شرح كيفية تركيب روم معدل بدون عيوب

[ozkkj]

اول حاجه لازم نعرف ان تركيب روم معدل علي روم معدل بتحصل مشاكل كتير و اغلبها معروض من اعضاء المنتدي ف انا من مده بنزل الرومات و مبتحصلش المشاكل دي معايا ف حبيت افيدكم بالطريقه

تحمل الروم الاصلي للجهاز و ده يفضل محفوظ معاك
و تحمل روم من اربع ملفات و ده موجود في المواضيع المثبته بره في المنتدي
و ده بنخليه احتياطي لا قدر الله الجهاز وصل منك لمرحله اليأس و مش راضي يشتغل تاني خالص
بعد كدا بنحمل الروت الخاص بنوع الجهاز

وبعد كدا المودم بوت لودر و ده موجود في مواضيع المنتدي برده

و بعد كدا بتحمل الريكوفري بتاع الجهاز بردوا

و بعد كدا بتحمل الروم المعدل الي حابب تثبته علي جهازك

انت دلوقتي علي روم معدل و نزل و الفيرجن الجديد منه ف احنا بنختصر و بنحمله علي الجهاز و نركب بالريكوفري و ده غلط في حد ذاته لان بيبقا ناقص حجات كتير في الروم محتاجه اساسيات من الروم الاصلي

اول حاجه هنركب الروم الرسمي بتاع الجهاز
و بعدما بنخلص تركيب الروم الرسمي
بنركب الروت و نشغل الجهاز و نفتح برنامج السوبر يوزر و نشغل الروت
و بعد كدا نركب الريكوفري بتاع الجهاز
و طبعا لو المودم بوت لودر الي انته منزله بتاريخ جديد تركبه علشان ده اساس الجهاز في الشبكه و البيانات و كدا
بعد ما بتركب كل ده بالخطوات تدخل علي الريكوفري و تركب الروم المعدل الي انته منزله

ديما لو حابب تتخلص من نسبه كبيره من المشاكل الي بتواجهك في الرومات المعدله زي الشبكه و البطاريه بتشحن بطيئ الجهاز بيعلق حراره عاليه و غيرها مشاكل كتير اعمل الخطوات دي في كل مره بتغير روم من علي الجهاز و ان شاء الله المشاكل هتقل معاك
اي استفسار انا تحت امركوا

اتمني الموضوع يقلل المشاكل المطروحه بسبب الرومات المعدله

[dooola]

يعني قبل تركيب كل روم اعمل كل الخطوات دي ؟؟؟
اظن الموضوع هيكون صعب

أرسلت من SM-N930F بإستخدام تاباتلك

[blaneur]

ممكن لغة عربية من فضلك لنفهمها جميعا ونستفد . للاسف لا افهم هذه اللهجة

[ashiq 20]

اعتقد كل روم معدل فيه اخطاء مهما كان ويتم اصلاحها من قبل المطورين في عدة نسخ الى ان تستقر . انا حاليا على روم الفا 2 للنوت 4
الروم استقرت بعد عدة اصلاحات .

[ozkkj]

المشاركة الأصلية كتبت بواسطة Adel gharib

يعني قبل تركيب كل روم اعمل كل الخطوات دي ؟؟؟
اظن الموضوع هيكون صعب

أرسلت من SM-N930F بإستخدام تاباتلك

والله هي اغلب المشاكل الي معروضه هنا سببها حجات ناقصه من الروم الاصلي انا مجرب بقالي فتره الحركه دي و الحمد لله المشاكل دي كلها مش بتحصل عندي

الدمج الآلي للمشاركات المتعاقبة التي لم يكن بينها 24 ساعه --------- هذه المشاركة اضيفت في 05:16 PM ----------- المشاركة السابقة اضيفت في 05:15 PM ---------

المشاركة الأصلية كتبت بواسطة blaneur

ممكن لغة عربية من فضلك لنفهمها جميعا ونستفد . للاسف لا افهم هذه اللهجة

ان شاء الله هعدله للغه العربيه النهارده بعتذرلك

الدمج الآلي للمشاركات المتعاقبة التي لم يكن بينها 24 ساعه --------- هذه المشاركة اضيفت في 05:18 PM ----------- المشاركة السابقة اضيفت في 05:16 PM ---------

المشاركة الأصلية كتبت بواسطة ashiq 20

اعتقد كل روم معدل فيه اخطاء مهما كان ويتم اصلاحها من قبل المطورين في عدة نسخ الى ان تستقر . انا حاليا على روم الفا 2 للنوت 4
الروم استقرت بعد عدة اصلاحات .

تمام بس الي اقصده مشاكل الحراره و صرف البطاريه و الحجات الي بتحصل في تثبيت الروم بعيد عن الروم و عيوبه عاما الحركات دي تخفف العيوب لاقل حاجه ممكنه

[mohammed.not]

لايك للتشجيع

[ozkkj]

المشاركة الأصلية كتبت بواسطة blaneur

ممكن لغة عربية من فضلك لنفهمها جميعا ونستفد . للاسف لا افهم هذه اللهجة

هذه الطريقه التي اتبعها في تركيب كل الرومات المعدله التي استخدمها ولا تحدث معي المشاكل المطروحه في المنتدي بنسبه كبيره جدا
و اسوف اشرح الطريقه لعل غيري يستفيد منها
في البدايه بجب ان يتواجد معك

الروم الرسمي للجهاز

و روم مكون من اربع ملفات مطروح بالمنتدي لعده اجهزه يتم استخدام في حاله ان الجهاز لم يعد يستجيب بسبب مسح ملفات النظام التي تمنع الاقلاع يفضل تواجده معاك

الروت الخاص بجهازك

المودم بوت لودر احدث اصدار

الركوفري الخاص بالجهاز

و الروم المعدل المراد تثبيته

عند تثبيت روم معدل علي روم معدل تحدث مشاكل في الجهاز و اغلبها يكون مطروح بالمنتدي و لتفادي اغلب المشاكل و الحصول علي روم معدل مستقر يفضل اتباع الخطوات

اخذ نسخه احتياطيه كامله ببرنامج smart switch الخاص بسامسونج

اعمل فورمات كامل لجهازك

ركب الروم الرسمي للجهاز

بعد تركيب الروم ركب الروت لجهازك
و شغل الجهاز و افتح برنامج سوبر يوز للحصول علي الصلاحيات الروت

اذا توافر مودم بوت لودر ب اصدار حديث ثبته لتفادي اخطاء الشبكه

انقل الروم علي الجهاز و ثبته من الريكوفري

اتمني الموضوع يفيد كل مستخدمين الرومات المعدله و تفادي الاخطاء المطروحه

اي استفسار عن التركيب انا في الخدمه

[aletewy]

ادخل اي موضوع في منتدى المطورين الاجنبي ستجد ان تركيب اصدار حديث من نفس الروم يكون مباشرة ولا يسبب اي خلل واحيانا لا يحتاج الوايبات ايضا لكن غالبا تكون مطلوبة
وماقلته انت رائع ولكنه يكون لتركيب روم معدل اول مرة خصوصا الانتقال من روم معدل الى اخر معدل فانه يفضل ان تعود للرسمي اولا
وفي النهاية لا يسعنا الا شكرك على مشاركة خبرتك