استفسار قبل شراء سامسونج 7.7

[Amr Abozied]

انا برضه مش بلعب ولا بتفرج علي افلام مشغله تليفون ونت وفبس وتويتر اقل حاجه قعدت ٣ ايام واكتر حاجه ٥ايام

[lody1983]

عمرو باشا سؤال صغنون خالص مالص
انا لو جبتوا ما فهوش عربى , اقدر انزلوا لغة عربى ولا لالا؟

[Amr Abozied]

الحمد لله دلوقتي تقدر تنزل الروم المصري كمان بمنتهي السهوله وموجود هنا في الموقع

الدمج الآلي للمشاركات المتعاقبة التي لم يكن بينها 24 ساعه --------- هذه المشاركة اضيفت في 12:10 AM 17-02-2012 ----------- المشاركة السابقة اضيفت في 11:59 PM 16-02-2012 ---------

هو بس يجي بالسلامه وقاعده واحده في اي حته في سموحه معاي لابتوبي وشيشتنا وسحلبنا وكله حيبقي تمام ان شاء الله

[noura322]

ههههههههه دة انتو نوينهااااا بقى

[Amr Abozied]

اتفضلي معانا في جمعيه اصحاب الجلاكسي تاب٧.٧ في السكندريه هههها

[lody1983]

ايه الكلام دة بقى ؟؟؟
دة انا قولت نورا هتعملنا الغداء
ماشى سحلب سحلب
اصل اختى سافرت دلوقتى مدريد وجايه على يوم الحد باذن الله , فهخليها تشوفلى سعروا هناك كام لو هى هى هخليها تجيبوا وهى جايه
ولا خالى بقى ولا جمايل مالهاش لزمة

[noura322]

مشيها سحلب يا خالد الجو في الجو الفيظع دة

[thirdramses]

سؤال سريع هو انا عشان أضيف صحابي الى في مصر في الواتس اب عندي وانا في السعودية لازم اخزن ارقامهم ب المفتاح الدولي طبعا بس بالشكل ده 0020 ولا الشكل ده +20 ؟؟

غلبت مش لاقيهم على الواتس اب خالص !!!!

[noura322]

المشاركة الأصلية كتبت بواسطة Amr Abozied

اتفضلي معانا في جمعيه اصحاب الجلاكسي تاب7.7 في السكندريه هههها

لو غداء ماشي هتفضل لكن شكلها هتكون مشاااريب بس هههه
الواحد يتابع معاكو من هنا بقي

[lody1983]

المشاركة الأصلية كتبت بواسطة thirdramses

سؤال سريع هو انا عشان أضيف صحابي الى في مصر في الواتس اب عندي وانا في السعودية لازم اخزن ارقامهم ب المفتاح الدولي طبعا بس بالشكل ده 0020 ولا الشكل ده +20 ؟؟

غلبت مش لاقيهم على الواتس اب خالص !!!!

يا باشا ريح دماغك ونفضلهم , وهو فى حد بيضيف اصاحابوا فى الايام دى
تعالى تعالى اشرب سحلب معانا

الدمج الآلي للمشاركات المتعاقبة التي لم يكن بينها 24 ساعه --------- هذه المشاركة اضيفت في 01:37 AM ----------- المشاركة السابقة اضيفت في 01:33 AM ---------

المشاركة الأصلية كتبت بواسطة noura322

لو غداء ماشي هتفضل لكن شكلها هتكون مشاااريب بس هههه
الواحد يتابع معاكو من هنا بقي

ايه دة امال مين لى هيعمل الغداء؟؟؟؟
شكلك هتخلينى اغير تفكيرى عن البنات خالص , سبتى المطبخ وماسكلنا فى التاب
شوف يا سى عمرو ادى بنانيت الايام دى
الحق اسحب الايباد من ايد مراتك بقى , بدل ما تقضيها ديلفرى

الدمج الآلي للمشاركات المتعاقبة التي لم يكن بينها 24 ساعه --------- هذه المشاركة اضيفت في 01:38 AM ----------- المشاركة السابقة اضيفت في 01:37 AM ---------

المشاركة الأصلية كتبت بواسطة Amr Abozied

الحمد لله دلوقتي تقدر تنزل الروم المصري كمان بمنتهي السهوله وموجود هنا في الموقع

الدمج الآلي للمشاركات المتعاقبة التي لم يكن بينها 24 ساعه --------- هذه المشاركة اضيفت في 12:10 AM 17-02-2012 ----------- المشاركة السابقة اضيفت في 11:59 PM 16-02-2012 ---------

هو بس يجي بالسلامه وقاعده واحده في اي حته في سموحه معاي لابتوبي وشيشتنا وسحلبنا وكله حيبقي تمام ان شاء الله

تسلم ايدك يا عمووووووووووووور

[noura322]

ههههههههه لا متفهميش غلط يا خالد
ما هو شوية كدة وشوية كدة برضه

[thirdramses]

المشاركة الأصلية كتبت بواسطة lody1983

يا باشا ريح دماغك ونفضلهم , وهو فى حد بيضيف اصاحابوا فى الايام دى
تعالى تعالى اشرب سحلب معانا

والله يا باشا انتا ما تعرفش شعور الى متغرب بره مصر وقد ايه بيشتاق لصحابه وعيلته واهله وناسه وعشان كده الواحد حريص على اي تقنية تخليه يتواصل مع حبايبه في الغربة

اكيد لو اتغرب ها تحس بالى انا حاسه
وبالنسة لعزومة السحلب انا موافق بس نأجلها لشهر 7 كده ولا حاجة وساعتها خليها ايس كريم بئا

[lody1983]

وهو فى احلى من الايس كريم فى الاسكندرية فى شهر 7
انا سافرت قبل كدة روسيا قعدت شهر ونص وكنت بقول يا غربتى
وروحت مدريد والله العظيم بعد يومين بالظبط بقيت بفرك فى الارض عايز ارجع
ربنا يوفقك يا رب ويكرمك فى شغلك
اتقل عليا انت بس اجيب العريس من برة واظبطوا وهكون مرجع ليك ياذن الله
ويا باشا اعتبرنى صديق رخم هيرخم عليك ويكلمك من النهاردة
اخوك خالد - مهندس فى المقاولون العرب

[thirdramses]

المشاركة الأصلية كتبت بواسطة lody1983

وهو فى احلى من الايس كريم فى الاسكندرية فى شهر 7
انا سافرت قبل كدة روسيا قعدت شهر ونص وكنت بقول يا غربتى
وروحت مدريد والله العظيم بعد يومين بالظبط بقيت بفرك فى الارض عايز ارجع
ربنا يوفقك يا رب ويكرمك فى شغلك
اتقل عليا انت بس اجيب العريس من برة واظبطوا وهكون مرجع ليك ياذن الله
ويا باشا اعتبرنى صديق رخم هيرخم عليك ويكلمك من النهاردة
اخوك خالد - مهندس فى المقاولون العرب

يسعدني ويشرفني واللهي وان شاء الله بينا لقاء لما انزل مصر

انا بئا حياتي كلها غربه واتنقلت بين بلاد كتيرة فعشان كده تلاقي ليا في كل حته معارف واصحاب والواحد حريص ان حبل الود ما يتقطعش معاهم

وان شاء الله الجهاز يوصل لك بالسلامة وصدقني رائع بمعنى الكلمة ويستاهل كل جنيه يندفع فيه

[lody1983]

المشاركة الأصلية كتبت بواسطة noura322

ههههههههه لا متفهميش غلط يا خالد
ما هو شوية كدة وشوية كدة برضه

يا خووووووووووووووووفى يا بدران

الدمج الآلي للمشاركات المتعاقبة التي لم يكن بينها 24 ساعه --------- هذه المشاركة اضيفت في 02:53 AM ----------- المشاركة السابقة اضيفت في 02:49 AM ---------

المشاركة الأصلية كتبت بواسطة thirdramses

يسعدني ويشرفني واللهي وان شاء الله بينا لقاء لما انزل مصر

انا بئا حياتي كلها غربه واتنقلت بين بلاد كتيرة فعشان كده تلاقي ليا في كل حته معارف واصحاب والواحد حريص ان حبل الود ما يتقطعش معاهم

وان شاء الله الجهاز يوصل لك بالسلامة وصدقني رائع بمعنى الكلمة ويستاهل كل جنيه يندفع فيه

بس هو يخلى عندوا دم ويجى والله ما هستخسر فيه الفلوس
هو انتوا مش ملاحظين ان عمرو تقريبا دخل ينام مع الاولاد؟؟؟
ادى المتجوزين والى بيحصل فيهم

[Amr Abozied]

بالظبط ياخالود والله بنتي لولو سحبتني من ايدي علشان انيمها نمت قبل منها وانت عارف الخميس واخر الاسبوع والواحد مهدود من الشغل وانتوا كمان بصراحه من غير زعل وطوايط خالص بتظهروا اخر الليل انت ونورا انا بصحي ٧ الصبح وبرجع من الشغل ٧ بالليل واخري معاكم ١٢ او ١ بالكتير واديك شايف الهانم الصغيره مصحياني من الساعه كام وسايبه مامتها نايمه اه ياغلبي.
وعمال اقولك اظبطلك الجهاز واجيب اللاب توب بتاعي معاي المفروض اقل حاجه عزومه في كارلوس غدا في لاتينو مش حتقل عليك يعني مافيش داعي لحسني والا قدوره. بس خد باللك اول ما حنتفق حنلاقي نورا مستنيانا هناك طالما الموضوع مش سحلب بس.
الصاحي من الفجر بيفطر العيال عمرو ابوزيد

[lody1983]

المشاركة الأصلية كتبت بواسطة Amr Abozied

بالظبط ياخالود والله بنتي لولو سحبتني من ايدي علشان انيمها نمت قبل منها وانت عارف الخميس واخر الاسبوع والواحد مهدود من الشغل وانتوا كمان بصراحه من غير زعل وطوايط خالص بتظهروا اخر الليل انت ونورا انا بصحي ٧ الصبح وبرجع من الشغل ٧ بالليل واخري معاكم ١٢ او ١ بالكتير واديك شايف الهانم الصغيره مصحياني من الساعه كام وسايبه مامتها نايمه اه ياغلبي.
وعمال اقولك اظبطلك الجهاز واجيب اللاب توب بتاعي معاي المفروض اقل حاجه عزومه في كارلوس غدا في لاتينو مش حتقل عليك يعني مافيش داعي لحسني والا قدوره. بس خد باللك اول ما حنتفق حنلاقي نورا مستنيانا هناك طالما الموضوع مش سحلب بس.
الصاحي من الفجر بيفطر العيال عمرو ابوزيد

يا صباح الفل , ربنا يخليهالك يا رب دى القعدة مع لولو دقيقة واحدة بالدنيا والى فيها
انا مواعيد شغلى زيك بالظبط , بس انا الاسبوع الى فات كنت كلو اجازة علشان كدة كنت قاعد موريش اى حاجة
واهو يا سيدى نمت امبارح بعد ما صليت الفجر , ودلوقتى صحيت وفطرت وجتلكم فايق
والله يا عمور احترامك وذوقك ما تغلاش عليك سمك البحر كلوا
انت بقى بتشتغل ايه ؟

[Amr Abozied]

انا مدير انتاج في شركه اغذيه في المنطقه الحره في العامريه وحاليا انا ساكن في شقتي في محرم بك وفي الصيف باروح العجمي

الدمج الآلي للمشاركات المتعاقبة التي لم يكن بينها 24 ساعه --------- هذه المشاركة اضيفت في 12:05 PM ----------- المشاركة السابقة اضيفت في 12:03 PM ---------

حنزل اصلي رارجع لكم علي الله الاقيك انت ونورا وعز النهارده الجو شتا فظيع ومافيش نزول وقاعدين في البيت ان شاء الله

[noura322]

انا بقي لبشتغل ولا عندى لولو
فاتلاقونى كدة على النت 24 ساعة
لما تيجى بقى يا عمرو قولنا ايه اخبار الجهاز وايه البرامج الحلوة اللى بتسخدمها والحاجات دى بقى

[Amr Abozied]

صباح الخير يانورا طبعا لسه صاحيه دلوقتي. ليه مش بشتغلي ايه الكسل ده انزلي دوري علي شغل ههههه.
يابختك برده الراحه حلوه.
انا بستخدم Powe amp نسخه مدفوعه جميل جدا لسماع الاغاني وفيه امكانيات جميله وخصوصا الاكولايزر بقدر اتحكم فيه مع السماعات beats.
برنامج Soul movies علشان المسلسلات والافلام الاجنيي ممتاز في عرض الترجمه.
ويدجت Androied widgets Pro. جميل جدا وشفاف وفيه عرض فيس بوك وتويتر وكونتاكت والرسايل حاططهم كلهم علي صفحات اللانشير اللي هو Adw سريع جدا واحسن من التتش ويز بتاع سامسنج وبيحسسك ان الجهاز خفيف وسريع.
وانتي ايه البرامج بتاعتك غشيشيني اي حاجه

[noura322]

ايه الحقد دة يا عمرو بس انا عارف انا من كتر ما بدور على شغل مش فاضية اشتغل هههههه
خد عندك بقى
انا كمان بستخدم soul movies
وعمر ما اتفرجت على فيلم ههههه غلاسة وخلاص
ps touch
اهو حاجة مصغرة من الفوتوشوب لانى بستخدمه كتير
وكل برامج ادوبي
الجزيرة
العربية
اخبار مصر
teamviewer
+بقي
facebook+ twitter+whatsapp+viber+yahoo+skype
بسخدم dolphin
وبستخدم go lancher
وكام لعبة عبيطة كدة
Angry birds
mouse trap
sprinkle
where"s my water
cut and slice
can knockdown
solitaire
وكفى المؤمنين شر القتال

[osama-tamtom]

اخي الكريم اكيد Galaxy Tab 7.0 Plus افضل من سامسونغ P6200 Galaxy Tab 7.0 Plus وهذا رابط يفيد كافة الاحباب بالمقارنة بين الجهازين ... طبعا اسف على التاخير في الرد . وكما يقولون ان تصل متاخرا خير من ان لا تصل ... اليك الرابط

http://www.jawal123.com/PublicPages/..._&l ang=ar-sy

[Amr Abozied]

عندك حق الحمد لله انك فاضيه النهارده من التدوير وبتردي علينا هههه.
الدولفين شغال معاكي حلو انا لسه علي متصفح سامسونج
وبتعملي ايه بالفوتو شوب لعب بس وتيم فيور انا بستخدم dropbox

الدمج الآلي للمشاركات المتعاقبة التي لم يكن بينها 24 ساعه --------- هذه المشاركة اضيفت في 04:24 PM ----------- المشاركة السابقة اضيفت في 04:23 PM ---------

الباشمهندس خالد فين شكله بيضرب غدا

[noura322]

المشاركة الأصلية كتبت بواسطة Amr Abozied

عندك حق الحمد لله انك فاضيه النهارده من التدوير وبتردي علينا هههه.
الدولفين شغال معاكي حلو انا لسه علي متصفح سامسونج
وبتعملي ايه بالفوتو شوب لعب بس وتيم فيور انا بستخدم dropbox

الدمج الآلي للمشاركات المتعاقبة التي لم يكن بينها 24 ساعه --------- هذه المشاركة اضيفت في 04:24 PM ----------- المشاركة السابقة اضيفت في 04:23 PM ---------

الباشمهندس خالد فين شكله بيضرب غدا

اه الدولفين حلو جدااا متصفح سامسونج رخم حبتين
انا اصلى بعمل شغل بسيط كدة على الفوتوشوب يعنى الواحد بيمرن نفسه شوية لعلا وعسى بقى
هو dropbox دة زى التيم فيور ولا ايه

[Amr Abozied]

الدروب بوكس بيعمل فولدر علي الجهاز تحطي فيه كل شغلك وصور واي حاجه انتي عايزاها وهو بيعمل باك اب اتوماتيك وتقدري تشوفي ملفاتك من اي مكان فيه نت.بالنسبه للدولفين جربته وكان تقيل مش عارف ليه مع اني كنت بستخدمه مع التاب القديم كلامك خلاني افكر اديله فرصه تانيه.
بالنسبه للواتس اب انزله واشوف اخباره ايه علي التاب وممكن استعمله معاكي وخالد وعز ورمسيس التالت اللي متغرب هههه