تكفون الفزعة جوالي 3gs ما يشتغل ابد والسبب ..!!

[abonasser222]

السلام عليكم ورحمة الله وبركاته

صباح الخير بالجميع املي بالله كبير ثم باعضاء البوابة الكرماء
المشكلة وما فيها ان جوالي 3gs ابيض 16 جيجا امريكي ما صاره اكثر من شهر
جائ ذاك اليوم واطلعه من مخباي الا طافي قلت يمكن من الشحن مع اني متاكد ان فيه النص و بعد ما رجعت للبيت اجرب اشحن ما اشتغل و ادور الحلول بالانترنت وبالمنتدى وجربت الطرق من خلال الكيبل والاب ستور ومن خلال وضع الريكفري ما نفع الجوال ما يشتغل اطلاقا وديته لمحل بالدمام شيك عليه قال من ادري وش المشكلة بالضبط وديته عند واحد بالخبر قال خليني اشيك من البورد يمكن فيه التماس طلع ما فيه التماس وقال ما ادري وش الحل بالضبط ولكن المشكلة بالبورد ووديه لمحل ثاني بالخبر قبل العيد وقال خليه عندي واليوم امس خذيته و يقول ما يتصلح وما ادري وش المشكلة بالضبط قلت معقولة ايفون ومن شركة زي ابل وما له حل و يتخرب بهل البساطة

ما ادري افكر اوديه للبحرين لابل اللي هناك بس ما ادري يستقبلونه ولا لا او ارسله لامريكا بس ما ادري وين بالضبط او اذا فيه محل معروف جدا بالصيانه تدلوني عليه لاني والله ضايق من الوضع والجوال جديد ما طول معي وكان مثل الحلاوة ما فيه اي شي
ادري اني طولت معكم ولكن قدروني ورد علي لو باي شيتحياتي لكم ابو ناصر ..

[واحد طش]

يارب يصلح معك
حاس بالمعااناة

[Ramihs]

السلام عليكم

اخي الكريم هذه المشكله قد واجهت الكثيرين فما عليك الا التالي

* قم بالضغط على زر البور ( في الاعلى ) + زر الهوم ( اسفل الشاشه ) استمر بالضغط فتره لاتقل عن دقيقه

بعد ذلك اوصله بالشاحن على كهرباء ٢٢٠ فولت واتركه

وسيعمل باذن الله ..

الحل السابق من واقع تجربه شخصيه

تحياتي ..