Nexus one بالمرسلات 2900 !! اخواني لاتشترون من المرسلات جوالات. اشترو عن طريق انترنت او عن طريق مول كبير

[drakola1]

السلام عليكم

كيف حال الشباب
والله جاي ادردش معكم واشوف وش قصه المحلات اللي بالمرسلات مهنتهم سرقه الشعب السعودي ولا كيف

المهم مالكم بالطويله

قبل فتره يمكن 7 اشهر شريت Nexus one من شخص هنا بالمنتدى محترم ب 2550 ريال

انا عارف انه اخذ مكسب وهو قالي كم مكسبه وراضي لو اخذ 500 لانه يستحقها

المهم قبل اسبوعين تقريبا رحت للمرسلات خويي يبي يشتري له جوال قلت خلني اسئل عن اسعار جوالي عندهم

مريت اول محل قال ماعندنا شوف اللي جمبنا رحت له قلت عندك نكسس ون قال ايه قلت بكم قال 2900

قلت ليه مره غالي

قال كذا سعره جايبيه طلبيه من برى

قلت لو ابي اشتريه من امريكا واصل لبيتنا مايكلفني اكثر من 2200 ريال
قال هذا مو مفتوح يعني تكون متعاقد مع شركه هههههههههههههههههههه
قلت انا شاريه وهذا هو وطلعت له الجوال تغير وجهه
وقال والله هذي اسعار الجوالات
قلت طيب عندكم ايفون 4 قالي 4g قلت ايه وانا اضحك قال ايه عندنا قلت بكم قال 7000 الاف هههههههههههههههههههه هههه
قلت ليه وبرى مايتعدى 3000 الاف 32 جيجا
قالي مافيه الا اثنين بالسعوديه ضحكت ضحكه استهزاء
قلت له والله انا ماني جاي اشتري جاي اضحك عليكم
قالي لاتتعب نفسك وتدور السوق هذي اسعاره
قلت يارجال الشرهه مو عليكم على اللي يشتري من عندكم
وطلعت من عنده
جيت للمرسلات بعد اسبوع بشوف كم سعر جوال الكشاف الجديد لاني ابي جوال ثاني لشريحتي الثانيه
قالو لي ب 120 ريال
والله رزقني بصديق معي قالي امش اوديك لكارفور وتاخذه ب 80 رحت لكارفور وشريته ب 80



والله انا ماهمني الفرق بس ياخي يقولي انه يبي يكسب فيه مبلغ وقدره ولا يلعب علي بكلام مدري من وين يجيبه

لو الفرق 200 اعطيها واحد بالشارع ولا اعطيها هالشخص الحرامي


خلاصه كلامي اخواني لاتشترون من المرسلات جوالات.
اشترو عن طريق شخص او انترنت او عن طريق مول كبير

[صيام]

السلام عليكم

صادق اخي الكريم

اليوم 24/5/1436

اشترا شخص اعرفة جهاز ايباد اير عن طريق المراسلات
وبعد ما ارسل الفلوس ارسل الجهاز ويكتشف ان الجهاز مقفل باي كلود

حسبنا الله ونعم الوكيل