح العصير من الازارير
ولو كان مالح او الله يبعد عننا وعنكم نوع من الخمر( الله يحفظنا وياكم منها لكن قلتها كمعلومه قراتها في المواقع الاحنبيه )... انه مررره مو كويس لان الماء المالح بعدين اذا جف يعدم الاجهزه الداخليه بالملح المتبقي منه وعشان كذا لازم تشطفه شطفه سريعه بالماء الصافي ...






رابعا ......
لو مررره طفح معاك الحيل ومعصلق ومو راضي الله يعينك وديه عند مصلح
واحذر والحذر انك تضحك عليه وتقوله جوالي طفى لله في الله ولا طاح علي ولا اي حاجه من كذا ليييييش؟؟؟ لانه سهههل جدا انه يعرف انه دخله مويه .. لانه في حساسات في الايفون سهل جدا انك تشوفها تتحول من اللون الابيض الى الون الوردي وهي موجوده واحد في فتحه السماعه حاول توجه اضاءه قويه على فتحه السماعه وبزاويه معينه راح تلاحظ وجود لون وردي الى احمر فاتح .. وفي حساس اخر موجورد في فتحه الشاحن برضه راح يتحولك لونه وردي
غير كذا لازم تتاكد ان المصلح يكون امين وكويس وواثق في اخلاقه لانه للاسف بعضهم يقولك مافي الجوال فايده وخسرت جوالك ويحاول يشتريه منك برخيص عشان يصلحه ويبيعه بقيمه يتكسب هو منها ...


وطبعا المصلح راح يفكك مسامير الجهاز ويفكك القطع الصغيره اللي جوته ويجففها ويخليها من يومين لثلاث ايام ويرجع يركبها وان شاء الله يشتغل من جديد ...
وما اخفي عليكم قد يحصل نادر ومايشتغل ... لكن ربي كريم وخلو املكم فيه كبير

وفي كثير مواقع يوتيوب شرح كيف تففك جهازك الايفون 4 لكن الطريقه مررره صعبه ويبغالها فني ... وهذا رابط لو حابين تتفرجون

وطبعا بدايتا يفكك المسامير الصغيره الموجوده على جانبي فتحه الشاحن
ولو ملاحظين يستخدم اكياس السليكون لتجفيف القطع




واخيرا وليس اخرا اتمنى من الله اني اكون افدتم بهذا الموضوع ... وادري اني طولت عليكم كثييير لكن حاولت اني افيدكم قدر الامكان ... واحب اقولكم ابدا ابدا ابدا لا تيأسون اذا جوالكم الايفون دخل فيه ماء ماشاء الله عليها سبحان الخالق جوالات صاااااامده في وجه الرياح 😁....
وخلو املكم بالله كبير وادعو الله مايضيع لكم تعب ولا يخيب رجاكم ...





KhalidMaha غير متصل   رد مع اقتباس
عدد 6 من الاعضاء يشكرون KhalidMaha على مشاركته الطيبة ويطلبون المزيد من هذه المشاركات الرائعة ويدعون له بالتوفيق
مشاهدة/اخفاء قائمة الشكر لهذه المشاركة

اخر 5 مواضيع للعضو KhalidMaha
الموضوع الاقسام الرد الاخير للعضو الردود مشاهده اخر مشاركة
جوالك الايفون دخله ماء تعال شوف ايش تسوي 😲 منتدى أجهزة الايفون iPhone العام M A J 9 44077 14-04-2012 06:30 PM


اعلان

قديم 14-04-2012, 06:35 PM   #2
abu_fahaad2008
عضو متفاعل
 
الصورة الرمزية abu_fahaad2008
 
تاريخ التسجيل: 23-10-2011
الدولة: Iraq
المشاركات: 526
مشاركات الشكر: 23
شكر 89 مرات في 56 مشاركات

الاوسمة التي حصل عليها

شرح رائع شكراااا

abu_fahaad2008 غير متصل   رد مع اقتباس
قديم 15-04-2012, 03:31 PM   #3
pinkfloid
عضو نشط
 
تاريخ التسجيل: 14-06-2005
الدولة: egypt
المشاركات: 273
مشاركات الشكر: 4
شكر 20 مرات في 14 مشاركات

مشكورين للفائده والشرح


التعديل الأخير تم بواسطة : pinkfloid بتاريخ 15-04-2012 الساعة 03:32 PM السبب: خطأ املائي
pinkfloid غير متصل   رد مع اقتباس
قديم 15-04-2012, 08:38 PM   #4
KhalidMaha
عضو جديد
 
تاريخ التسجيل: 27-09-2011
الدولة: saudia arabia
المشاركات: 12
مشاركات الشكر: 1
شكر 9 مرات في 4 مشاركات

الشكر لكم على المرور

KhalidMaha غير متصل   رد مع اقتباس
قديم 15-04-2012, 10:53 PM   #5
إنسانة لن تتكرر
عضو جديد
 
تاريخ التسجيل: 15-04-2012
الدولة: الكويت
المشاركات: 11
مشاركات الشكر: 0
شكر 0 مرات في 0 مشاركات

ههههههه اختي بدعتي بالشرح مع اني مافهمت شي بس ماقول غير الحمدلله على سلامة الايفون وانا معاج بهالنقطة احنا بالغصب يابلونا الايفون واذا اخترب او انكسر راح انرد لنوكيا

إنسانة لن تتكرر غير متصل   رد مع اقتباس
قديم 16-04-2012, 12:19 PM   #6
a7lawisal
عضو جديد
 
تاريخ التسجيل: 24-01-2011
الدولة: saudi arebia
المشاركات: 9
مشاركات الشكر: 0
شكر 0 مرات في 0 مشاركات

الموضوع مفيد جدا
وطريقتك حسستني إني كنت أتفرج على فيلم وانسجمت مع القصه
عالعموم ألف حمدلله على سلامة آيفونك

a7lawisal غير متصل   رد مع اقتباس
قديم 16-04-2012, 07:31 PM   #7
اشرف ياسين
عضو فعال
 
الصورة الرمزية اشرف ياسين
 
تاريخ التسجيل: 10-09-2006
الدولة: مصر الغردقة
المشاركات: 726
مشاركات الشكر: 1,067
شكر 455 مرات في 218 مشاركات

شرح اكثر من رائع بارك الله فيكي

اشرف ياسين غير متصل   رد مع اقتباس
قديم 17-04-2012, 02:14 AM   #8
KhalidMaha
عضو جديد
 
تاريخ التسجيل: 27-09-2011
الدولة: saudia arabia
المشاركات: 12
مشاركات الشكر: 1
شكر 9 مرات في 4 مشاركات

انسانه لن تتكرر تسلميلي على المرور
واتمنى من الله انك ماتحتجين تقرين الموضوع كله لا انت ولا احد يعز عليك ��
ويتهيألي اللي جرب الجوالات الذكيه مستحيييييل يفكر في نوكيا

الدمج الآلي للمشاركات المتعاقبة التي لم يكن بينها 24 ساعه --------- هذه المشاركة اضيفت في 02:14 AM ----------- المشاركة السابقة اضيفت في 02:12 AM ---------

احلى وصال... اشرف ياسين
اعتز بوجودكم
مشكووورييين

KhalidMaha غير متصل   رد مع اقتباس
العضو التالي يشكر KhalidMaha على مشاركته الطيبة ويطلب المزيد من هذه المشاركات الرائعة
قديم 01-05-2013, 12:01 PM   #9
منال 2013
عضو مشارك
 
الصورة الرمزية منال 2013
 
تاريخ التسجيل: 07-02-2013
الدولة: لندن
المشاركات: 246
مشاركات الشكر: 70
شكر 185 مرات في 93 مشاركات

شكراااااااااااااااااااا

منال 2013 غير متصل   رد مع اقتباس
قديم 03-05-2013, 02:12 AM   #10
M A J
عضو جديد
 
تاريخ التسجيل: 02-05-2013
الدولة: السعودية
المشاركات: 4
مشاركات الشكر: 0
شكر 0 مرات في 0 مشاركات
شكر

موضوع ممييز ومفيد ويعجبني الي جته مشكلة وحلها يطرح حله على الاخرين للإستفاد


أخوووكم محمد
M A J غير متصل   رد مع اقتباس
رد

العبارات الاستدلاليه
الايفون, جوالات, شرح, youtube, قوقل


الذين يشاهدون محتوى الموضوع الآن : 5 ( الأعضاء 0 والزوار 5)
 
أدوات الموضوع


الانتقال السريع إلى

جميع الأوقات بتوقيت GMT +3. الساعة الآن 07:28 AM.


Powered by vBulletin
Copyright ©2000 - 2014, Jelsoft Enterprises Ltd.