تحذير !!!!!! لا احد يشتري من مشاعل العاصمة او رصيدكم !!!!!!!!

[Heddink Twitt]

المشاركة الأصلية كتبت بواسطة hmadame

الأخ الكريم /Heddink Twitt

انا اسمي محمد مسئول جودة العملاء وهذا قسم يقوم بحل مشاكل العملاء
في اي جهة في العالم يكون في مشاكل مع العملاء ولكن الجهة المتميزة الي دايما تجد حلول لمشاكل العملاء وذلك سعيا في حلها وانهائها نهائيا فلا يوجد شركة مهما كانت سمعتها الا ولديها مشاكل مع العملاء واقرب مثال يالغالي الخطوط السعودية من اكبر الشركات ولا نقارن مشاعل العاصمة بها ولكن مليانة مشاكل مع العملاء السؤال مين الي يقدر يعالج مشاكل عملائه ويطور خدماته لان ارضاء العميل شي صعب للغاية ,
وبالنسبة لكلامك اخوي عن رصيدكم فهي مؤسسة مستقلة بذاتها المصادفة فقط في ان صاحبها اسمه ابو احمد واسمه صالح الحارثي تقدر تدخل على موقعهم وتشوف وبالنسبة لمشاعل العاصمة فهي ابو احمد ( عمر سالم باوزير )
وبالنسبة لمصادر الأجهزة فهي متنوعة هذا شي يعود للمؤسسة واجهزتنا معاها ضمان يعني مو بدون ضمان وضمانا الحمدلله معروف لدى الكل الأجهزة لدى اكسيوم تكون بالشهور دون استبدال
وفي النهاية اجهزتنا الحمدلله قوية مافيها اي مشاكل في الأخير نوفر جودة لعملائنا بسعر اقل ونفس الأجهزة موجودة لدى اكسيوم وباقي الشركات ولكن مين الي يبحث عن السعر الأفضل للعميل .
مع خالص تحياتي

هههههههههههههههههههه هههههه
للمرة الخامسة أخليك تطيح بلسانك وأفضحك قدام الكل
----------

شباب لاحظو معي كذبه والنقاط التالية راح نفنطها وحدة وحدة .

1- أول رد له قال إنه عميل عندهم ولا قال إنه موظف .. وهذا ان دل يدل على انه كذاب
ولو ما كشفته انا ما كان بيعترف . ههههههههههههههههههه

2- انا أخي الكريم لم أقل أن اصحاب الشركات وحدة .. أنا قلت انه من نفس الشركة ونفس الملااااااك وتابعة لبعض . ولو لم تكن كذلك لما كنت على اطلاع بالمعلومات الكاملة لكلا الشركتين . ابو أحمد اللي هو ولد باوزير هذا هو كان العقل المدير في مشاعل العاصمة . وهو اللي كان ممشيها . ولو تبي اقولك كيف ممشيها كان من الألف للياء . حتى قبل لا تيجي انت او غيرك للشركة اللي في فرع البطحاء . من بداية مشكلة موقعكم مع اللي ماسكين موقع مشاعل العاصمة الالكتروني في مصر وكانو معذبينه .. إلى يوم قرر هو وغيره بيع بعض الأسهم من الباطن وجعل مشاعل العاصمة صيانة ورصيدكم واجهة . تقدر تقولي فرع رصيدكم للصيانة وين ؟ هههههههههههههههههههه ه

3- أخي الكريم .. انا ما عندي شي ضدك .. بالعكس .. أحييك على مثابرتك في عملك وهو خدمة العملاء. لكن أنصحك ان تقوم بذلك على الملأ .. وليس متخفيا في المنتديات بين الظلمات . وتحاول توهم الناس انك عميل . وانا إن كان لي مشكلة فهي مع الشركتين الكذابات .. وفي اشياء يمكن انت نفسك ما تعرفها عنها

4- أكيد كل الشركات تواجه بعض المصاعب والتعب . لكن خدمة العملاء وخدمة ما بعد البيع لا يجب التهاون فيها ابدا .. يعني ما راح تحلون مشاكل أحد الا اذا كان له واسطة أو فضحكم هنا .. أو راح للوزارة
يعني لو كان ضعيف ومسكين ولا يعرف لحركاتكم .. وربي ما تعبرونه . أو لو كانت بنية او رجال كبير وربي تسحبون فيه أحلى تسحيب .. انا هذا اللي حارق دمي . ومخليني وراكم انتم وغيركم وفاضحك مفي كل مكان . ولازلت بالمرصاد لكم

وسلملي على ابو احمد .. وسلملي على عيال الحارثي . صالح وعبد الله . موب صالح فقط

[ghost2000]

كلمني محمد ووعدني بأرسال جوال جديد

وقال لي كلمني بكرا وان شألله تكون راضي

نتمنى ذلك

واي شىء جديد
راح اخبركم ان شألله

اذا ارسلي جوال جديد ( غدى الشر وحنا حبايب ) راح اكتب موضوح بذلك.
واذا قالي تصليح او فحص وكلام فاضي ( لا )

[العمري الحربي]

والله العظيم إني شخصياً لا أرتاح لمشاعل العاصمة وجوالاتهم أحس أنها نصب في نصب ، بعدين في فرق في السعر في جوالاتهم ونفس الجوالات التي تباع في أماكن أخرى والفرق ليس مئة ريال أو مئتان بل تصل إلى خمس مئة ريال أو سبع مئى ريال .

الله أعلم من أين يأتون بجوالاتهم .

[Heddink Twitt]

المشاركة الأصلية كتبت بواسطة ghost2000

كلمني محمد ووعدني بأرسال جوال جديد

وقال لي كلمني بكرا وان شألله تكون راضي

نتمنى ذلك

واي شىء جديد
راح اخبركم ان شألله

اذا ارسلي جوال جديد ( غدى الشر وحنا حبايب ) راح اكتب موضوح بذلك.
واذا قالي تصليح او فحص وكلام فاضي ( لا )

ممتاز عليك نور
يصير حط موضوع هنا .. عشان اي واحد من الشباب يواجه مشكلة مصنعية
نخليه يكتب موضوع هنا عشان يغيرون له الجهاز

[ghost2000]

أخي جزل العطايا

اذا كان جهازي في عيب من المصنع وهوا كذلك
ويش ذنبي انا

[mhaajer]

في الحلقة الاخيرة طلعت موظف !!

[Heddink Twitt]

المشاركة الأصلية كتبت بواسطة العمري الحربي

والله العظيم إني شخصياً لا أرتاح لمشاعل العاصمة وجوالاتهم أحس أنها نصب في نصب ، بعدين في فرق في السعر في جوالاتهم ونفس الجوالات التي تباع في أماكن أخرى والفرق ليس مئة ريال أو مئتان بل تصل إلى خمس مئة ريال أو سبع مئى ريال .

الله أعلم من أين يأتون بجوالاتهم .

مرة واحد سوري يشتغل معنا اشترى من عندهم جهاز .. الجهاز صار يطفي ويشتغل لحاله
قلت له سوي فورمات .. ماش ما نفع .. قلت له وده لهم . بعد يومين قالو له مافيه مشاكل

ويوم استلمه حلفنني اني انا اتكفل بالموضوع في المرسلات لأنه يخاف ينصبون عليه
المهم اخذت الجهاز معي للبيت . ودخلت على السيريال سببورت حقه في موقع الشركة المصنعة للجهاز

تعرف وش طلع الجهاز ؟؟ جهاز معاد التصنيع هههههههههههههههههههه هههه
يعني أحد الاجهزة الخربانة في الدفعات الأولى المصدرة من الشركة المصنعة
واسترجعوه من العملاء واعادو تصنيعه ههههههههههههههههههه
وفي العادة هالنسخ المعادة التصنيع يكون سعرها أرخص بنسبة ما بين 30 إلى 50%


الله يعين بس يا رجال خلها على ربك

[Heddink Twitt]

المشاركة الأصلية كتبت بواسطة mhaajer

في الحلقة الاخيرة طلعت موظف !!

شفت ؟؟

هههههههههههههههههههه ههههههههههههههههههه

اقسم بالله مهزلة

هههههههههههههههههههه ههههههههههههههههههه

[white34]

هادي الشركة ما عمري اتعاملة معاها ولا راح اتعامل معاها ابد بعد الي شفتو وسمعتو وال عليهم ما يخافون الله هاذول

عادي جيب بضاعة رخيصة بس ما توصل انو يجيبون اجهزة معادة التصنيع


اجل الواحد يشتري من المواقع المعروفة اصرفلة واحسن لية

حسبي الله عليهم

وبل توفيق يا Heddink Twitt

خليك ورا كل غشاش ونصاب وربي يقويك ويعطيك على قد نيتك

[مستخدم تقني]

انا صايرتلي مشكلة بعد معهم في X10 ميني
اذا ماردو علي الوعد هنا ...

[Heddink Twitt]

المشاركة الأصلية كتبت بواسطة white34

هادي الشركة ما عمري اتعاملة معاها ولا راح اتعامل معاها ابد بعد الي شفتو وسمعتو وال عليهم ما يخافون الله هاذول

عادي جيب بضاعة رخيصة بس ما توصل انو يجيبون اجهزة معادة التصنيع


اجل الواحد يشتري من المواقع المعروفة اصرفلة واحسن لية

حسبي الله عليهم

وبل توفيق يا Heddink Twitt

خليك ورا كل غشاش ونصاب وربي يقويك ويعطيك على قد نيتك

من غير ما توصي وانا اخوك .. حاضرين لهم بالمرصاد
لأني أنقهر من استغفال الضعيف وتظليل الغير عالم .
أما بالنسبة للشراء .. فأنا انصحك تشتري من الشركة المصنعة نفسها للجوال
مثل نوكيا ما تشتري غلا من نوكيا كير . أو تشتري من الإخوان في المنتديات مثل الأخ SADLOVE والأخ أبو شهاب من منتديات .. أشخاص تنحني لهم احتراما . ولك ان تتابع ملفاتهم في التعامل مع الناس . تخيل تابعت ملفه . ما عمره أحد اشتكى عليهم ؟؟؟؟
يعني شخص عنده محل صغير ما يتعدى 4 متر يعرف يخدم الناس اكثر من شركة ؟
عشان كذا اقولكم الشركات اذا كبرت تصير تغش عشان تكسب
وغير كذا عليك بالمواقع الشهيرة في النت . مثل Handtech.co.uk أو Expansys.com

المشاركة الأصلية كتبت بواسطة مستخدم تقني

انا صايرتلي مشكلة بعد معهم في X10 ميني
اذا ماردو علي الوعد هنا ...

الله يعينك عليهم .. والوعد هنا وفي كل مكان . وانصحك تدخل على الامارة

[الترنسستر]

كلام المشتكي صحيح لديهم تلاعب رهيب انا يوم الخميس مريتهم سالتهم عن سعر الجلاكسي 2 يقول الجمله الحبه 2550 ريال تروح للفرع حقهم الذي بنفس الدور بالطحاْ يقول الجهاز 2800 طيب ليش كلكم مشاعل العاصمه قال كل محل يبيع بخراجه قلت الشرهه مو عليكم الشرهه ع الغرفه التجاريه التي خلت مثلكم يتحكم في الناس هذا الشركه ولايهمها احد مستثمر ما يهمه السمعه ولا شي ابدااااا يقول خذا الفطير وطير تناقض في الاسعار مشاكلهم
1- تناقض الاسعار
ا2-لصيانه كلام فاضي عندهم واحد كان يصلح نعول في البطحا وجابوه يصلح جوالات
3- يقول تفضل قسم الصيانه الزبون يتوقع طاقم فني كبير تجي الا واحد كان يبيع حطب والا يسوق سطحه والايسوي مندي قال انا فني اجهزه
4-مثل هذه الشركه انشروا عنها خلي الناس تعرف مصايبهم لايهم وطن ولا مواطن وهذا ليس بلده والسلام

[الترنسستر]

يا اخوان الشركه واحده الموسس واحد والدراهم تروح جيب واحد هؤلاْ المرتزقه لايعرفون غير المال وغيره لاشي افضحوهم اخبروا عنهم في كل الصحف يجب ان يعودو لليمن هناك مكانهم الصحيح ليس ع ارض بلدنا الطاهر النقي احنا فينا طيبه كسعوديين انا يقول واحد منهم لو بلشرف او واحد من طقتهم اسمه باتيس المهم فيه با ؟؟؟ رفع اسعار المواد الغذائيه ماعد اكلتوا معلبات شوف لحد وين الاستهتار

[mgsn]

انا اتعاملت معاهم في جوال سوني 905 وطلع فرنسي وتم حفر الحروف العربي علي الكي بورد وديما اسعارهم علي الموقع عير الحقيقة ويقولو دية اسعار جملة

[mrjava]

مشكورين اخواني على توضيح الامور و منكم نستفيد

[tojairi]

الموضووع كوووم وقفطت الحلو الاخ احمد كوووم ثاني يقول عميل عندهم يلعب ويكذب على الناس يااخي مافيها شي تقول انا موظف مستعد بخدمتك بالعكس بنكون شاكرين على اهتمامك.. مو تلف وتدور الييين حطك الرجال بشبك وصادك تجي بعدها تعترف دفاعا عن المؤسسه مو دفاعا عن شخصك

[الزعيفي]

والله تعجبني اخ
Heddink Twitt

الا قاهرني لما يجي ويقول اسأل عن جودة تعاملنا واهتمامنا بالزبون وين اسأل عنهم في البقاله والا في الشوارع والا النصابين تبع مشاعل العاصمة ؟؟

[O Hero O]

اخوي Heddink Twitt
اذا اكسيوم وجرير ورصيدكم ومشاعل العاصمة يعطون ضمان وهم نصابين اجل من وين تشتريه ؟
المشكلة مثل ماانت عارف كل جهاز احتمال يكون فيه عيب مصنعي لاقدر الله
فاذا شريته من احد تجار المنتديات المعروفين على كلامك.. ماعندهم ضمان
لو رجعتله الجهاز بيقول مالي دخل والجهاز سعره 2500 وفوق يعني مو رخيص وبيروح عليك بلوشي
والمواقع العالمية مراسلتهم تحتاج واحد معه لغة هذا غير قيمة الشحن اللي بتدفعه عشان ترسل الجهاز لهم

انا عندي جالكسي 2 اشتريته موقع كلوف ونقول انشالله مايخرب واضطر ارسله لهم ههه ,لكن احتمال اشتري واحد من مشاعل الخليج ..هل عندك فكرة عنهم وصيانتهم ؟

[amjad_2020]

لا تسكت عن حقك انا صاحبي اخذ جهاز بلاك بيري من اكسيوم وكل بعد مده يعلق و يوديه يسوي سوفتوير واتبهدل معاهم ولمن طلب يبل الجهاز رفضوا وهوه في الصيانه ويفتح الجوال ويتصل على رقم التبليغ تبع حماية المستهلك ورفع شكوه ضدهم وهوه فاتح الاسبيكر وبعد ماخلص الشكوه ويجيه المدير ومعاه جهاز جديد وقله لوسمحت الغي الشكوه ونعطيك الجهاز قال والله ما الغيها وخذ الجهاز ومشي وما الغى الشكوه

[ghost2000]

واالله انا كنت اتعامل معهم وشريت من عندهم اكثر من جهاز
وكنت مسوي لهم دعاية عند الشباب
وصارو الشباب يتعاملون معهم

ويوم اخذت هذا الجهاز اصبح الجهاز فية عيب مصنعي

بس ان شألله تنحل ويعطوني جهاز جديد ولو ماعندهم يعطوني جهاز ثاني
واذا فية فرق في السعر انا حاضر

[هاب الريح]

الاخ المحترم البطل الشجاع ما ادري وش اسميك كثر الله من امثالك ولك دعوة من قلبي ان ربي يوفقك انت وامثالك الابطال
شكرا اخويHeddink Twitt

[Heddink Twitt]

المشاركة الأصلية كتبت بواسطة الترنسستر

كلام المشتكي صحيح لديهم تلاعب رهيب انا يوم الخميس مريتهم سالتهم عن سعر الجلاكسي 2 يقول الجمله الحبه 2550 ريال تروح للفرع حقهم الذي بنفس الدور بالطحاْ يقول الجهاز 2800 طيب ليش كلكم مشاعل العاصمه قال كل محل يبيع بخراجه قلت الشرهه مو عليكم الشرهه ع الغرفه التجاريه التي خلت مثلكم يتحكم في الناس هذا الشركه ولايهمها احد مستثمر ما يهمه السمعه ولا شي ابدااااا يقول خذا الفطير وطير تناقض في الاسعار مشاكلهم
1- تناقض الاسعار
ا2-لصيانه كلام فاضي عندهم واحد كان يصلح نعول في البطحا وجابوه يصلح جوالات
3- يقول تفضل قسم الصيانه الزبون يتوقع طاقم فني كبير تجي الا واحد كان يبيع حطب والا يسوق سطحه والايسوي مندي قال انا فني اجهزه
4-مثل هذه الشركه انشروا عنها خلي الناس تعرف مصايبهم لايهم وطن ولا مواطن وهذا ليس بلده والسلام

هذي وانا اخوك استراتيجية نسميها إحنا حقين ادارة الأعمال .. توزيع المنتج حسب عقلية المستهلك الجغرافية . بمعنى .. الناس اللي يتسوقون من البطحاء غير اللي يتسوقون من المرسلات . وغير اللي يتسوقون من شارع الشيطان التحلية . يقوم مدير المبيعات يقسم المخزون حسب الدفعات
في دفعة قديمة رأس مالها يبيع بــ 2550 ريال . يحطونها لتجار الجملة والناس اللي تعرف تكاسر والناس اللي حاجزين من أول . وفي دفعة رافعين عليهم المصدر رأس مالها وبالربح تيجي 2800 . يقوم يوزعها على الفروع وعلى الناس في المرسلات ولا يطلعونها إلا اذا دخلت حريمة مسيكينة تبي جوال تكشخ فيه يضحكون عليها أو شاب يدرس طب ماله في الجوالات يبي جوال خفيف وكاميرا ويلعبون عليه .

وهكذا

المشاركة الأصلية كتبت بواسطة الترنسستر

يا اخوان الشركه واحده الموسس واحد والدراهم تروح جيب واحد هؤلاْ المرتزقه لايعرفون غير المال وغيره لاشي افضحوهم اخبروا عنهم في كل الصحف يجب ان يعودو xxxx هناك مكانهم الصحيح ليس ع ارض بلدنا الطاهر النقي احنا فينا طيبه كسعوديين انا يقول واحد منهم لو او واحد من طقتهم اسمه المهم فيه ؟؟؟ رفع اسعار المواد الغذائيه ماعد اكلتوا معلبات شوف لحد وين الاستهتار

والله ياخوك مع اني اكره هالشركة وطاقم عملها وتخطيط العمل من البداية . إلا اني ما احب أقنن الشركات حسب جنسياتها أو جنسيات الطاقم العامل فيها . يعني حنا يالسعوديين مافينا تجار عندهم هالحركات ؟
وربي ياخوك خليني ساكت لا اشكيلك تبكي دم من تجارنا . وأولهم اللي سوته مشاعل الخليج أيام زمان يوم سحبت منها نوكيا الضمان الدولي والعالمي هي و i2 لو تتذكرو هالشركة . وغيره وغيره وغيره .
العبرة يالغالي بالتربية والاصل . غير كذا لا تآخذ أحد .التربية تكون على قاعدة الخوف من رب العالمين . والأصل يمنعه من العيبة عشان نفسه ما ترضاها . اما الناس اللي مو ما تخاف ربها ولا يردها اصلها ما تهقى منهم ولا شي . سواء كان سعودي أو غير سعودي .

المشاركة الأصلية كتبت بواسطة mgsn

انا اتعاملت معاهم في جوال سوني 905 وطلع فرنسي وتم حفر الحروف العربي علي الكي بورد وديما اسعارهم علي الموقع عير الحقيقة ويقولو دية اسعار جملة

الله يعينك . انا صارت مع اخوي الصغير الحركة لكن مع u900 . ورحت لهم واول ما دخلت على ابواحمد قالهم رجعوه هههههههههههههه . وعطوني دراهمي .

المشاركة الأصلية كتبت بواسطة mrjava

مشكورين اخواني على توضيح الامور و منكم نستفيد

العفو عزيزي .. والباقي اعظم .. اتمنى من الإدارة انها تسوي موضوع عن هالكلام

[sarmd]

مشاكل العاصفة

[Heddink Twitt]

المشاركة الأصلية كتبت بواسطة tojairi

الموضووع كوووم وقفطت الحلو الاخ احمد كوووم ثاني يقول عميل عندهم يلعب ويكذب على الناس يااخي مافيها شي تقول انا موظف مستعد بخدمتك بالعكس بنكون شاكرين على اهتمامك.. مو تلف وتدور الييين حطك الرجال بشبك وصادك تجي بعدها تعترف دفاعا عن المؤسسه مو دفاعا عن شخصك

للأسف هذي بس أحد الشيم اللي فيهم . عدم المصداقية واخفاء الحقيقة على العميل

المشاركة الأصلية كتبت بواسطة الزعيفي

والله تعجبني اخ
Heddink Twitt

الا قاهرني لما يجي ويقول اسأل عن جودة تعاملنا واهتمامنا بالزبون وين اسأل عنهم في البقاله والا في الشوارع والا النصابين تبع مشاعل العاصمة ؟؟

خخخخخ .. يقولي اسأل عن الجودة .. ولا عارف اني اعرف مشاعل العاصمة من كانت مستودع

المشاركة الأصلية كتبت بواسطة O Hero O

اخوي Heddink Twitt
اذا اكسيوم وجرير ورصيدكم ومشاعل العاصمة يعطون ضمان وهم نصابين اجل من وين تشتريه ؟
المشكلة مثل ماانت عارف كل جهاز احتمال يكون فيه عيب مصنعي لاقدر الله
فاذا شريته من احد تجار المنتديات المعروفين على كلامك.. ماعندهم ضمان
لو رجعتله الجهاز بيقول مالي دخل والجهاز سعره 2500 وفوق يعني مو رخيص وبيروح عليك بلوشي
والمواقع العالمية مراسلتهم تحتاج واحد معه لغة هذا غير قيمة الشحن اللي بتدفعه عشان ترسل الجهاز لهم

انا عندي جالكسي 2 اشتريته موقع كلوف ونقول انشالله مايخرب واضطر ارسله لهم ههه ,لكن احتمال اشتري واحد من مشاعل الخليج ..هل عندك فكرة عنهم وصيانتهم ؟

عزيزي انا ما قلت لك لا تشتري من أكسيوم . أنا قلت لك اكسيوم ايام اول كانت تضحك على الناس
ولا قلت لك لا تشتري من جرير . لكن مشكلتهم تكون مع الأجهزة اللي تكون بدفعتها الأولى
الإخوان اللي بالمنتديات يضمنون لك ان الجهاز مافيه مشكلة مصنعية . تفاهم معه لو كان الجهاز فيه مشكلة مصنعية في غضون 48 ساعة برجعه . وشوف شيقولك . ولو قالك لأ .. خذ الجهاز وتوكل على ربك
واذا لا سمح الله صار عليك شي . في إخوان في اقسام الطلبات من المواقع . يعلمونك خطوة خطوة وش تسوي . وهم يكتبون لك الرسائل بالانقليزي ويتابعون معك . ولا ياخذون عليك شي . واذا اخذو ممكن يوصل 50 ريال لو خربت . وتدفع رسوم الارسال والارجاع . يعني كلها تتم عليك بــ 150 ريال هذا لو صار شي . انت بس اذا صملت عطني خبر وانا ادلك على الناس اللي فيها الخير . وانا بساعدك لو في اي شي يحتاج لغة . وكلامي هذا للجميع . اي احد يحتاج اي مساعدة انا جاهز لكل طلباتكم ولو تبي اروح معك لأي مكان . ولا ابي اي شي مادي من أحد .

المشاركة الأصلية كتبت بواسطة amjad_2020

لا تسكت عن حقك انا صاحبي اخذ جهاز بلاك بيري من اكسيوم وكل بعد مده يعلق و يوديه يسوي سوفتوير واتبهدل معاهم ولمن طلب يبل الجهاز رفضوا وهوه في الصيانه ويفتح الجوال ويتصل على رقم التبليغ تبع حماية المستهلك ورفع شكوه ضدهم وهوه فاتح الاسبيكر وبعد ماخلص الشكوه ويجيه المدير ومعاه جهاز جديد وقله لوسمحت الغي الشكوه ونعطيك الجهاز قال والله ما الغيها وخذ الجهاز ومشي وما الغى الشكوه

هذي صارت مع أحد الصحفيين اللي لي معرفة شخصية به . اشترى من عند أكسيوم بلاكبيري 8520
وفجأة الجهاز شاشته صارت توقف على اللون الأبيض ولا في أي رد فعل .
المهم بحكم انه يعرف اني افهم بهالأشياء عطاني خبر . ونصحته يروح لأكسيوم بدون ما يسوي شي
يكون أفضل . والله ويروح الرجال على نياتهلمركز الصيانة اللي عند اسواق العويس وطيبة
سأله كم سؤال .. وأخذ الجهاز منه العامل وقاله بتجيك رسالة تستلم جهازك بعد التصليح
وتجيه رسالة بعد يومين تقوله جهازك ما تصلح تعال استلمه . الرجال رحال يبي يفهم وش السالفة
جاه الفني وعطاه جواله معاه شهادة عدم تصليح . قال وليه ما سويت شي للجهاز ؟
قاله الجهاز داخل فيه موية . قاله صديقي خويك سالني قبل لا يستلمه من يومين وقلت له مافيه موية
وفتح وشاف الرقعة البيضا اللي تيجي ورا البطارية ولقاها بيضا مافيها شي
شوي والا يفتح له الغطا ويوريه الرقعة يلاقيها حمرا !!
خويي هنا قلبت اخلاقه ولعن سلسفيلهم .. قاله اصلا لو فيه موية خويك ما قبله من يومين
قال هذا للي عندنا . قال أبد . ما قصرت واخذ الجهاز وجا عندي .
قلبت انا في الجهاز ما لقيت فيه ولا شي يدل على انه دخل فيه موية
فتحت الغطا تبع البطارية .. وشفت الرقعة لقيت عليها لون احمر
استغربت . كيف لون احمر ؟؟ المفروض ازرق او اصفر !!
المهم وامسح الرقعة بيدي ويروح اللون الأحمر
الكلاااب ملونينه يبون يستهبلون على الرجال
رحت وديته لهم ولعنت ام امهم .. وقلت لهم ترا بسوي وبسوي
جا المدير حق الصيانة على الهوشة . قال هات الجهاز
قلت والله ما تاخذه . وبروح انا وخويي على الإمارة الحين .
وترا على فكرة . الرجال صحفي . وربي لأفضحكم
شوي والا يجري ورانا لين السيارة مثل الكلللب وهو يقول ما يحتاج وانا بتصرف
وبوجهي ولا تزعل . ولا يهمك . قلت والله ما اعطيك انا حلفت .
قال لا تعطيني عطه الفني طيب . ويمسكني خويي يقول عطه خلاص خل نفتك
عطيته وكلموه بعد يومين . قالوله تعال استلم الجوال . راح استلمه
طلعت المشكلة من الشاشة الداخلية . فيها مشكلة مصنعية التماس .
وقالوله معليه ما نقدر نعطيك تقرير . قال موب لازم .
خايفين لا يفضحهم او يمسك عليهم تناقض بين التقرير الأول والثاني

المشاركة الأصلية كتبت بواسطة ghost2000

واالله انا كنت اتعامل معهم وشريت من عندهم اكثر من جهاز
وكنت مسوي لهم دعاية عند الشباب
وصارو الشباب يتعاملون معهم

ويوم اخذت هذا الجهاز اصبح الجهاز فية عيب مصنعي

بس ان شألله تنحل ويعطوني جهاز جديد ولو ماعندهم يعطوني جهاز ثاني
واذا فية فرق في السعر انا حاضر

الله يعينك عليهم ويسمع منك وترتاح منهم . ولا عاد تعودها وانا اخوك .
اشتر من الناس الموثوقة . افتك من المشاكل وريح راسك .

المشاركة الأصلية كتبت بواسطة هاب الريح

الاخ المحترم البطل الشجاع ما ادري وش اسميك كثر الله من امثالك ولك دعوة من قلبي ان ربي يوفقك انت وامثالك الابطال
شكرا اخويHeddink Twitt

وياك يارب .. وربي ردك هذا فرحني . تسلم ولا قصرت
واعيد مرة أخرى . انا جااااااهز لأي مساعدة بهذا الصدد
بدون اي مقابل او أي مطلوبات .

[Heddink Twitt]

المشاركة الأصلية كتبت بواسطة sarmd

مشاكل العاصفة

ههههههههههههههه
الله يضحك سنك