موقع الكمبيوتر الكفي
موقع الكمبيوتر الكفي

العودة   الكمبيوتر الكفي > منتديات Google Android > منتدى هواتف Google Android العام > منتدى ترقيات هواتف Google Android > قسم ترقيات أجهزة Samsung بنظام Google Android
انظمة المنتدى التقييم التجاري التعليمات قاعة المؤتمرات محرك البحث اجعل جميع المنتديات مقروءة

للتذكير فقط ....

رسالة وداع للجميع واعلان اغلاق الموقع
رد
 
أدوات الموضوع
قديم 24-05-2017, 08:11 AM   #1
عضو مشارك
 
تاريخ التسجيل: 02-10-2016
الدولة: مصر
المشاركات: 235
مشاركات الشكر: 5
شكر 615 مرات في 191 مشاركات
شوية تعديلات في ملف Build.Prop

أول تريكاية هي إنك ازاي تخلي موبايلك يرن مجرد ماتوصلك مكالمة

– نظام أندرويد في الطبيعي بيستنى 3 او 4 ثواني قبل مما موبايلك يرن لو جيلك اتصال عشان يعمل تأكيد للإتصال او حاجة اسمها verify a connection قبل موبايلك مايبتدي يرن ، الــ Tweak ده هيعمل Disable للحركة دي واللي انا شايف ان مالهاش 30 لازمة وهيخلي تليفونك يرن في لحظة مايجيلك اتصال [ الانتظار ده مش كتير بالمناسبة ] بس عموما لو حبيت تلغيها ممكن تضيف السطرين دول تحت بعض في أخر ملف Build.Prop .
ro.telephony.call_ring.delay=0
ring.delay=0

*

حل مشكلة built-in error reporting

ساعات اما تنزل بعض أنواع الرومات بيبقى فيه شوية مزايا مش متوافقن مع نوع موبايلك او اخطاء معينة في حاجات انت اصلا مش بتستخدمها ، ورسايل الأخطاء ممكن تطلعلك كل ثانيتين ومش بتديك فرصة حتى تحل المشكلة ، الحركة دي اسمها built-in error reporting وعشان تلغيها هتضيف السطرين دول في آخر ملف Build.Prop .
profiler.force_disable_err_rpt=1
profiler.force_disable_ulog=1

*

مشكلة الشاشة السوداء بعد انتهاء المكالمة

في تعديلات ملف Build.Prop

أكيد لاحظت مشكلة الشاشة السوداء بعد انتهاء المكالمة لمدة ثواني خصوصا لو انت هاوي رومات معدلة هتلاقي ان العيب ده موجود في رومات كتير جداً ، للأسف ده مش عيب روم !
ده عيب في حساس إسمه proximity sensor وده السيسنور المسئول عن إنه ينورلك الشاشة بعد ماتشيلها من على ودنك ومش بيشتغل بكامل آداءه غير على الرومات الرسمية ، بس عموما عشان تقدر تحل المشكلة دي ، دور على السطرين دول في ملف Build.Prop وعدلهم زي كدة بالظبط :
ro.lge.proximity.delay=25
mot.proximity.delay=25

*

إتاحة دوران الشاشة في Lock screen

طبعاً كتير مننا بيحب يمسك التليفون بالعرض حتى وهو على الــ Lock Screen بس للأسف الحركة دي ماتنفعش غير على لانشرات معينة زي Nova Launcher مثلا – انما على Samsung TouchWiz الموضوع ده يعتبر مستحيل ، طبعاً بالإضافة لأجهزة التابلت موضوع الــ Lock Screen بالعرض بتيجي فيها بشكل إفتراضي ..
عموما لو حبيت تفعل موضوع دوران لوك سكرين ضيف السطر ده في آخر ملف Build.Prop :
lockscreen.rot_override=true

*

إتاحة دوران الشاشة في Home screen

طبعا الخطوة دي تعتبر نفس الخطوة اللي فوق بس مع اختلاف السطر اللي هيتضاف ، عموما لو انت على لانشر مختلف زي ماقولنا فوق الحكاية دي مش هتبقى مشكلة وفي الغالب هتلاقيها متاحة ، بس لو انت على الواجهة الرسمية وعايز تتيح دوران Home Screen ضيف السطر ده في نهاية ملف Build.Prop :
log.tag.launcher_force_rotate=VERBOSE

*

تقوية وتحسين إتصال الإنترنت في نظام أندرويد

في تعديلات ملف Build.Prop

سامعك يللي معترض – بس اسمعني للآخر الأول !
هنا إحنا مش بنعلي سرعة الإنترنت زي منتا فهمت ، لا إحنا بنعمل حاجة اسمها Improve أو تحسين لسرعة الإنترنت والتصفح وده عن طؤيق تغيير الــ DNS اللي بيكون موجود إفتراضي مع كل أجهزة أندرويد وساعات بيتغير على حسب شريحة الإتصال اللي موجودة في موبايلك زي فودافون او موبينيل او اتصالات مثلا ، طبعاً لو انت عامل روت تقدر تغير الــ DNS ده بسهولة – او حتى من غير روت تقدر تغيره بس هتعدله في برنامج برنامج ، بس عموما ليه تستخدم برامج وانت ممكن تغير في ملف بيلد بروب علطول ؟!
طبعا الــ DNS اللي هنستخدمه بتاع Google واللي اعتقادي الشخصي مفيش أقوى منه خصوصا إنه جي بشكل مجاني تماماً – عشان تقدر تستخدم Google DNS services هتضيف السطرين دول في نهاية ملف Build.Prop :
net.dns1=8.8.8.8

net.dns2=8.8.4.4

*

تحسين الــ Scrolling

مش ساعات كده وانت ماسك موبايلك وبتقلب في البرامج او الجاليري لو النت فاصل وانت قاعد زهقان تلاقي ساعات في سنة Lag او نتشة كده – ده مش بسبب موبايلك ومواصفاته القليلة – ده بسبب إن نظام أندرويد بيعمل Limits للأنيميشن وانت شغال عليها عشان يحافظ على البطارية من قوة البروسيسور ، عموما عشان تلغي الموضوع ده او تعدله او حتى تخليه أبطأ ممكن تعدل على الكود ده وتضيفه في نهاية ملف Build.Prop :
windowsmgr.max_events_per_sec=150
ro.min_pointer_dur=8 ro.max.fling_velocity=12000
ro.min.fling_velocity=8000

*

تحسين وتقوية جودة المكالمات

ro.ril.enable.amr.wideband=1

تشغيل أو إيقاف Navigation keys

أزرار الرجوع والخيارات أو Navigation keys بتبقى موجودة بشكل فعلي في بعض الأجهزة زي سلسلة S أو نوت من سامسونج مثلا ، وفي بعض الأجهزة بتبقى On-Screen زي أجهزة HTC ..
عموما لو حبيت لأي غرض توقف شغل الأزرار دي خالص ممكن تضيف السطر ده في ملف Build.Prop السطر اللي فوق رقم 1 عشان تعملهم إيقاف ولو حبيت تشغلهم تاني خلي رقم 1 ده 0 :
qemu.hw.mainkeys=1
qemu.hw.mainkeys=0

*

تغيير Screen DPI لتكبير أو تصغير الخطوط والأيقونات

أنا واحد من الناس مابحبش الأيقونات والخطوط الكبيرة – حتى اما بختار أصغر خط عن طريق خيارات Display بتبقى الخطوط صغيرة أيوة بس للأسف مش بتكون متناسقة خالص مع حجم الأيقونات وده لأني بصغر الخط لوحده ، إنما لو غيرت في الــ DPI انت كده بتغير مقاسات وأبعاد الشاشة كلها متضمنة كل حاجة فيها حتى حجم أيقونات Stutsbar مثلا – وفي نفس الوقت في ناس بتحب الحاجة الضخمة مالناش دعوة – عموماً لو حبيت تلعب في الــ Values بتاعت الــ DPI – هنقولك ازاي تحت ..معظم الناس فاكرة ان الــ DPI تغييره هيفرق في مجرد حجم الأيقونات والخطوط بس – لا في الحقيقة إنت غلطان ، تغيير الــ DPI كمان هيفرق في مستوى وآداء نظام أندرويد على موبايلك بشكل عام يعني مثلا كل اما كبرت رقم الــ DPI هتلاقي الأيقونات والخطوط والــ UI بشكل عام بقى أصغر بس خلي بالك ## كل ده على حساب البروسيسور لأنه بيبذل مجهود أكتر في إنه يخلي الشاشة تديك بيانات أكتر وآداء أقوى ## يعني لو تليفونك تعبان بالبلدي بلاش تعلي الــ DPI – عموما جرب وانت الحكم ..
في نفس الوقت لو قللت رقم الــ DPI هتلاقي برضه الأيقونات والخطوط والــ UI كله بقى أكبر وده برضه زي ماقولنا فوق كأنك بتعمل boost للنظام لأنك قللت الجهد على البروسيسور وخليته يعالج بيانات بشكل أقل وداتا أقل ..## خلي بالك ## حاول ماتلعبش كتير في أرقام الــ DPI لأنك لو عملت رقم عالي أوي او واطي أول ممكن ماتعرفش تتعامل مع تليفونك أساسا لأنك لعبت بغباوة في الــ Values بتاعت الــ DPI لإي الحالة دي هتضطر ترجع ملف Build.Prop الأساسي عن طريق الريكافري زي ماقولنا في بوست [شرح] تعديل ملف build.prop في معظم أجهزة أندرويد ( البوست ده مهم جداً بالمناسبة ركزوا فيه كويس قبل أي تعديلات عايزين تعملوها في ملف Build.Prop ) .في العادي الــ Values المتوافقة مع معظم الأجهزة بتبتدي من 160 مروراً بـ 320 ، 480 ، 640 وهكذا – لاحظوا إننا كل مرة بنزود قيمة 160- محدش ذكي يروح يحط القيمة دي 250 وييجي يقولي يالهوي الحقني بلاش الحاجات الغريبة دي الله يباركلكوا عموما عشان تغير الــ DPI في اخر ملف Build.Prop هتضيف السطر ده وتعدل الــ Value اللي انت عايزها مكان XXX :
ro.sf.lcd_density=XXX

*

تحسين وتقوية الكاميرا ومعالجة الصور في تعديلات ملف Build.Prop

معظم أجهزة أندرويد – حتى الكاميرا القوية منها زي S7 Edge مثلا الصورة بتكون باينة في الكاميرا وانت بتصور قوية جداً بس بعد ماتصور بتلاقي الصورة جودتها قلت عن ما كنت بتصور ! ، ماتقلقش الكاميرا بتاعتك مش وحشة بس نظام أندرويد عشان يحافظ على البطارية وحرارة التليفون بيعمل ريندر للصور على كواليتي قليل للأسف (هي في المجمل كواليتي كويسة بس التليفون يقدر يديك أعلى) – هو بيعامله في الآخر على إنه تليفون مش كاميرا DSLR !عشان تحل المشكلة دي وتخلي التليفون يديك أعلى وأقوى آداء في معالجة الصور [ لو انت شايف إن البروسيسور بتاعك قوي ويستحمل الحركة دي ] هتضيف السطر ده في آخر ملف بيلد بروب :
ro.media.enc.jpeg.quality=100

*

تعديل وقت البحث عن شبكات WiFi المتاحة – تعديلات ملف Build.Prop

نظام أندرويد في العادي بيعمل Scan لشبكات WiFi كل 15 ثانية – حتى وانت عامل Connect لشبكة معينة لو في بيتك مثلا ، الموضوع ده للأسف بيستهلك البطارية بشكل مش طبيعي لأنه بيدور على الشبكات المتاحة حواليك باستمرار ، طبعاً الموضوع ده مفيد في حالة لو انت في مكان في شبكات WiFi كتير او بيتك كبير وفيه كذا Access Point أو في مطار مثلا ..
إنما لو انت في بيتك ومفيش غير شبكتك في معظم الأوقات تقدر تعدل موضوع الــ 15 ثانية ده عشان حتى على الأقل تحافظ على البطارية وبرضه تقلل الجهد على البروسيسور ..في حالة لو حبيت تعديل القيمة دي هتدور على الكود ده في ملف بيلد بروب وتعدله بالقيمة اللي انت عايزها – يعني مثلا لو عايزه يدور على شبكات WiFi كل دقيقتين هتخلي الــ XXX دي 120 ثانية – أي رقم هتحطه بيكون بالثواني :
wifi.supplicant_scan_interval=XXX

*

تسريع عملية الــ Restart أو الــ Boot بشكل عام

ببساطة ضيف الكود ده في آخر ملف بيلد بروب عشان تخلي عملية البوت أسرع من العادي ومفيش منها أي ضرر [ بس في النهاية برضه هي بتعتمد على الهارد وير عندك سواء البروسيسور أو الرامات] :
ro.config.hw_quickpoweron=true

*

تعديل إضاءة أزرار Back-lit

أزرار الخيارات والرجوع أو Back-lit Capacitive Keys زي اللي في أجهزة Galaxy Note أو Galaxy S في الحالات العادية مش بتننور غير اما تضغط عليهم ، في حالة لو انت عايزهم منورين طول مالشاشة منورة هتدور على الكود ده وتعدله زي كدة ولو عايز ترجعهم زي ماكانوا غير رقم 0 وخليه 1 :
ro.mot.buttonlight.timeout=0

*

تقوية وتحسين الشبكات والـ Mobile Data

في تعديلات ملف Build.Prop الــ Tweak دي هتخلي التليفون يخرج بره الــ Dormancy أو فترة السكون بسرعة – يعني لو انت في مكان مفيهوش شبكة وطلعت في مكان فيه شبكة عشان تعمل مكالمة مثلاً التليفون في العادي هياخد وقت عشان الداتا مرتبطة بكل البرامج اللي عندك على الموبايل وبيوصل خدمة الــ Data لكل أجزاء التليفون – عموما عشان الحركة دي تشتغل كويس لازم يكون تليفونك في العادي بيدعمها طبعا بالإضافة لتقنية وتردد الشبكة ، عموما عشان تشغلها هتضيف السطرين دول في أي حتى في ملف بيلد بروب :
persist.cust.tel.eons=1
ro.config.hw_fast_dormancy=1

*

إيقاف تنبيه وإشعارات USB Debugging

persist.adb.notify=0

*

إتاحة دوران البرامج والألعاب بزاوية 270 درجة

إحنا اتكلمنا في Auto Rotate Tweak فوق على اللوك اسكرين والهوم اسكرين ، بس بعض البرامج مش هتقدر تعمل فيها نفس الحركة دي ، بس في الــ Tweak دي هنعمل زي Force ليها عشان تسمع كلامك وتدور معاك لو قلبت التليفون – هتضيف السطر ده في تعديلات ملف Build.Prop :
windowsmgr.support_rotation_270=true

*

حل مشكلة إيقاف الواجهة وتحميلها مرة تانية

بعض أجهزة أندرويد عشان تساعدك في التحكم في الرام بشكل أفضل بتعمل حركة الغبية أوي وهي انها دايماً تقفل البرامج اللي شغالة في الخلفية حتى لو منها الواجهة او الــ Launcher اللي انت بتتعامل معاه ! – المشكلة في الحكاية دي لو انت مثلا بتعمل حاجة وحبيت ترجع الــ Home تاني هيحمل من أول جديد والموضوع ده رخم جداً خصوصا لو بتتعامل مع واجهى تقيلة ومميزاتها كتير زي TouchWiz مثلا في أجهزة سامسونج ، عشان تحل المشكلة دي في تعديلات ملف Build.Prop ضيف الكود ده في ملف Build.Prop ، الكود وظيفته إنه مايخيليش اي برنامج يقفل الواجهة خالص طول منتا مش فاتحها :
ro.HOME_APP_ADJ = 1

*

تقوية وتحسين الرزليوشن في صور بانوراما

في معظم أجهزة أندرويد اما تيجي تصور صورة بنظام بانوراما بتبقى على الأقل 5 او 6 صور وبيتعملهم دمج مع بعض في صورة واحدة ، وعشان الليميت اللي البروسيسور بيعمله على الكواليتي بتاع الصور زي ماقولنا فوق للأسف لو جيت تعمل زووم في صورة البانوراما هتلاقيها بكسلت حتى لو الكاميرا بتاعتك قوية !
في تعديلات ملف Build.Prop الــ Tweak دي انت هتعمل Force للبروسيسور إنه يعمل ريندر لصورة البانوراما بكامل جودتها وكامل قوة الكاميرا بتاعتك [ مش كل التليفونات بتدعمها ] [ هيكون جهد زيادة على البروسيسور لأن الصور بنظام بانوراما بتبقى كبيرة جدا وفي بعض الأحوال بتعدي الــ 100 ميجا ] – عشان تنفذ الــ Tweak دي هتضيف السطرين دول في ملف بيلد بروب :
ro.media.panorama.defres=3264x1840
ro.media.panorama.frameres=1280x720

*

إيقاف خاصية Android logger – log-cat

نظام أندرويد في العادي بيعمل ملفات Log ومتابعة مستمرة لكل حاجة انت بتعملها على السيس او البرامج بشكل عام – عشان لو قابلتك مشكلة في وقت من الأوقات تقدر تبص في ملف الــ Log ده وتعرف المشكلة او الــ Error ده جه منين ..
بس لو انت مش Developer او مالكش في المواضيع دي أعتقد انك مش مستفيد أي حاجة من الموضوع خصوصا إنه جهد على البروسيسور والبطارية بدون أي داعي ..
عشان تلغي الميزة المزعجة دي ممكن تضيف السطر ده في ملف Build.Prop :
logcat.live=disable
إحنا كدة خلصنا أهم تعديلات ملف Build.Prop – متهيقلي دي أكتر الــ Build.Prop Tweaks اللي الناس بتدور عليها وهي تعديلات جميلة ولذيذة بالمناسبة ولو نفذتها كلها صح هتحس ان تليفونك اتغير فعلا – طبعا زي مانبهت فوق أهم حاجة تراجع بوست طريقة وشرح تعديلات ملف Build.Prop كويس جداً ، اقراه كذا مرة وركز فيه عشان تقدر تتعامل مع التريكات اللي قولناها فوق دي – وطبعاً يفضل إنك تتعامل مع التعديلات دي كلها ببرنامج Build.Prop Editor منعاً لأي خطأ ممكن يحصل وعموما احنا في البوست اللي فات شرحنا ازاي تخرج من اي مشكلة تقابلها وازاي ترجع الملف الأساسي مكانه تاني وتلغي أي تعديلات انت عملتها ..

*

الشرح انا حاولت يكون سهل وبسيط قدر الإمكان
نصيحه تنقل ملف البولد بروب على الجهاز وتبحث عن التويكس قبل ماضيفه لو لاقيته عدل على قيمته وبس

وكل سنه وانتوا طيبيبن

ma7moud2023 غير متصل   رد مع اقتباس
عدد 11 من الاعضاء يشكرون ma7moud2023 على مشاركته الطيبة ويطلبون المزيد من هذه المشاركات الرائعة ويدعون له بالتوفيق
مشاهدة/اخفاء قائمة الشكر لهذه المشاركة

اخر 5 مواضيع للعضو ma7moud2023
الموضوع الاقسام الرد الاخير للعضو الردود مشاهده اخر مشاركة
لهواتف S7 و S7 EDGE : روم LightRom بنظام PIE بورت... قسم ترقيات أجهزة Samsung بنظام Google Android اسماعيل عاصم 6 9884 10-04-2019 12:43 AM
طلب بخصوص نوت 4 قسم ترقيات أجهزة Samsung بنظام Google Android أذينة 1 2463 11-03-2018 06:26 PM
مطلوب روم معرب للهاتف Galaxy S7 edge موديل... قسم ترقيات أجهزة Samsung بنظام Google Android wesam dlol 3 4661 05-02-2018 02:30 AM
هل يمكن تركيب ريكفري وروت للنوت3 من دون كمبيوتر ؟ قسم ترقيات أجهزة Samsung بنظام Google Android Alwaleef 4 2163 29-10-2017 05:37 PM
شوية تعديلات في ملف Build.Prop قسم ترقيات أجهزة Samsung بنظام Google Android Mohamedovic 5 9871 24-05-2017 08:11 AM


اعلان

قديم 24-05-2017, 11:24 AM   #2
sa222
عضو نشط
 
تاريخ التسجيل: 11-07-2016
الدولة: السعوديه
المشاركات: 286
مشاركات الشكر: 5,137
شكر 762 مرات في 267 مشاركات

شكرا لك

طيب لو انا على روم رسمي كيف اضيف زر اغلاق النوافذ المنبثقه

sa222 غير متصل   رد مع اقتباس
العضو التالي يشكر sa222 على مشاركته الطيبة ويطلب المزيد من هذه المشاركات الرائعة
قديم 24-05-2017, 09:03 PM   #3
tiger.mrs
عضو اساسي
 
الصورة الرمزية tiger.mrs
 
تاريخ التسجيل: 10-03-2007
الدولة: السعوديه
المشاركات: 1,654
مشاركات الشكر: 1,910
شكر 1,532 مرات في 934 مشاركات

اشكر على الموضوع مفيد لقد جربت بعضها مثلا الكمره يحتاج مقارنه و دوران الهم سكرين لم يتفاعل لكن دوران القفل تفاعل ولي تجارب حسب الحاجه جوالي s7 edge روم معدل وهذه تجربتي
دمت بود

tiger.mrs غير متصل   رد مع اقتباس
عدد 2 من الاعضاء يشكرون tiger.mrs على مشاركته الطيبة ويطلبون المزيد من هذه المشاركات الرائعة ويدعون له بالتوفيق
قديم 24-05-2017, 10:38 PM   #4
tn1980
عضو جديد
 
تاريخ التسجيل: 24-05-2006
الدولة: qatar
المشاركات: 93
مشاركات الشكر: 108
شكر 186 مرات في 59 مشاركات

شكرا علي المعلومات الممتازة
لكن اضائه الازرار لم تعمل معي جوالي هو نوت3


Sent from my SM-N930F using Tapatalk

tn1980 غير متصل   رد مع اقتباس
العضو التالي يشكر tn1980 على مشاركته الطيبة ويطلب المزيد من هذه المشاركات الرائعة
قديم 25-05-2017, 02:40 AM   #5
ma7moud2023
عضو مشارك
 
تاريخ التسجيل: 02-10-2016
الدولة: مصر
المشاركات: 235
مشاركات الشكر: 5
شكر 615 مرات في 191 مشاركات

دور على الامر الاول قبل ماتضيفه لو موجود عدله

ma7moud2023 غير متصل   رد مع اقتباس
عدد 2 من الاعضاء يشكرون ma7moud2023 على مشاركته الطيبة ويطلبون المزيد من هذه المشاركات الرائعة ويدعون له بالتوفيق
قديم 01-09-2017, 02:39 AM   #6
Mohamedovic
عضو جديد
 
الصورة الرمزية Mohamedovic
 
تاريخ التسجيل: 19-01-2017
الدولة: مصر
المشاركات: 24
مشاركات الشكر: 46
شكر 167 مرات في 44 مشاركات

لا حول ولا قوة إلا بالله
يا أخي على الأقل حتى أذكر المصدر، الموضوع أخذ مني مجهود يومين كاملين ليظهر بهذا الشكل!
تعديلات ملف Build.Prop

Mohamedovic غير متصل   رد مع اقتباس
رد

العبارات الاستدلاليه
android, galaxy, galaxy note, galaxy s, google, htc, launcher, samsung, usb, أندرويد, البطارية, برامج, حساب, روت, سامسونج, شرح, شريحة, نوت


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع


الانتقال السريع إلى

جميع الأوقات بتوقيت GMT +3. الساعة الآن 02:53 PM.


Powered by vBulletin
Copyright ©2000 - 2024, Jelsoft Enterprises Ltd.