الله يخيليكم ساعدوني , ايفوني مو راضي يشحن بلييز

[حلو الليل]

السلام عليكم ,,

اخواني الايفون مو راضي يشحن كلش لا بالشاحن و لا بوصلة الكمبيووتر ,,

جربت كل الطرق ,, اني اضغط بايدي 10 ثواني على زر الهوم و الباور معه بعض ,, و اني انزل و اصعد زر ال mute ,, اربع مرات ,, و ما صار شي , فالحين الجهاز كلش مو راضي يشحن و لا يشتغل ,,

بليز انا طالب كويتي ادرس طب بالبحرين ,, و حدي ضايع الحين ,, و اخاف اذا صلحت الجهاز ,, احتاج اسوي restore ,, و اغراضي كلها رح تروح ,, لاني مو مسوي backup انا , فاتمنى ما يسير جذي ,, و اللي يقدر يعطيني حل الله يرحم والدينه ,, و اللي يقدر يدليني على محل بالبحرين يصلح الايفونات , اكون شاكرله ,

انا جهازي 3gs 32 gb ,,,,

و سلامتكم ..

[titeet]

اخي

عطيه وقت شوي

حطه بالشاحن فترة نص ساعة

وان شاءالله راح يشتغل

[sa3doun]

1 حاول تجرب شاحن اصلي اخر

2 حاول تجرب تدخل الايفون على dfu mode للتاكد ( لو ممكن)

3 بخصوص الضغط على الهوم والباور خليك اكتر من 10 تواني

4 ادا جربت وما اشتغل فالمشكل هاردوير لازم توديه محل اصلاح

[حلو الليل]

ياا شباب ,,
اول شي اشكركم على المشاركة الطيبة و ما قصرتوا ,,
بس انا جربت كل اللي قلتوه ,, انا يعني الحمد لله شاطر بالايفون ,,
بس هالمشكلة اول مرة تصيرلي ,,
و ترى انا خليته على الشحن من امس بالليل ,, وما صار شي ,
و عندي الايبود جربته على نفس الشاحن , يشحن عادي , يعني المشكلة من الايفون اعتقد ,,
فممكن تقولولي عن محل تصليح بالبحرين ,,
و يعطيكم العافيه ,

[titeet]

هل الايتونز يتعرف عليه

[حلو الليل]

المشاركة الأصلية كتبت بواسطة titeet

هل الايتونز يتعرف عليه

لا اخوي ما يتعرف عليه ,, لانه الكمبيوتر اصلا ما يتعرف عليه ,, اعتقد المشكلة بالفتحة اللي تدخل فيها الوصلة ,, او يمكن بالبطارية الداخلية حق الايفون

[titeet]

المشاركة الأصلية كتبت بواسطة حلو الليل

لا اخوي ما يتعرف عليه ,, لانه الكمبيوتر اصلا ما يتعرف عليه ,, اعتقد المشكلة بالفتحة اللي تدخل فيها الوصلة ,, او يمكن بالبطارية الداخلية حق الايفون

قبل لا تروح لمحلات التصليح تاكد انه الايبود الثاني يتعرف عليه الايتونز


هل وقع منك

هل دخل فيه ماء

عبر الاسئلة يمكن ان يشتغل

[حلو الليل]

المشاركة الأصلية كتبت بواسطة titeet

قبل لا تروح لمحلات التصليح تاكد انه الايبود الثاني يتعرف عليه الايتونز


هل وقع منك

هل دخل فيه ماء

عبر الاسئلة يمكن ان يشتغل

اخووي , اي الايبود يتعرف عليه الايتونز ,,
بس لا طاح و لا دخل في ماي ,, بس تبي الصراحة , اهوه كان في شحن 8 % بس ,,
و لما وصلته على الشحن كنت بكوستا كافيه , و ضرب شورت عندهم ,, و من بعدها انطفا الايفون و طلعت علامة الابل ,, و بس خلااااص من وقتها مو راضي يشحن و لا يشتغل ,,

[sa3doun]

اخي لازملك توديه محل اصلاح من الافضل
واخر عملية يمكنك القيام بها قبل الاصلاح
اترك الايفون في شاحن اصلي موصل بالكهرباء وليس الحاسوب لمدة ساعنين متواصلتين

[حلو الليل]

المشاركة الأصلية كتبت بواسطة sa3doun

اخي لازملك توديه محل اصلاح من الافضل
واخر عملية يمكنك القيام بها قبل الاصلاح
اترك الايفون في شاحن اصلي موصل بالكهرباء وليس الحاسوب لمدة ساعنين متواصلتين

اوووووكي اخوي ,, مشكور ,, معني تركته يوم كامل و لا صار شي ,, بس بحاول و امري لله ,, بس ما في واحد بحريني اهني يديليني على محل تصليح ايفونات ,,, انا ساكن بمنطقة توبلي ,,

[titeet]

المشاركة الأصلية كتبت بواسطة sa3doun

اخي لازملك توديه محل اصلاح من الافضل
واخر عملية يمكنك القيام بها قبل الاصلاح
اترك الايفون في شاحن اصلي موصل بالكهرباء وليس الحاسوب لمدة ساعنين متواصلتين

مثل ما قالك
خليه ساعتين متواصلتين

يوم تجي عليه اضغط الباور + الهوم لين تظهر الابل


خلك ضاغط فترة 25 ثانية

وان شاءالله راح يشتغل

اذا مانفع ماعليك الا توديه لحد يصلحه

[kuwait04]

قد تكون مشكه اي سي فلاش ولكن تاكد من البطاريه

[حلو الليل]

المشاركة الأصلية كتبت بواسطة kuwait04

قد تكون مشكه اي سي فلاش ولكن تاكد من البطاريه

تسلم اخوي ,, انشالله رح اشووف ,
بس المشكلة ما ادري وين اوديه ,, ما اعرف وين محلات التصليح اهني بالبحرين ,, يعني نفس الكويت جذي عندنا حولي و عندنا الشرق ,,
بس على العموم ما قصرت اخوي , و انا بسوي طريقة الشباب و بشوف ,,
يعطيكم العافيه

[جعفر جوال]

اخوي وديه مجمع التامينات في محلات كثيراهناك بصلحونه ليك انشاالله

[حلو الليل]

المشاركة الأصلية كتبت بواسطة جعفر جوال

اخوي وديه مجمع التامينات في محلات كثيراهناك بصلحونه ليك انشاالله

السلام عليكم اخوي جعفر ,,
اشكرك على المشاركة الطيبة ,,
بس انا توني ما صالي شهرين بالبحرين و ما ادل عدل ,,
فممكن تقولي وين صاير مجمع التامينات ؟؟ بأي منطقة ؟؟؟
انا ساكن بتوبلي ,, فما ادري ,,
و تسلم و يعطيك العافيه