.. نصيـحه هـامه جـداً لكل من يبحث عن المسـاعده .. يرجى من الجميـع الدخـول ..

[TheKinG.M]

الســلام عليكم ورحمـه الله وبركـاته

-- يـرجى قرائه المـوضوع بالكـامل لكـي تستفيد من النصيحه --

-- للأداره الـحق بحذف أو تعديل أو تثبيت أو نشـر المـوضوع --

أخـواني وأخـواتي الكـرام

لاحظت في الفتره الاخيره كثـره المـواضيع المكرره وكثره مواضيع المسـاعده والمصيبه الكبرى ان مواضيع المساعده مكرره أو مرات تكون نفس السـؤال بالضبط أو نفس المشكـله وتلاقي مـوضوع مثبت فيه الحـل ومشـروح بالتفصيل الملل !!!!

يجي عضـو تفضل هذا الموضوع بيفيدك جزاه الله خير سـاعده بس صاحب الموضوع نفسه الي هو منزل مشكلته ليش مـاتدور على الحل .... ؟؟؟

يـأخي دور في هذا المنتدى مالقيت جوجل تسـاعدك اكتب مشكلتك وشوف كم موضوع بيطلع لك .. شوف المواقع الاجنبيه ماتفهم انجليزي الله يخلي جوجل تترجملك الموقع بكبره .. حـاول اكتب الجمله بالعربي وجوجل تترجمها للانجليزي يأخي دور ودور ماحصلت اليوم خلاص بكره يمكن تلاقي جرب هذا الموضوع وجرب هذاك الموضوع وجرب وجرب وجرب .. جرب كل شي (( الحيـاه تجـارب ))

وتذكـر دايمــاً أسعى يـاعبدي وأنـا أسعى معـك بكـل شي بس بسوالف الوظيفه لا بكــــل شي

-- ماانحلت مشكلتك دور في المنتدى مره ثانيه مالقيت موضوع يخص مشكلتك تفضل و نزل مـوضوع --


بصـراحه وبدون زعـل أخواني واخواتي احس ان المنتدى صـار خراااااابه

كل واحد ينزل مـوضوع بمشكلته حتى لو كان شايف واحد منزل موضوع قبله بخمس ثواني خلاص مصر كامل الاصرار انه ينزل المـوضوع بمشكلته ليش ؟؟؟؟

لانه ماعنده صبر يبي مشكلته تنحل اليوم والحين في هذي الثانيه ..

أنزين تبي مشكلتك تنحل دور على حلها بيديك أبحث في المنتدى وابحث في جوجل بتطلع لك مواقع قد شعر راسك خلاص مافي حل نهائيا جربت كل الطرق ومانفع معـاك شي بهذا الوقت تقدر تنزل موضوع بمشكلتك اهلا وسهلا فيك والكل هنـا خير وبركه الكل رح يسـاعدك مافي أحد رح يمشي عن مـوضوعك الا الي يدور على حل لمشكلته ..

وانا عن تجربتي الشخصيه انا مااحب اسأل وايد حتى لو كان في حل قدامي احب اني اخترع شي اجرب أحصل الحل بنفسي اسوي ريستور اروح على الايفون براوزر iPhone Browser اشوف الملفات احاول اوصل للملف الي فيه العيب وهل السوالف عقب اروح واشوف الحلول ولو ماحصلت ادور باليوم الثاني والثــالث لو تميت اكثر من 3 او 4 ايام ماحصلت حل لمشكلتي خلاص في هذا الوقت انزل موضوع واشوف الردود والمساعدات لان أتوقع الـ 4 ايام بتكـون كافيه اني اجرب كل شي على الايفون او الايتونز او البرامج الي تنزل او ايش ماكانت المشكله اتوقع الاربع ايام كفايه ..


بس أحنـا مشكلتنــا اننـأ نيأس بسرعه نجرب تجربه وحده ماصار خلاص ننزل موضوع ونبي الرد بهذي الثانيه وبهذي اللحظه !!

يـاشبـاب والله انا مو ضد اننا نسـاعد بعض بالعكس المساعده حلوه وانـ شاء الله بتكون بميزان حسناتنا
بس أحنـا لو دورنا وحصلنا الحل مارح ننساه ابدا ورح نساعد غيرنا لو واجهه هل المشكله ورح نساعده بأحترافيه ..

وبخصــوص المـواضيع المكرره ..

يعني أمـس أبو بدر نـزل مـوضوع عن الجيلبريك الـ SPIRIT وبعدها بكم دقيقه عضـو ثاني نزل نفس الموضوع انزين خلاص دام انك شايف موضوع مافي داعي تيجي وتنزل موضوع خلاص مـوضوع بيكفي الكل انا لاحظت انه أبو بدر قال انه مارح ينزل مواضيع شروحات وجيلبريك مره ثانيه انا مااعرف شنو السبب بس اتوقع ان السبب هو الفوضى وعدم الترتيب وانا شفت الموضوع واضح وكافي ووافي يعني بالتفصيل الممل والعضو الثاني نزل نفس الموضوع انزين انت بهذي الطريقه مااحترمت صاحب الموضوع الاول الي نزل قبل ..

ياشباب بأختصار انا احب اني انصحكم ونصيحتي لله الي يبي يتبعهـا جزاه الله خير


النصيحه بأختصــار

مـواضيع المسـاعده

نصيحتي بأختصار لو عندك مشكله دور ودور بكل مكان وجرب كل الطرق انك تعدل مشكلتك لو انحلت مشكلتك نزل موضوع وأشرح فيه المشكله الي واجهتك والحل طبعا وجزاك الله الف خير لانك افدت الكثر من الاعضاء ولو ماحصلت الحل نزل موضوع مساعده واشرح فيه كل المحاولات الي سويتها واطلب المساعده والكل ان شاء الله رح يساعدك مارح يخلونك تطلع من المنتدى الا والايفون شغال وانت بتكون فرحان ..


المـواضيع المكرره

نصيحتي للكل يوم تشوفون مـوضوع نزل حتى لو الموضوع الي انت بتسويه وناوي انك تسويه صارلك 6 سنين قاعد تجهز علشان هذا الموضوع لو لقيت في واحد سبقك ونزل الموضوع خلاص يااخوي لاتنزله روح ورد على الموضوع واكتب من بعد اذن صاحب الموضوع وحط الاشياء الي انت جهزتها كلها او يفضل انك تحط الاشياء الي مب موجوده علشان تخلي الموضوع كامل لانك في الاول والاخير انت تبي تفيد كل الاعضاء بموضوعك صح خلاص بما ان تبي تفيد الاعضاء كمل موضوع اخوك ف الاسلام الي نزله قبلك وساعده ان يكون موضوعه كامل وكان الله غفورا رحيما ..



وأسمـحولي لو اخطيت على أحد في هذا المـوضوع
والله يغفر لنـا جميعـا

الله يعطيكم العـافيه وجزاكم الله خير
غفر الله لنـا جميعـا ولوالدينــا

في أمـان الله

[s_shaker]

والله كلامك ما عليه غبار اخي الكريم
المنتدى اخر كم يوم صار مواضيع مكررة
يعني الناس تضر نفسها بنفسها
كثرة المواضيع وتكررارها هي يلي تضيع الأعضاء
وانا اعوذ بالله من كلمة انا
اتفق معك على هذا الكلام هذا منتدانا وهو مرجعنا الأول
فيجب علينا ان نرتقي بمواضيعنا لكي يكون المنتدى
غير هذا الشكل يلي ما تعودنا عليه صراحه
والله الموفق للجميع

[TheKinG.M]

تسلـم على المرور أخوي s_shaker ولازم نلاقي حـل لهذي المصيبه الي قاعده تصير هل الايام

ربي يعطيك العافيه ومشكور على المرور العطر

في امان الله

[full4ban]

اكيد اخوتي كلامكم صح

وكثير منا دخل في المتاهات للاسف بسبب مواضيع الاعضاء المكرره

لذالك نرجوا الانتباه منهم

مع تحياتي......

[the-faster]

أقترح أضافة موضوع خاص بمشاكل الأعضاء ويثبت
أظن بالمقابل سيكون المنتدى أكثر تنظيماً

هناك الكثير من المواضيع المفيدة تذهب مع الصفحات بسبب مواضيع المساعدة

[مملكة المحرق]

اول شي يعطيك ال عافية على الكلام الذهب الي قلتة
انا اتفق معاك في كل حرف كتبتة
انا بفضل الله ثم بضل هذا المنتدى
دخلت عالم الايفون
ولة انا قبل حدي نوكيا وبلاك بيري
وي الايام الاخير اي قبل نزول الجيلبريك بأيام لاحظت
كثر المواضيع بخصوص موعد نزول الجيلبريك

ويوم نزل نفس السالفة
كثرة المواضيع عن الجيلبريك

عموما
تسلم على الطرح الراقي
لاخلا ولا عدم
تقبل خالص تحياتي
في امان الله

[aboabo50]

السلام عليكم

بارك الله فيكم جميعا, وبارك الله فى اخى الحبيب X_THE_KING_X

والله موضوع ولا اجمل, ما اجمل ان ننظم الامور, حتى يكون المنتدى اجمل واسهل وانفع للجميع ان شاء الله تعالى

تحياتى

[bofersen]

والله عجزنا واحنا نكتب نفس هالمواضيع
يا شباب السؤال الي تبيه موجود 100% بس ابحث شوي وماكو فايده
واذا ما رديت عليه عشان الموضوع موجود
رد فتح موضوع ثاني وكتب ليش محد يرد علي وينكم يا خبراء وينك يا بوبدر انقذنا
البعض مو الكل والكلام موجود وجمل اكثر من الي قلته
وان شاءالله ان محد يزعل علي من اخواني الاعضاء
يبي الردود باسرع وقت وماله خلق يبحث بالكلمة الي يبيها بمنتدى البحث
اسهلك والله واسرع

[MoZain]

يعطيكم العافيه فعلا موضوع مهم وياريت كلنا نلتزم فيه عشان تعم الفائده للجميع في المنتدى يعني مو معقوله ندش المنتدى العام ونلقى الصفحه الاولى كلها فيها مشكله وحده او ثنتين كاتبها اكثر من شخص وفي حال ماانرد عليه بسرعه كتب موضوع ثاني جذي مانخلص وتروح اهم المواضيع اللي كانت موجوده في اول صفحه من اخبار وامور مهمه

وانا من وجهة نظري البسيطه ان اي واحد عنده مشكله قبل لا يكتب موضوع يدش على منتديات iPhone و iPad اللي نقدر نقول عنه شامل كل مواضيع الايفون والايباد في منتدانا الكمبيوتر الكفي

راح تلقون فوق المواضيع على اليسار كلمة "ابحث في هذا المنتدى" اكتب اسم المشكله اللي تحتاج حلها او اسم البرنامج او اللعبه اللي تبحث عنها اكتب اي شي تبي ترى 99% راح تلقاه لانه البحث راح يشمل جميع منتديات الايفون من عام و برامج وترقيات وغيره وجذي اختصرت على نفسك الوقت

ودمتم سالمين ويعطيكم العافيه يا اخوان

شكرا لصاحب الموضوع وشكر خاص لاخونا الكبير بوبدر اللي تكرم ورد فتح موضوع الجيلبريك وثبته ورد مره ثانيه نقوله ولكم باك

و بالنهايه مالنا غنى عنك يابوبدر وانت الكبير وسع صدرك ياخوي

[ahamwahid]

كلام ونصيحة تكتب بماء الذهب

شكرا جزيلا على ما ذكرته من درر أخي الحبيب X_THE_KING_X

الا ليت قومي يعلمون

نعم فقد إختلطت الأمور وتشعبت بنا السبل في الآونة الأخيره
وكأننا نعيش في ساحة سباق لم نجني منها سوى الغبار

إخواني هدوا الوضع وشدو لجام خيولكم فنحن نريد الفائدة وهذا ما نبحث عنه وتعودنا وجوده هنا في هذا المنتدى الرائع

إخي الكريم

لكي تعطي الفائدة للآخرين عليك أن تنظمها وتراجعها وتتأكد
أنه لم يسبقك إلي طرحها أحد من إخوانك الأعضاء بالمنتدى

بعد ذلك إطرحها في المنتدى ولا تهجرها إخدمها بالمتابعة إستخدم الحسنة الموجوده في هذا المنتدى " أيقونة أشكر
الكاتب " إستخدمها لمن أدرج ردا في موضوعك فمن لا يشكر الناس
لا يشكر الله

كن حريصا على أدب الحوار مع إخوانك الأعضاء وتذكر أنك في
منتدى يستحق أن تلتزم بذلك خاصة وأنه يزوره الملايين من
الزوار الباحثين عن الفائدة

بارك الله فيكم ووفقكم لما يحبه ويرضاه

وسامحونا

[momoajh]

معك حق لكن الغلط مو من الاعضاء فقط بل حتى المشرفين لازم يحدفو المواضيع المكررة لاو تكون الصرامة وعدم التاكسل

+ عن نفسي يتم فتح موضوع متبت لحل مشاكل الاعضاء

وادا لم يفتح ان شاء الله يعد شفائي مباشرة سافتح هدا المةضةع ةنسهر على مساعدة الجميع و الكل سيساهم في المساعدة

سواء ابو بدر ام انا ام انت

والمشكل في استعجال الاعضاء في الحصول على الحل هو خوفهم مت فقدان الايفون

ان شاء الله يكةن اجتهاد من طرفنا ومن طرفكم اخوتي اخواتي احباب رسول الله

[bachir212]

السلام عليكم
اخي X_THE_KING_X
اشكرك على النصيحة القيمة
اتمنى ان يلقى موضوعك الاهتمام والالتزام من كل الاعضاء
لانها نصيحة في محلها
تحياتي

[TheKinG.M]

المشاركة الأصلية كتبت بواسطة full4ban

اكيد اخوتي كلامكم صح

وكثير منا دخل في المتاهات للاسف بسبب مواضيع الاعضاء المكرره

لذالك نرجوا الانتباه منهم

مع تحياتي......

تسلم اخوي على المرور الرائع

ربي يعطيك العافيه

المشاركة الأصلية كتبت بواسطة the-faster

أقترح أضافة موضوع خاص بمشاكل الأعضاء ويثبت
أظن بالمقابل سيكون المنتدى أكثر تنظيماً

هناك الكثير من المواضيع المفيدة تذهب مع الصفحات بسبب مواضيع المساعدة

اقتراح حلـو .. واذا أحد بينزل الموضوع لازم ينزل مـوضوع في كل قسم من منتديات الايفون

تسلم على المرور العطر .. ربي يعطيك العافيه

المشاركة الأصلية كتبت بواسطة مملكة المحرق

اول شي يعطيك ال عافية على الكلام الذهب الي قلتة
انا اتفق معاك في كل حرف كتبتة
انا بفضل الله ثم بضل هذا المنتدى
دخلت عالم الايفون
ولة انا قبل حدي نوكيا وبلاك بيري
وي الايام الاخير اي قبل نزول الجيلبريك بأيام لاحظت
كثر المواضيع بخصوص موعد نزول الجيلبريك

ويوم نزل نفس السالفة
كثرة المواضيع عن الجيلبريك

عموما
تسلم على الطرح الراقي
لاخلا ولا عدم
تقبل خالص تحياتي
في امان الله

ربي يعافيك ويسلمك ويخليك .. تسلم اخوي على المرور الرائــع مـاقصرت

وحيـاك الله في عـالم الايفون .. ربي يعطيك العـافيه

المشاركة الأصلية كتبت بواسطة aboabo50

السلام عليكم

بارك الله فيكم جميعا, وبارك الله فى اخى الحبيب X_THE_KING_X

والله موضوع ولا اجمل, ما اجمل ان ننظم الامور, حتى يكون المنتدى اجمل واسهل وانفع للجميع ان شاء الله تعالى

تحياتى

عليكم السلام ياحيـا الله بأبو بدر .. بـارك الله فيك وفينا جميعـاً تسلم أخوي على المرور الرائع

والتنظيم راحه للجميع طبعـا .. الي يدخل المنتدى ويحصله منظم مارح يتعب في البحث عن حل مشكلته

تسلم اخوي ابو بدر ربي يعطيك العافيه ..

المشاركة الأصلية كتبت بواسطة bofersen

والله عجزنا واحنا نكتب نفس هالمواضيع
يا شباب السؤال الي تبيه موجود 100% بس ابحث شوي وماكو فايده
واذا ما رديت عليه عشان الموضوع موجود
رد فتح موضوع ثاني وكتب ليش محد يرد علي وينكم يا خبراء وينك يا بوبدر انقذنا
البعض مو الكل والكلام موجود وجمل اكثر من الي قلته
وان شاءالله ان محد يزعل علي من اخواني الاعضاء
يبي الردود باسرع وقت وماله خلق يبحث بالكلمة الي يبيها بمنتدى البحث
اسهلك والله واسرع

أخوي بو فرسان الاخوان الاعضاء ينزلون مواضيعهم محد رد عليه لان الحل موجود قدام عينه وينزل موضوع ثانيه وليش محد يرد هذا العضو مع احترامي الشديد له ماعنده صبر و حاله اليأس تجيله بسرعه وفي بعضهم يبون كل شي قدامهم مايبي يتعب علشان يحصل الحل او يحصل الشي الي هو يبيه .. لا يبي كل شي قدام عينه مايبي يتعب .. بالعربي يبي كل شي على الجاهز

تسلم اخوي بو فرسان على المرور العطر

ربي يعطيك العافيه

المشاركة الأصلية كتبت بواسطة MoZain

يعطيكم العافيه فعلا موضوع مهم وياريت كلنا نلتزم فيه عشان تعم الفائده للجميع في المنتدى يعني مو معقوله ندش المنتدى العام ونلقى الصفحه الاولى كلها فيها مشكله وحده او ثنتين كاتبها اكثر من شخص وفي حال ماانرد عليه بسرعه كتب موضوع ثاني جذي مانخلص وتروح اهم المواضيع اللي كانت موجوده في اول صفحه من اخبار وامور مهمه

وانا من وجهة نظري البسيطه ان اي واحد عنده مشكله قبل لا يكتب موضوع يدش على منتديات iPhone و iPad اللي نقدر نقول عنه شامل كل مواضيع الايفون والايباد في منتدانا الكمبيوتر الكفي

راح تلقون فوق المواضيع على اليسار كلمة "ابحث في هذا المنتدى" اكتب اسم المشكله اللي تحتاج حلها او اسم البرنامج او اللعبه اللي تبحث عنها اكتب اي شي تبي ترى 99% راح تلقاه لانه البحث راح يشمل جميع منتديات الايفون من عام و برامج وترقيات وغيره وجذي اختصرت على نفسك الوقت

ودمتم سالمين ويعطيكم العافيه يا اخوان

شكرا لصاحب الموضوع وشكر خاص لاخونا الكبير بوبدر اللي تكرم ورد فتح موضوع الجيلبريك وثبته ورد مره ثانيه نقوله ولكم باك

و بالنهايه مالنا غنى عنك يابوبدر وانت الكبير وسع صدرك ياخوي

والله كلامك صحيح واتفق معاك بالرأي بمجرد البحث رح يلقى الحل ورح يوفر عليه الوقت .. بالعربي نقدر نقول ان هل الاعضاء يبي كل شي على الجاهز احنا مانطلب الا انه يروح ابحث في هذا المنتدى ويبحث ورح يلقى حل مشكلته

تسلم على مرورك العطر .. ربي يعكيم العافيه

المشاركة الأصلية كتبت بواسطة ahamwahid

كلام ونصيحة تكتب بماء الذهب

شكرا جزيلا على ما ذكرته من درر أخي الحبيب X_THE_KING_X

الا ليت قومي يعلمون

نعم فقد إختلطت الأمور وتشعبت بنا السبل في الآونة الأخيره
وكأننا نعيش في ساحة سباق لم نجني منها سوى الغبار

إخواني هدوا الوضع وشدو لجام خيولكم فنحن نريد الفائدة وهذا ما نبحث عنه وتعودنا وجوده هنا في هذا المنتدى الرائع

إخي الكريم

لكي تعطي الفائدة للآخرين عليك أن تنظمها وتراجعها وتتأكد
أنه لم يسبقك إلي طرحها أحد من إخوانك الأعضاء بالمنتدى

بعد ذلك إطرحها في المنتدى ولا تهجرها إخدمها بالمتابعة إستخدم الحسنة الموجوده في هذا المنتدى " أيقونة أشكر
الكاتب " إستخدمها لمن أدرج ردا في موضوعك فمن لا يشكر الناس
لا يشكر الله

كن حريصا على أدب الحوار مع إخوانك الأعضاء وتذكر أنك في
منتدى يستحق أن تلتزم بذلك خاصة وأنه يزوره الملايين من
الزوار الباحثين عن الفائدة

بارك الله فيكم ووفقكم لما يحبه ويرضاه

وسامحونا

العفــو أخي الكريم ahamwahid .. كلامك الذي يكتب بماء من ذهب

وهدفي من هذا الموضوع هو فائده الاعضاء لكي يبحثون عن حل لمشكلتهم ويفيدوننا بحلولهم ولكي تترسخ المعلومه او الحل الذي حصل عليه في عقله وستفيده في المستقبل اذا حصل له نفس المشكله سوف يتذكر انه بحث عنها وتعب ووجدها وسوف يفعلها مره اخرى دون الرجوع الى اي بحوثات اخرى لانها رسخت في ذاكرته

تسلم على الكلام الرائع والمرور الاروع .. ربي يعطيك العافيه

المشاركة الأصلية كتبت بواسطة momoajh

معك حق لكن الغلط مو من الاعضاء فقط بل حتى المشرفين لازم يحدفو المواضيع المكررة لاو تكون الصرامة وعدم التاكسل

+ عن نفسي يتم فتح موضوع متبت لحل مشاكل الاعضاء

وادا لم يفتح ان شاء الله يعد شفائي مباشرة سافتح هدا المةضةع ةنسهر على مساعدة الجميع و الكل سيساهم في المساعدة

سواء ابو بدر ام انا ام انت

والمشكل في استعجال الاعضاء في الحصول على الحل هو خوفهم مت فقدان الايفون

ان شاء الله يكةن اجتهاد من طرفنا ومن طرفكم اخوتي اخواتي احباب رسول الله

والله غلاهم المشرفين يحاولون قد مايقدرون انهم ينظمون المنتدى ويحذفون المواضيع المكرره بالقدر المستطاع .. بس الاعضاء واحنا لازم نراعي المشرفين والخبراء انهم عندهم مشـاغل ثانيه في الحياه مب بس منتدى احنا كلنا نسعى ان منتدانا يكون منظم وحلو ومرتب بس الاعضاء الي مافيهم صبر ينزلك 60 موضوع بنفس العنوان ومايكون عنده مشكله يبي حل وبس

والايفون مارح يموت الا اذا طاح في ماي او تكسر مشت عليه شاحنه ف هذي الحاله يموت غيرها لا

والله يشفيك يارب وتنزل الموضوع لان اقتراحك جميل وكلنا بنساعدك ان شاء الله ماتقصر اخوي

تسلم اخوي على المرور العطر ربي يعطيك العافيه

المشاركة الأصلية كتبت بواسطة bachir212

السلام عليكم
اخي X_THE_KING_X
اشكرك على النصيحة القيمة
اتمنى ان يلقى موضوعك الاهتمام والالتزام من كل الاعضاء
لانها نصيحة في محلها
تحياتي

عليكم السلام والرحمه هلا والله اخوي bachir212

العفو وان شاء الله الكل ياخذ بهذي النصيحه لان بعدها رح يصير باذن الله هو الي يساعد الناس بخبرته

ربي يعطيك العافيه وتسلم اخوي على المرور العطر


تسلمون أخــواني على التقدير والردود والتعليقات على الموضوع ماتقصرون الغــاليين .. ربي يعطيكم العافيه أنـ شاء الله

في امان الله

[Reeem]

مشكور انا صرت استحي اسأل بسبب كثرة الاسئله المشابهه

المنتدى كان افضل ولازال،،
ولكن اصبح ممل ومتعب من كثره المواضيع المكرره

اتمنى تفهم باقي الاعضاء لملاحظاتك

[alawiama]

اخي العزيز X THE KING X

الله يبارك فيك ويسلمك

والله انا بطلت اكتب اي طلب استفسار او مشاركه لهذا السبب

الجميع معتمد عل الاعضاء والخبراء بالرد وكثير مايكلفون نفسهم القراءة في مواضيع المنتدى

مشكوووووووور مره ثانية

[TheKinG.M]

المشاركة الأصلية كتبت بواسطة Reeem

مشكور انا صرت استحي اسأل بسبب كثرة الاسئله المشابهه

المنتدى كان افضل ولازال،،
ولكن اصبح ممل ومتعب من كثره المواضيع المكرره

اتمنى تفهم باقي الاعضاء لملاحظاتك

والله يـاريت الكل يشوف الموضوع ويستفيد من النصيحه بس للحين مااشوف اي تقدم

وانا كل هدفي هو ان العضو يكون المحترف الي ينزل موضوع المساعده عقب تجارب عده جربها لحل مشكلته اذا فشل في حل المشكله ينزل موضوع مساعده ويكتب كل التجارب واذا نجح في حلها يفيد الاعضاء بالحل وبنفس الوقت بيفيد نفسه لانه مابينسى الحل واذا مشى على نفس الطريقه سيصبح محترف .. والهدف الثاني ترتيب المنتدى وتنظيمه لافاده الجميع

تسلمين اختي ريم على المرور ربي يعطيج العافيه

المشاركة الأصلية كتبت بواسطة alawiama

اخي العزيز X THE KING X

الله يبارك فيك ويسلمك

والله انا بطلت اكتب اي طلب استفسار او مشاركه لهذا السبب

الجميع معتمد عل الاعضاء والخبراء بالرد وكثير مايكلفون نفسهم القراءة في مواضيع المنتدى

مشكوووووووور مره ثانية

العفــو alawiama على المرور العطر .. والله زين تسوي لان تقريبا كل مشكله وحلها موجود في المنتدى واذا ماحصلت حل لمشكلتك بكل المنتدى جرب المنتديات الاجنبيه واذا ماحصلت نـزل موضوع مسـاعده والاعضاء مارح يقصرون .. وهذي هي المصيبه الكبرى ان في اعضاء كثير مايكلفون نفسهم قراءه المواضيع الموجوده في المنتدى والسبب أنهم يبون الحل باسرع وقت والسبب الرئيسي هو يبون كل شي على الجاهز ..

مشكـــور على المرور العطر alawiama

ربي يعطيك العافيه

في امان الله