هل تعاني من بطء جهازك الأندرويد... تقرير شامل يعطيك الحلول

[TeraXimoS]

ما في أي جهاز أندرويد بيجي بطيء من علبتو، لكن بعض مضي شهور، و أحيانا أسابيع، من استعمالو، بتبلش قدراتو تتراجع، و بأبشع الحالات، بيبلش بيعلق حتى لما بدك تبعت مسج أو تدق تلفون

ليش هالشي؟؟

أكيد هالشي أولا و أخيرا بيتعلق بقدرات الهاردوير لجهازك، بيحصل هالشغلات لما بتستخدم جهازك بشكل بيفوق قدرات الهاردوير تبعتو
و لحتى ترجع جهازك متل ما كان، أو عالأقل أفضل ما يمكن، لازم تخصص استخدامك الو

كيف؟؟........ في كتير برامج بتكون مسبب رئيسي لتقليل قدرة الجهاز
في كتير برامج بتشتغل بالواجهة، و حتى لو مانك عم تستخدمها، بتسبب بطء، و بتاكل من الرامات عالفاضي، و ممكن تزيد استهلاك الداتا اذا كنت على نت الموبايل، و الأهم، بتاكل من البطارية بشكل أكبر.
لذلك برامج ال Task Killers بتساعد كتير لرفع مستوى أداء الجهاز، لأنها بتنهي عمل هالبرامج تماما

1- طيب شو رأيكن بدال ما نستخدم ال Task Killers ننهي هالمشكلة من جذرها؟... كيف؟؟

معالجة البيانات و البرامج اللي بالواجهة بتقلل كتير من قدرات الجهاز، و لازم نحجبها، لذلك رح نستخدم تطبيق Greenify

هالبرنامج رح يجمد التطبيقات الي بتشتغل بالواجهة، يعني البرنامج اللي متل الواتسبا مثلا، رح يشتغل منييييح لما تكون فاتحو و عم تستعملو، لكن رح يتوقف تماما بمجرد خروجك منو، ليعاود العمل لما ترجع تفتحو، و هالشي بيساعد كتير لتحافظ ع رامات الجهاز، و تطول عمر بطاريتو

برنامج Greenify بيحتوي جواتو على دليل مستخدم بسيط بيساعد لتفهم البرنامج اكتر، بس تأكد دايما انك عم تختار برامج فعلا ما بيهمك عملا بالواجهة

2- تعطيل الحركات Animations

كل شي بالأندرويد فيو حركات، لما تفتح برنامج فيه حركات، لما تكتب بالكيبورد فيه حركات.... إلخ
و هالحركات حلوة و بتساعد لينفتح البرنامج بشكل حلو و أليف عالعين، لكن تمنو انو كمان بيستهلك من قدرات جهازك، و فيك ببساطة تلغيهن لحتى يسير كل شي أسرع

طريقة إلغاءهن بتختلف حسب نسخة الأندرويد عندك

أ) - أندرويد 2.3 أو تحت:
بتروح للإعدادات --> الشاشة --> الحركات --> لا حركات

ب) - أندرويد 4.0 و أعلى
a) - بداية لازم تروح لخيارات المطور Developer Options، إذا كنت عال 4.0 أو 4.1 فهالخيارات موجودة لحالها، و إذا 4.2 و ما فوق فلازم تفعلها.
روح لل "حول الهاتف About Phone" بعدها لل Build Number و اضغط عليها سبع مرات... هيك اشتغلت خيارات المطور و بتصير بتلاقيها برا
b) - دور ع كل خيارات فيها حركات Animations و طفيها، و هيك بتكون لغيت كل انواع الحركة بالجهاز

3- تفريغ و تنظيف الذاكرة الداخلية

من أهم أسباب تعليق الجهاز و تناقص كفاءتو، هو امتلاء ذاكرتو الداخلية بشكل كبير، ملفات و برامج و العاب بكميات كبيرة عالجهاز هي اللي بتسبب بهالمشاكل، بالإضافة لملفات Cache و الملفات المؤقتة اللي بلا لزوم، و هالملفات كلها لازمها حوسة من وقت للتاني

طرق و خطوات تتخذها لتنظيف الذاكرة:

أ) - إذا جهازك فيو كرت خارجي SD Card:

a) - انقل البرامج و الألعاب الموجودة عالذاكرة الداخلية لكرت الذاكرة، عن طريق برنامج App 2 SD
b) - انقل كل الموسيقا و الصور للذاكرة الخارجية، و استخدم خيار الذاكرة الخارجية كذاكرة افتراضية للكاميرا

ب) - امسح كل ملفات Cache و الملفات العالقة بالجهاز، و استخدم لهالشي برنامج Clean Master

ج) - امسح كل برنامج و كل لعبة ما عم تستخدمهن

4- مسح تطبيقات ال Widgets المو ضرورية من الشاشة:

الويدجيتس هنن برامج حلوة و مهمة و ضرورية ليوصللك الخبر بدون الحاجة لفتح اي برنامج، بس هي بنفس الوقت برامج بتضل تشتغل عالواجهة و تصرف موارد كتير من الجهاز، لذلك دائما أي ويدجت مو ضروري احذفو فورا


و هيك منكون انتهينا، أي استفسار أو سؤال، نحن جاهزين

الموضوع جهد شخصي يا شباب، و بتمنى كلياتكن تقدروه







Sent from my C6903 using Tapatalk

[RSHeDy]

اعتقد البرنامج يحتاج روت والكثير لايرغب ب الروت بسبب مشاكل الضمان والتعقيد من الشركات.

[sanalos]

شكرا ياغالى

الدمج الآلي للمشاركات المتعاقبة التي لم يكن بينها 24 ساعه --------- هذه المشاركة اضيفت في 05:36 PM ----------- المشاركة السابقة اضيفت في 05:35 PM ---------

انا عندى جهاز جلاكسى s3 عاوز اعرف ميعاد تحديثه الى اندرويد 4.4 كيتكات

[nexuslovwr]

مشكوور
بس مش عارف ليش قرات الموضوع باللهحه السوريه ههههه

[الشيخ عمر]

اتمنى انك تعدل موضوعك وتكتب ‏:‏ خاص بموقع الكمبيوتر الكفي


لأنه من ظمن شروط وقوانين منتدانا الغالي

[imoj]

المشاركة الأصلية كتبت بواسطة rianyx

اعتقد فيه برنامج افظل من greeify مليون مره ولا يحتاج روت انا استخدمه ولا احتاج للبرنامج الفاشل اللي اسمه greenify اطلاقا لانه اول البدايه يوقف لكن بعد كذا يتغير بعد اطفاء الجهاز عدت مرات

يا اخوي اذا البرنامج مب سر ..قول لنا اسمه بس

[matador_kuw]

مشكووور
جهد ذاتي يصب في مصلحة الاعضاء بغض النظر للغه ^^^^

[anas6]

مشكور على المعلومة

[عدي العراقي]

مششششكوووووووووورررر ررررر على المعلومة

[**omar**]

بسم الله
مشكور اخي على هالشرح الحلو والواضحح
انا بستخدم greenify وفعلا هالبرنامج ممتااااز
لكن مشكلتو مابيوقف بعض الشغلات متل خدمات غوغل بلاي
اذا حدا عندو طريقة يفيدنا