موقع الكمبيوتر الكفي
موقع الكمبيوتر الكفي

العودة   الكمبيوتر الكفي > المنتديات الاعلامية > مؤتمرات ومناسبات واحداث > كاس العالم 2010
انظمة المنتدى التقييم التجاري التعليمات قاعة المؤتمرات محرك البحث اجعل جميع المنتديات مقروءة

للتذكير فقط ....

رسالة وداع للجميع واعلان اغلاق الموقع
موضوع مغلق
 
أدوات الموضوع
قديم 23-06-2010, 10:41 PM   #1
مشرف
 
الصورة الرمزية ahamwahid
 
الرتبة الادارية: مشرف المنتدى العام
تاريخ التسجيل: 30-12-2005
الدولة: Saudi Arabia- Jeddah
المشاركات: 7,191
مشاركات الشكر: 23,297
شكر 14,526 مرات في 4,423 مشاركات

الاوسمة التي حصل عليها

مقالة الندم في هوس كرة القدم

مقالة الندم في هوس كرة القدم
بقلم محسن العبيدي الصفار

جلس سعيد على كرسيه المعتاد في القهوة الشعبية حيث يأتي من الحين للآخر كي يقضي بعض الوقت مع أصحابه بكري وأبوعلي في لعب الطاولة وتدخين الشيشة والنميمة والشكوى من غلاء الاسعار وقلة الرواتب وزحمة المواصلات و الزمن المر الذي لايعرف صاحباً أو صديقاً, ولم يلبث صديقه بكري أن حضر ولحق بهما أبوعلي بعد أن سلم الجميع على بعضهم فتح سعيد النقاش وقال:-

أيه أخبار ماتش الكورة بتاع إمبارح؟
ردّ عليه ابوعلي :- وده سؤال يا أبو أحمد؟ فتحت علينا المواجع ليه بس كده ؟
رد سعيد عليه:- ليه هو فيه ايه ؟ مش المانيا اللي غلبت بالماتش ؟

مش انت بتشجع المانيا يا بكري؟

دخل أبوعلي الخط وقال:- هو آه بس أنا باشجع البرازيل اللي خسرت !!!
يا راجل بلاش تفكرني ده أنا تنرفزت نرفزة من النتيجة المهينة دي لدرجة أن الضغط عندي طلع وإضطريت آخذ الدوا علشان انزله!!!
أجابه سعيد:- طب وتتنرفز ليه؟ هم يعني البرازيليين كانوا بقية أهلك؟
علشان تتنرفز لهم؟

أجاب أبو علي وهو يستغرب كلام سعيد :
- إيه الكلام ده؟ معقول؟ ده الفريق البرازيلي على سن ورمح ياراجل
إبتسم سعيد ساخراً وقال :
- يعني لو كان ربحوا كانوا ادوك حصة من الجايزة بتاعهم؟

هز سعيد كتفه وقال :
- طب زعلان عليهم ليه؟ يعني على رأي المثل العروسة للعريس والجري للمتاعيس همه يربحوا وياخدوا الكاس وانت ضغطك يطلع أما عجايب والله!!!


وهنا دخل أبو علي على الخط وقال:- انت يا سعيد من يومك مابتحبش الكورة وفي كل ماتش تطلع بالحبتين دول وهات يا نصايح !!!
اعتدل سعيد في جلسته وقال بصوت لايخلو من العتب :
- علشان مش راضيين تفهموا إن الكورة دي لعبة مثلها مثل أي فيلم أو مسلسل بنتفرج عليه وبعدين يخلص ويروح كل واحد لحال سبيله

لا لينا دعوة مين ربح ومين خسر!!!

تعجب الإثنان من كلامه وردّ عليه أبو علي:
- بتقول ايه؟ فيلم؟ انت جرالك حاجة يا سعيد؟ فيلم ايه ده؟ طب وشرفي!! اني فرحت لما فازت البرازيل على فرنسا السنة اللي فاتت أكثر ما فرحت بنجاح بنتي في الثانوية العامة!!!

كاد رأس سعيد أن ينفجر مما يسمع وقال:
- بقى يا راجل يا مفتري تفرح بماتش كورة لا ليك فيه لا ناقة ولا جمل أكثر من نجاح بنتك , دمك ولحمك , في الثانوية العامة؟
بقى ده كلام ناس عاقلين يا عالم!!!
ربت بكري على كتف سعيد وقال:- تصدق بالله ياسعيد ؟- لا إله إلا الله قول يا سيدي- أنا مرّة من سنين طلقت الولية مراتي علشان قعدت تنق في الماتش لحد ما طيرت النقطتين, وطول الماتش وهي عمال تنق قال ايه الولد عيان , الواد حرارته طالعة .... لحد ما راح الماتش بشربة ميه وأنا ما كذبتش خبر رحت رامي عليها اليمين وباعثها هي والواد على بيت أهلها في نفس الليلة لولا جماعة الخير توسطوا ورجعتها بشرط إنها حلفت كل ما يكون فيه ماتش كورة ما تقعدش في البيت!!

لم يعرف سعيد ماذا يرد على مثل هذه السطحية والتفاهة ولكنه قال : -
إنا لله وإنا إليه راجعون طلقت مراتك أم عيالك علشان ماتش كورة؟ ده ايه الإفترا ده؟

رد بكري عليه وهو ينفخ صدره كالديك :
- أنا راجل ملتزم وما أسمحش لحد أنه يقّر على الفريق اللي أنا باشجعه ده انا وافقت إن إبني سعد يكّمل دراسته في ألمانيا دوناً عن البلدان كلها بس علشان أنا باشجع الفريق الألماني!!! مع إن الواد يا عيني شايف الويل من صعوبةاللغةالألمانية !!.

ضحك سعيد وقال :
- ايه الحلاوة دي كلها؟ ملتزم قوي حضرتك؟ الواد إبنك يضيع مستقبله علشان إنت بتحب الفريق الألماني؟ الحمد لله إنك ما بتشجعش فريق زيمبابوي كان الواد راح في شربة ميه!!!


ضحك الرجال الثلاثة وشربوا الشاي وعاد سعيد ليفتح الموضوع:-
بس يا جماعة ما يصحش كده الواحد يشجع رياضة آه , بس مش معقول أن حياته وعيلته كلها تبقى تحت رحمة ماتش كورة أنا عندي واحد صاحبي إستقال من شغلانة كويسة جداً علشان المدير بتاعه كان أهلاوي وهو زملكاوي بلا نيلة خلي الزمالك ينفعه اهو قاعد بلا شغل بقاله 6 اشهر !!

ردّ عليه أبو علي بحدة:- سعيد لحد هنا وبس, أوع تجيب في سيرة الزمالك أنا لولا العيش والملح اللي بينا كنت ردّيت عليك بشكل تاني خالص.

إبتسم سعيد بأسى وقال :
- ثاني إزاي يا صاحبي؟ حتضربني مثلاً؟ ايه الغيرة دي كلها؟ ده النبي صلى الله عليه وسلم إتسب وإنشتم في طول أوروبا وعرضها ولا حد فيكم طلع ضغطه ولا طلع صوته ونازلين تشجيع في فرق الدول اللي بتهين ديننا ونبينا كل يوم ودلوقتي عاوز تضرب صاحبك يا أبو علي؟ هي دي الرجولة؟


ندم أبو علي وخجل وقبّل رأس سعيد وقال:- لا مؤاخذه يا سعيد يا حبيبي إنت صاحبي وتاج راسي بس لما تيجي سيرة الكورة با ابقى واحد تاني خالص ولا كأني أنا !!!

قال بكري: - آه والله وأنا نفس الشيء لما باتفرج على ماتش كورة با ابقى عاوز أحط صباعي في عين اللي قاعد جنبي!!!
قال سعيد:- لا ده إنتوا مجانين رسمي بقى ولازم يودوكم السرايا الصفرا ولا ممكن رجالة في سنكم يفكروا بالشكل ده وامّال سبتو ايه للعيال الصغيرة؟!!!

ضحك الرجال الثلاثة وطلب سعيد شاي ثاني للجميع وبدأو بلعب الطاولة ومرت نصف ساعة عندما رنّ تلفون بكري المحمول:
- ألو- مساء الخير يا افندم حضرتك الأستاذ بكري والد سعد بكري؟
رد بكري بصوت قلق :
- أيوه تمام كده بس مين حضرتك ولا مؤاخذه؟

- أنا القنصل المصري في ألمانيا

توجس بكري خيفة وإقشعر بدنه وقال:
- خير يا افندم فيه حاجة؟ إبني سعد حصل له حاجة؟
- ربنا يصبرك يا سيد بكري
رد بكري وهو يصرخ باعلى صوته :
- ايه؟ بتقول ايه؟ فيه ايه؟


إجتمع الرجلان وعدة أشخاص من القهوة حول بكري بعد أن سمعوا صراخه وهو يقول:
- قوللي فيه ايه؟- إبنك سعد امبارح بالليل وهو راجع من الكلية اتقتل على ايد مجموعة من مشجعين المنتخب الألماني العنصريين ضربوه ضرب جامد جداً والنهارده في المستشفى ربنا خذ أمانته البقية في حياتك إحنا حنعمل إجراءات........


سقط التلفون من يد بكري وأجهش بالبكاء وهو يصرخ:-
يا خرابي يا بكري يا مصيبتك يا بكري الواد راح في شربة ميه يا بكري وعلى ايد مين؟ مشجعين الفريق الألماني اللي انت موّت روحك علشانه لا حول ولا قوة إلا بالله ربنا يخرب بيوتهم كلهم الفريق الالماني على الفرنسي على الايطالي, على اللي جاب القرف ده على بلادنا وبلانا فيه اه يا ابني اه يا حبيبي.

اخذ بكري يبكي ويصرخ ويضرب على راسه في منظر محزن .
نظر الجميع إليه بصمت ونزلت دمعة من أعين من كل من شاهد هذا الموقف المأساوي ومّرت برهة من الزمان حتى جاء المعّلم صاحب القهوة وبيده ورقة كتب عليها:

هذه القهوة لا تعرض مباريات كرة قدم من الآن فصاعداً.

من بريدي
ahamwahid غير متصل  
عدد 4 من الاعضاء يشكرون ahamwahid على مشاركته الطيبة ويطلبون المزيد من هذه المشاركات الرائعة ويدعون له بالتوفيق
مشاهدة/اخفاء قائمة الشكر لهذه المشاركة

اخر 5 مواضيع للعضو ahamwahid
الموضوع الاقسام الرد الاخير للعضو الردود مشاهده اخر مشاركة


اعلان

قديم 24-06-2010, 10:48 AM   #2
أبا محمد
عضو اساسي
 
الصورة الرمزية أبا محمد
 
الرتبة الادارية: مشرف مساعد منتديات الكمبيوتر الكفي - Windows Mobile
تاريخ التسجيل: 18-11-2005
الدولة: حبيبتي ديرتي
المشاركات: 6,329
مشاركات الشكر: 12,408
شكر 18,971 مرات في 3,763 مشاركات

الاوسمة التي حصل عليها



أبا محمد غير متصل  
عدد 2 من الاعضاء يشكرون أبا محمد على مشاركته الطيبة ويطلبون المزيد من هذه المشاركات الرائعة ويدعون له بالتوفيق
قديم 24-06-2010, 11:17 AM   #3
Nooruddeen
عضو اساسي
 
الصورة الرمزية Nooruddeen
 
الرتبة الادارية: مشرف
تاريخ التسجيل: 11-04-2004
الدولة: KSA-المدينة
المشاركات: 16,057
مشاركات الشكر: 83,774
شكر 33,131 مرات في 10,195 مشاركات

الاوسمة التي حصل عليها

اقتباس:
المشاركة الأصلية كتبت بواسطة ahamwahid مشاهدة المشاركة
مقالة الندم في هوس كرة القدم
بقلم محسن العبيدي الصفار

...
إبتسم سعيد بأسى وقال :
- ثاني إزاي يا صاحبي؟ حتضربني مثلاً؟ ايه الغيرة دي كلها؟ ده النبي صلى الله عليه وسلم إتسب وإنشتم في طول أوروبا وعرضها ولا حد فيكم طلع ضغطه ولا طلع صوته ونازلين تشجيع في فرق الدول اللي بتهين ديننا ونبينا كل يوم ودلوقتي عاوز تضرب صاحبك يا أبو علي؟ هي دي الرجولة؟
...
...

شكرا لك أخي أحمد على المقال العجيب...

وقد يحصل أكبر من هذا بسبب الكرة (ما حصل بين الجزائريين والمصريين -حفظهم الله جميعا-) و...

اللهم أدخلني وأحبابي في المنتدى مع والدينا وذرياتنا جنتك يا أرحم الراحمين.
Nooruddeen غير متصل  
العضو التالي يشكر Nooruddeen على مشاركته الطيبة ويطلب المزيد من هذه المشاركات الرائعة
قديم 27-06-2010, 08:35 PM   #4
فهد709
عضو نشط
 
تاريخ التسجيل: 18-04-2008
الدولة: السعودية
المشاركات: 443
مشاركات الشكر: 668
شكر 319 مرات في 212 مشاركات

اللهم اجمع قلوبنا على الاسلام واجعل محبتنا فيك وحدك

فهد709 غير متصل  
العضو التالي يشكر فهد709 على مشاركته الطيبة ويطلب المزيد من هذه المشاركات الرائعة
قديم 27-06-2010, 11:48 PM   #5
shekooo123
عضو اساسي
 
الصورة الرمزية shekooo123
 
تاريخ التسجيل: 14-04-2007
الدولة: egypt
المشاركات: 1,060
مشاركات الشكر: 98
شكر 252 مرات في 157 مشاركات

اللهم اجمع قلوبنا على الاسلام واجعل محبتنا فيك وحدك
اللهم استجب يا أرحم الراحمين

shekooo123 غير متصل  
العضو التالي يشكر shekooo123 على مشاركته الطيبة ويطلب المزيد من هذه المشاركات الرائعة
موضوع مغلق

العبارات الاستدلاليه
رسمي, كتب


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع


الانتقال السريع إلى

جميع الأوقات بتوقيت GMT +3. الساعة الآن 06:22 PM.


Powered by vBulletin
Copyright ©2000 - 2024, Jelsoft Enterprises Ltd.