محتاج مساعدتكو في سوني z1

[Mohaakotb]

جماعة الخير السلام عليكم جميعا

انا قولت احط التوبيك هنا اكيد مش هتبخلو عليا بمعلوماتكو .. محتاج الناس اللي معاها z1 تفيدني ف الكام سؤال اللي هسأله.
انا اشتريت الموبايل من 5 ايام و نزلتله اخر تحديث اللي هو اخره 257 .

دلوقتي انا مواجهاني كام حاجه

1- حاسس إن الفتحات اللي في الجنب ضعيفة وممكن تتكسر بسهولة .. ف هل لو حصل هتتصلح ولا ملهاش وراح عليا خاصية ضد الماء ؟
2- عايز اشتري المسند المغناطيسي اللي الموبايل بيكرب عليه ويشحن او الكابل المغناطيسي.. ف لو حد من مصر يعرف اجيبه منين ياريت يدلني
3- مفيش طريقة الغي بيها الرسالة المزعجة كل لما افتح الداتا ؟
4- نيجي بقي للمشاكل .. اول مشكلة اللي مضايقاني هي البطارية .. اداء البطارية مش عاجبني نهائي نهائي .. لو فتحت الداتا الموبايل بيبقي سفاح بطارية !!! انا مفعل stamina mode و low battery mode ومفيش فايده .. لو شغل الwifi البطارية مبتسحبش جامد انما لو مشغل الداتا بتقل بمعدل 1 % كل دقيتين مثلا فلو شغلت الداتا وهو 100 % وسبتها شغالة الموبايل مش هيقعد 3 ساعات علي بعض غير النوت 2 بيقعد اليوم كله مشغل الداتا !!

5- بردو مع الشغل المستمر لمدة نص ساعة مثلا الجهاز بيبدأ يسخن جدا .. ولو شغلت الكاميرا 4 دقائق بيسخن اكتر !! ده غير لو حاطه في الشاحن وبشتغل عليه بيسخن في اقل من ربع ساعة !!

6- اداء الكاميرا مش عاجبي نهائي .. حتي بعد التحديث مش ده اداء كاميرا 16 ميجا بكسل حتي مش 20 !!

7- نيجي بقي للروت .. ازاي اعمل روت وهو علي السوفتوير الجديد ده عشان جربت ومنفعش !!

[Mohaakotb]

محدش معاه ولا ايه ؟؟

[Mohaakotb]

يا جماعة الخير فينكم ؟؟

[daraghmeh]

5- بردو مع الشغل المستمر لمدة نص ساعة مثلا الجهاز بيبدأ يسخن جدا .. ولو شغلت الكاميرا 4 دقائق بيسخن اكتر !! ده غير لو حاطه في الشاحن وبشتغل عليه بيسخن في اقل من ربع ساعة !!
قم بتحديث الجهاز لاخر اصدار تنتهي مشكلة الحراره لانه تم علاجها باخر تحديث


6- اداء الكاميرا مش عاجبي نهائي .. حتي بعد التحديث مش ده اداء كاميرا 16 ميجا بكسل حتي مش 20 !!

اذهب الى الاعدادات الخاصه بالكمره واختار الخيار ( يدوي ) واختار منه 20MP


7- نيجي بقي للروت .. ازاي اعمل روت وهو علي السوفتوير الجديد ده عشان جربت ومنفعش !!

لا انصح به لانه يقلل من كفائة الجهاز ولا يتناسب مع ال Z1

[Mohaakotb]

المشاركة الأصلية كتبت بواسطة daraghmeh

5- بردو مع الشغل المستمر لمدة نص ساعة مثلا الجهاز بيبدأ يسخن جدا .. ولو شغلت الكاميرا 4 دقائق بيسخن اكتر !! ده غير لو حاطه في الشاحن وبشتغل عليه بيسخن في اقل من ربع ساعة !!
قم بتحديث الجهاز لاخر اصدار تنتهي مشكلة الحراره لانه تم علاجها باخر تحديث

انا محدث الجهاز بالفعل لأخر تحديث والحرارة موجوده !!

6- اداء الكاميرا مش عاجبي نهائي .. حتي بعد التحديث مش ده اداء كاميرا 16 ميجا بكسل حتي مش 20 !!

اذهب الى الاعدادات الخاصه بالكمره واختار الخيار ( يدوي ) واختار منه 20MP

بردو اليدوي اداءه مش كويس .. المفروض دي 20 ميجا بكسل انا مش حاسس بكده نهائي

7- نيجي بقي للروت .. ازاي اعمل روت وهو علي السوفتوير الجديد ده عشان جربت ومنفعش !!

لا انصح به لانه يقلل من كفائة الجهاز ولا يتناسب مع ال Z1

بس مفيد جدا الرووت

[daraghmeh]

الروت مفيد جدا اوافقك الراي لاكن انصحك بالانتظار حتى نهاية الشهر حيث سيصدر فيه ال os 4.3 وبه اغلب ما تحتاجه ولن يلزمك الروت بعد ذلك

الدمج الآلي للمشاركات المتعاقبة التي لم يكن بينها 24 ساعه --------- هذه المشاركة اضيفت في 01:17 AM ----------- المشاركة السابقة اضيفت في 01:16 AM ---------

بالنسبه لحرارة الجهاز ان استمرت بعد تحديثك للجهاز ولم تلاحظ تغير يلحظ فانصحك بمراجعة الوكيل واستبدال الهاتف على الضمان

[Mohaakotb]

موضوع تغيير الهاتف صعب لأن هيقولي مفبهاش مشاكل حرارة الجهاز ده العادي

[daraghmeh]

لا اخي لا يستطيع انكار ذلك لان الشركه ذات نفسها اعترفت بوجود هاذا الخلل في بعض الاجهزه

Gesendet von meinem C6903 mit Tapatalk

[Mohaakotb]

انا رحت فعلا ومغيروش الجهاز !! كان فيه موبايلات تاني ورهالي وهي بتسخن وقالي عادي موضوع السخونة !!

الدمج الآلي للمشاركات المتعاقبة التي لم يكن بينها 24 ساعه --------- هذه المشاركة اضيفت في 03:52 PM ----------- المشاركة السابقة اضيفت في 03:46 PM ---------

طيب بالنسبة للأسئلة التانيه !!
يا جماعة الكاميرا سيئة جدا جدا جدا حتي بعد التحديث[COLOR="Silver"]

[koko200]

الغي خاصية الاوتو في التصوير واستخد خاصية السينس سيليكشن

وبالنسبة للبطارية هتدك ادائها بعد 15 مرة شحن وتفريغ

الدمج الآلي للمشاركات المتعاقبة التي لم يكن بينها 24 ساعه --------- هذه المشاركة اضيفت في 06:58 PM ----------- المشاركة السابقة اضيفت في 06:19 PM ---------

خلي بالك اداء البطارية غير دقيق في خلال اول اسبوع لأن البطارية pro lion .. لازم تتشحن وتتفرغ اكتر من مرة

وحاول تقلل نسبة الاضائة 50 او 40 % لأن الشاشة full hd 1080 .. خمسة بوصة فا هتبقي سفاحة بطارية

وعلي فكرة كاميرة الجهاز جبارة بس بلاش تستخدم خاصية السوبر اوتو بتظهر الصور مشوشة استخدم خاصية السينس بتحدد نوع الحاجة الي بتصورها (ليلي - نهار - مستندات - اشخاص ) هتديك اداء رهيب
ولو في استفسارات انا موجود انا معايا z واخويا Z1

[mtomar]

بالنسبة للكاميرا غير الإعدادات الكاميرا إلى يدوي ثم حدد دقة التصوير إلى 20.7 ميغا لأن دقة الكاميرا على الأوتو أقل، بإمكانك تنزيل دليل المستخدم من هذا الرابط باللغة التي تريدها ومن ضمنها العربية :

Support documents - Sony Smartphones (Global UK English)

كما أرجو أن تكون المشاركات بلغة عربية رصينة بعيدا عن استعمال لهجات أو كلمات لا تليق بمستوى من يشترك بهذا المنتدى مع الاعتذار.

[Mohaakotb]

المشاركة الأصلية كتبت بواسطة koko200

الغي خاصية الاوتو في التصوير واستخد خاصية السينس سيليكشن

وبالنسبة للبطارية هتدك ادائها بعد 15 مرة شحن وتفريغ

الدمج الآلي للمشاركات المتعاقبة التي لم يكن بينها 24 ساعه --------- هذه المشاركة اضيفت في 06:58 PM ----------- المشاركة السابقة اضيفت في 06:19 PM ---------

خلي بالك اداء البطارية غير دقيق في خلال اول اسبوع لأن البطارية pro lion .. لازم تتشحن وتتفرغ اكتر من مرة

وحاول تقلل نسبة الاضائة 50 او 40 % لأن الشاشة full hd 1080 .. خمسة بوصة فا هتبقي سفاحة بطارية

وعلي فكرة كاميرة الجهاز جبارة بس بلاش تستخدم خاصية السوبر اوتو بتظهر الصور مشوشة استخدم خاصية السينس بتحدد نوع الحاجة الي بتصورها (ليلي - نهار - مستندات - اشخاص ) هتديك اداء رهيب
ولو في استفسارات انا موجود انا معايا z واخويا Z1

تيه هي خاصية ال سينس ؟ اللي موجود الsuperior auto اللي بيحدد اوتوماتيك وبيظبط تلقائي علي 8 ميجا بكسل و الmanual اللي بظبطه بنفسي ...
انا كده بالظبط مر علي تاريخ الشراء 8 ايام .. وشحنت الجهاز اكتر من مره
الاضاءة مقللها ل 0% اللي هي اقل حاجه في البار !! مش عارف لو خليتها 50 الموبايل هيقعد قد ايه

المشاركة الأصلية كتبت بواسطة mtomar

بالنسبة للكاميرا غير الإعدادات الكاميرا إلى يدوي ثم حدد دقة التصوير إلى 20.7 ميغا لأن دقة الكاميرا على الأوتو أقل، بإمكانك تنزيل دليل المستخدم من هذا الرابط باللغة التي تريدها ومن ضمنها العربية :

Support documents - Sony Smartphones (Global UK English)

كما أرجو أن تكون المشاركات بلغة عربية رصينة بعيدا عن استعمال لهجات أو كلمات لا تليق بمستوى من يشترك بهذا المنتدى مع الاعتذار.

بعتذر عن اللغة لو مضايقاكو
انا جربت اعدادات كتير فعلا ولسه الاداء مش كويس .. مش اداء كاميرا 20 ميجا بكسل !!

[Mohaakotb]

مافيش تجارب تانية للأعضاء الكرام ؟؟

[koko200]

طب ممكن تشرحلي بي الاستخدام المكثف الجهاز بيستمر معاك قد اية من نسبة 100 % حتي نسبة 10 %

كام مدة الي بيقعدها معاك

[Mohaakotb]

بالاستخدام المكثف ممكن من 100 % ل 10% في 4 ساعات !!

[koko200]

4 ساعات كدة يبقي في حاجة غلط

لأن انا معايا Z .. وبطارية 2300 امبير والاستخدام المكثف 6 ساعات .. ودة الطبيعي

والاستخدام العادي 8 ساعات وبيتشحن في نص ساعة يرجع من 20 لي 70 %

عمتا لو نزلت في يوم مدينة نصر قابلني ابصلك عالجهاز ممكن يكون في حاجة مختلفة معاك انا معايا Z واخويا Z1

والبطارية الي معاة جيدة جدا .. لكن ليست ممتازة ليست في قوة النوت لكن تساوي ال s4 بالظبط

الدمج الآلي للمشاركات المتعاقبة التي لم يكن بينها 24 ساعه --------- هذه المشاركة اضيفت في 11:32 PM ----------- المشاركة السابقة اضيفت في 11:23 PM ---------

The Sony Xperia Z1 battery tests are done, heres the score - GSMArena Blog

[Mohaakotb]

للأسف مبنزلش مدينة نصر خالص !!
بص هو في حاجه غريبة .. لما بشغل الوايفاي واشتغل عليه بيسحب قليل جداا انما لما اشغل الداتا بيبقي سفاح بطارية !!
انا مقلل الاضاءة ل أقل حاجه و اللوك كل 30 ثانية و الفيس بووك بعمل لوج اوت كل مره و قافل الاوتو سينك و قافل ال xreality و قافل الbackup وقافل ال nfc ... وبردو اداء البطارية مش عاجبني مش عارف في ايه!!

[mtomar]

بالنسبة للكاميرا والتصوير داخل المبنى، أنا جربت أن يكون الفلاش في وضع Torch وصراحة وجدت الصورة واضحة وغير باهتة عكس استخدام الفلاش تلقائي أو ON، جرب وخبرنا يا صاحب المشاركة

Sent from my C6903 using Tapatalk

[Mohaakotb]

جربت بس الاحسن يكون الفلاش علي الوضع التلقائي !!

[koko200]

بسم الله الرحمن الرحيم


اخي العزيز صاحب الهاتف .. بعد عمل بعض المراجعات والريفيوهات عالهاتف .. دي بعض النصائح البسيطة وياريت تقولي رأيك

الكاميرا :
رابط صورة كبيرة الحجم (498 kB)

حضرتك في خاصية ال Super Auto .. الي بتقوم لوحدها بتحديد ظروف الجو . او الاضائة .. الغيها ولا تستخدمها .. لأنها بتقلل الريزلوشن.. ولو حصل اهتزاز بسيط في ايد حضرتك بتديك معطيات واداء مختلف نهائي بيقلل من جودة الصور

وهنختار خاصية Normal

هتشغل خاصية HDR ... وهتخلي الفلاش Auto ..
وهتلاقي في مربع علي شكل EV+- .. دة بيحدد قوة الاضائة هوا المفروض علي 0 (النص )

حضرتك هتخلية -07 .. (هتقلل الاضائة درجتين )

ودة قدرة تصوير الهاتف بليل (سوني Z )

رابط صورة كبيرة الحجم (2027 kB)


بالنسبة للبطارية .. بعد عمل مراجعات واختبارات علي اكتر من هاتف

SONY Z - Z1 -HTC ONE - S4 -NOTE 2 -NOTE 3

كلهم اثبتو نتايج ثابتة وهيا كا الاتي

في حالة استخدام الهاتف بشكل مكثف (شات ودردشة وفيس بوك + يوتيوب ) بتكون النتيجة = 4-5 ساعات شغل متواصل


في حالة استخدام الهاتف بشكل مكثف ( شات ودردشة + يوتيوب + العاب ) بتكون النتيجة = 4 الي 4 ساعات ونصف شغل متواصل )


في حالة استخدام الهاتف WIFI ( شات ودردشة + يوتيوب + العاب ) بتكون النتيجة = 7 الي 9 ساعات شغل متواصل

خلاصة الكلام

بطارية بمساحة 3000 ملي امبير .. (كانت ) شئ عادي جدا في هاتف بحجم 5 بوصة بوجود بروسيسور 800 سناب دراجون الجديد .. وكاميرا 20 ميجا بكسل

بلغة المصرين .. لو ماتور بقوة 3 الاف سيسي .. وضع بداخل سيارة هيونداي اكيد هننتظر منو اداء جبار وقوة

لكن لو وضع داخل همر هيكون (مناسب جدا ) لحجم ووزن السيارة

نفس الموضوع هنا في الموبيلات

بالنسبة للسخونة (الهاتف مصنع بالكامل من الزجاج ) .. والزجاج عنصر ناقل للحرارة بشكل سريع

فا متخفش من الحرارة المرتفعة دي شئ عادي ومش هيقصر علي الجهاز

[Esho2409]

فيه حاجة كمان
أنا لسة شاري الجهاز وحسيت فيه إن ال WiFi بتاعه مش قوي بمعني إن أجهزة تانية استعملتها على نفس شبكة الوايفاي عندي كانت بتلقط إشارة أقوى منه .... أجهزة زي النوت 2 و HTC Sensation Xe و Ipad 4 ...
حسيت بنفس المشكلة ؟؟؟؟

[ashraf aaa]

لقد جذبني للجهاز ال 20.7 ميغا للكام ولكن صدقا وبعد التجربة الجهاز لم يعجبني ابدا لناحية مصروف البطارية وضعف التقاط الواي فاي وانخفاض صوته سواء من السبيكر او سمعات الاذن وحجمه المالغ فيه لجهاز خمسة انش والادهى انني وجدت ان التصوير فاشل حتى اني وضعت عدة صور على شاشة تلفاز 40 انش لاجد ان صور النوت 2 السابق بمعظمها افضل بمراحل من السوني

[nassuh dowaji]

اخواني الكرام الجهاز معي من شهرين وهوZ1 بالنسبة للسخونة لم الاحظها وخاصة بعد الاستخدام وبالاخص وقت شراءه حيث قضيت وقت كبير معه لمعرفة امكاناته اما بالنسبة للكمرة شغل اليدوي افضل علما بأنني اشتريته في السعودية يا اخوان الجهاز رائع واكثر من رائع يكفي ان منظره الرائع من الزجاج وقد وضعته في حوض ماء لمدة طويلة وهو شغال وقد ادهش اخواني اصبرو حيث الاصدار الجديد