kakaotalk أفضل برنامج محادثه للايفون والايباد ..

[Nuda]

اليوم جايبه لكم برنامج انا اعتبره من اروع برامج الايفون للمحادثات ( طبعا البرنامج من أيفون لــ آيفون أو لأيباد ) ..
اول شي اللي حلو بالبرنامج انه مجاني من الاب ستور ... وهو يشبه الواتز آب بس بصراحه أروووع بكثير ..

البرنامج يدعم الايفون والايباد .. بصراحه مااعرف اذا كان يدعم الايبود او لا ماقد جربيته ..

بالنسبه لمميزات البرنامج :

اول ماتسجلون بالبرنامج رح يطلعون لك الناس اللي بجهازك مسجله ارقامهم وعندهم البرانامج يعني يشبه الواتز آب ... بس اللي يختلف فيه انه كمان تقدر تضيف عن طريق الاي دي مو بس الاشخاص اللي بجوالك مسجل رقمهم .. عندك أي دي تضيف منه ...

تقدرون تحطون لكم بيرسونال وصوره وتغيرونها بـ اي وقت ... وهذا اللي يميزه عن الواتس آب ..
فيه امكانيه انكم تدخلون بروفايل أي جهة اتصال عندكم وتضغطون على صورهم بتتكبر عندكم بس ماتقدرون تحفظونها ( اذا عجبتكم لاتستحون خلوه يرسلها لكم )

فيه مجموعات ... يعني تقدرون تسوون مجموعات للمحادثات وتضيفون في القروب فوق الــ 100 شخص .. يعني تضيفون أشخاص الا مالا نهااايه ..

اذا مافيكم من كتب بالمحادثه تقدرون ترسلون ملف صوتي يعني تصير محادثات صوتيه زي برنامج الــtalk box

وطبعا تقدرون تتبادلون الصور ومقاطع الفيديو اللي بجهازك مع جهات الاتصال اللي عندكم ..

تقدرون تلعبون في الخلفيات لكل محادثه ... يعني تختار صوره من اللي موجوده بجهازك او تغير لون الخلفيه من الخيارات الموجوده بالبرنامج .. واللي حلو انك تحط خلفيه لكل محادثه ماتكون عامه لكل المحادثات ..


تقدرون تحطون اسم من عندكم لكل قروب محادثات ..
وتقدرون تغيرون اسماء جهات الاتصال وتحطونها على مزاجكم ...



أي احد يرسل رابط يفتحه لك من نفس البرنامج مايحتاج تسون له نسخ وتروحون لسفاري تسون له لصق عشان يفتح الرابط ..

تقدرون تغيرون نغمة وصول أي رساله وصلتك .. عندك كذا نغمه بالبرنامج تختار منها ..

فيه بالبرنامج نفسه فيسات تعبيريه تقدرون تستخدمونها اذا ماكان عندكم برنامج الــ emjoi

واللي حلو بالبرنامج انه ينزله كل شهر تحديث جديد ويضيفون له مميزات جديده ..

ويميز البرنامج انه سريع ومايعلق ..

طريقة التسجيل بالبرنامج :
اول ماتحملون البرنامج وتفتحونه بيطلب منكم تكتبون الرمز المنطقه او الفتح ماادري ايش تسمونه بس كمثال عندك المملكه يكون رمزها +966
بعدين تكتبون رقم الجوال .. وبعدها بطلب منك رقم verification code .. هذا الرقم بيوصلكم رساله على الجوال وهو مكون من 4 ارقام .. تكتبونه بالمكان المطلوب بالبرنامج بعدين بيفتح معاكم البرنامج عادي ..

<< ===== البرنامج انا مررره يعجبني وأكثر برنامج استخدمه بالايفون .. وحبيت انقله لكم .. انشاء الله يعجبكم ..
وأتمنى اني أفدتكم ...