نقاش اسعار الاجهزة الكفية في سوريا و الدعم الفني للشركات

[capt_mst]

لاحقا للنقاش الدائر في منتدى البيع و الشراء في هذا الموضوع لصاحبه المحترم Timon

http://www.ce4arab.com/vb7/showthread.php?t=205847

فقد تقاطعت الاراء لفتح موضوع خاص لنقاش الاسعار و الدعم الفني للاجهزة الكفية في السوق السورية

لا توجد شروط للكتابة في هذا الموضوع الا "الاحترام" و حطولي كام خط تحت كلمة احترام... فكل واحد يحترم نفسه و يحترم بقية الاعضاء ليستطيع ان يعبر عن رأيه بحرية و الا فسيتم تبليغ الادارة لاتخاذ الاجراءات المناسبة ضد المسيئين

[MAXDVB]

السلام عليكم ....

المهم أن يتم وضع معاير دقيقة ومراعة تناسب السوق مع القدرة الشرائية للمشتري في سوريا

[abo evan]

هي بعض المعايير والشروط الماعاة في المنتدى العام
طبعا بعد اذن السيد capt_mst

بسم الله الرحمن الرحيم

ان شاء الله رح يكون الموضوع مرجع شامل لجميع الاعضاء السوريين

اللي حابين يشترو اي جهاز موبايل من htc ,apple أو أي شركة تجهيزات الكترونية
وما الها وكيل رسمي ببلدنا الغالي سوريا .

ولرفع مستوى الموضوع رح نحط بعض الشروط والقواعد المراعاة في المنتدى العام

لاجل تسهيل عملية البيع والشراء باذن الله::::::



1- البيع والشراء مسئوليتك الشخصية ونامل الانتباه الى اساليب الاحتيال::::
(البيع والشراء مسئوليتك الشخصية ونامل الانتباه الى اساليب الاحتيال التي تصدر من البعض
لا تسلم مبلغك المالي او بضاعتك دون ضمانات والا فانت المسئول عن ذلك

تم الابلاغ عن محاولات احتيال سابقه لذا نود التاكيد على اننا لن نتدخل في اي مشكلة قد تقع للعميل باي حال من الاحوال .

كما اننا لا ننصح باستخدام ويسترن يونيون كخيار للدفع على الاطلاق
ننصح دائما باللتسليم والاستلام في نفس الوقت)) الكلام مقتبس من المدير العام ce4arabللمنتدى.







2- في حالة عرض جهاز جوال للبيع ::::

[وضع] اسم صاحب الجهاز كاملا
[وضع] طراز الجوال في العنوان
[وضع] بلد صاحب الجهاز و منطقته
[وضع] مدة الإستخدام ان كان مستخدم
[وضع] نوع الجهاز ( NOKIA ، LG ، Sony Ericsson ، Htc .Apple I phone. )
[وضع] موديل الجهاز ( W800i ، KE800 ، N82 ، E65 , 5800 ، 3gs.. )
[وضع] لغة الجهاز ( عربي ، انجليزي ، صيني ، ... )
[وضع] تفاصيل وعيوب الجوال إن وجد .
[وضع] نوع الضمان ( i2 ، اكسيوم تلكوم ، الحداد ، مشاعل الخليج , موبايلي )
[وضع]هل الجهاز مفتوح رسمي او لا للآي فون
[وضع]السعر المطلوب أو بداية للمزاد .
[يفضل]وضع صور للجوال المستخدم
[يفضل]وضع السومة ان كان مسيوم من خارج المنتدى
[يفضل]وضع سبب البيع للجوال المستخدم

في حالة عرض جهاز كمبيوتر للبيع :
[وضع] اسم صاحب الجهاز كاملا
[وضع] طراز الجهاز في العنوان
[وضع] بلد صاحب الجهاز و منطقته
[وضع] مدة الإستخدام .ان كان مستخدم
[وضع] نوع الجهاز ( Dell , hp , Toshiba , acer , Apple , Asus ، ... )
[وضع] موديل الجهاز ( E400 , MacBook , 1545 , l300، ... )
[وضع] لغة الجهاز ( عربي ، انجليزي ، صيني ، ... )
[وضع] تفاصيل وعيوب الجهاز إن وجد .
[وضع] نوع الضمان ومدته .
[وضع] النظام الأصلي ( يوجد ونوعه - لايوجد )
[وضع] السعر المطلوب أو بداية للمزاد .
[يفضل]وضع صور للجهاز المستخدم
[يفضل]وضع السومة ان كان مسيوم من خارج المنتدى
[يفضل]وضع سبب البيع للجهاز المستخدم

في حالة عرض اجهزة اخرى او ادوات للبيع :

[وضع] اسم صاحب السلعة كاملا
[وضع] طراز السلعة في العنوان
[وضع] بلد صاحب السلعة و منطقته
[وضع] مدة الإستخدام .ان كانت مستخدمة
[وضع] نوع السلعة
[وضع] موديل السلعة إن وجد
[وضع] صناعة السلعة ( ياباني , كوري , صيني , ايطالي .. )
[وضع] تفاصيل وعيوب السلعة إن وجد .
[وضع] نوع الضمان ومدته إن وجد
[وضع] مدة الإستخدام إن كانت مستخدمة
[وضع] السعر المطلوب أو بداية للمزاد .
[يفضل]وضع صور للسلعة المستخدمة
[يفضل]وضع السومة ان كانت السلعة مسيومه من خارج المنتدى
[يفضل]وضع سبب البيع للسلعة المستخدمة
والشكر موصول للعضو : ابو ليان : في الموضوع المثبت







3-لا تبع ما لا تملك::::::
لاحظت أن بعض الإخوة يطلبون حجز الأجهزة بدفع مبلغ مقدم قبل شرائها من قبلهم وامتلاكها

وهذا من البيع المحرم الذي نهى عنه الاسلام

ولا يدخل في بيع العربون الذي اجازه جمع من العلماء لانه بيع واخذ عربون على ما لا تملك


والصورة الجائزة

أن يقوم المشتري بتوكيل الشاري بشراء السلعة واعطائه عمولة على ذلك

ويمكن اعطائه جزء من المبلغ مقدما للتيسير عليه في الشراء (وليس على سبيل العربون أو الحجز ) او اعطائه العمولة المتفق عليها

بشرط ان يقوم البائع باعلام المشتري بكافة تفاصيل وتكاليف الشراء فهو مؤتمن وموكل في هذه الحالة


أو ان يقوم البائع بشراء السلعة أولا ومن ثم أخذ العربون عليها أوبيعها بعد ذلك


وعلى هذا يمنع البيع بالصورة المحرمة التي اشرت لها وسوف يتم حذف المواضيع التي تبيع بهذه الطريقة

بالتوفيق للجميع

والشكر موصول لصاحب الموضوع المثبت المشرف MK

وفي الختام هذه دعوة للبائعين السوريين اللي بحبو يعرضو الأجهزة الفية و أجهزة الترفيه الشخصي برجاء مراعاة الشروط السابقة الذكر
و وضع ارقام للاستفسار الشخصي وعناوين الصالات مع صور للعروض للأجهزة الجديدة و المستعملة.




تقبلو مروري أخوتي الاعضاء الأعزاء

وخير ختام السلام عليكم ورحمة الله وبركاته أخوكم في الله ::: أبو ايفان ::::

وكل عام وأنت بخير بكرا العيد الجمعة

[MAXDVB]

أخي الحبيب abo evan بدي اسئلك شورأيك بجهاز HD2 من واقع التجربة وهل صحيح أنه لا يدعم ويندوز فون 7

[abo evan]

المشاركة الأصلية كتبت بواسطة MAXDVB

أخي الحبيب abo evan بدي اسئلك شورأيك بجهاز HD2 من واقع التجربة وهل صحيح أنه لا يدعم ويندوز فون 7

والله يا حبيب الجهاز قمة في الروعة والرقي
صارلو معي 5 أشهر ولله الحمدزي الفل

شغال عندي رووم ميري وشغال الاندريود برامج وألعاب ولا أحلى

وبخصوص ال ويندوز فون 7 لسه بكير عالحكي
بس ما اتوقع يصعب عالهكرز الروس (أخوالي)

لأنو تمكنو من تشغيل الابونتو عليه اللي هو مخصص للكمبيوترات العادية

ومؤخرا شغلو الوبندوز سفن أيضا صدق أو لا تصدق ورح حاول جبلك المواضيع الخاصة بالكلام السابق الذكر

الجهاز الخلاصة نصيحة عن جد وسعروالجديد مغري جدا


و أي خدمة انا جاهز بس تشتري الموبايل ان شا الله

[capt_mst]

ابو ايفان الحبيب привет


الرجاء الالتزام بالعنوان و هو الاسعار و الدعم الفني

спасибо

نقلولنا الموضوع لهون علما ان قضيتنا ليس قضية بيع و شراء فقط

تمت مراسلة الادارة و قد اعتمدو منتدى التسوق عبر الانترنت نمكانا لموضوعنا

اشكر الادارة على سرعة تجاوبها. ما شاء الله عليهم

اي تاجر بيشوف قدامو خاروف لح يخورفو لذلك الواحد ما لازم يكون خاروف الا بمزاجو

هلق يا شباب ما كل واحد قادر يوصي على جهازو او يشتريه من برا يعني حتى لو كان عندنا قرايبين بالخارج ما فينا نمون عالكل يدفعولنا حق جهاز ما فتح و رزق و نلبكهون بطريقة شحنه عالبلد. وبعدين اذا اتعطل الجهاز تعارلبك حالك بارجاعه و بناء على ذلك تبقى طريقة الشراء من التاجر مطروحة بقوة و السؤال ما هي النسبة المئوية للربح و التي قد نعتبرها معقولة

برايي

10% قليلة على راس المال و المخاطرة بالشحن و ادخال الاجهزة عالبلد و اهم شي المخاطرة بامكانية نزول الاسعار بدون حسبان
20% معقولة و قليلة شوي يعني بياعين الالبسة ما بيرضو بهيك نسبة ربح الا في وقت الاوكازيون
30% معقولة لكنها مرتفعة قليلا قد اقبلها في حال كان الجهاز نادر او اول نزوله بالسوق
40% و ما فوق... كتير و حرام

[MAXDVB]

مشكور أخي الحبيب abo evan على التفاصيل بشأن HD2

بالنسبة لأخي capt_mst فأنا برأي أن الربح المعقول 25 بالمئة الى 30 بالمئة والله العظيم في مرة شفت جهاز سوني اركسون في أحد المحلات بسعر وكان في محل أخر بسعر أخر مختلف بشكل كلي وكان أنقص من الأول بي 4500 ليرة يعني هذا فرق منيح جدا...

[capt_mst]

زميلنا العزيز sared ادعوك للمشاركة فرأيك يهمني شخصيا... فضلا لا امرا

[abo evan]

المشاركة الأصلية كتبت بواسطة capt_mst

ابو ايفان الحبيب привет


الرجاء الالتزام بالعنوان و هو الاسعار و الدعم الفني

спасибо

نقلولنا الموضوع لهون علما ان قضيتنا ليس قضية بيع و شراء فقط

تمت مراسلة الادارة و قد اعتمدو منتدى التسوق عبر الانترنت نمكانا لموضوعنا

اشكر الادارة على سرعة تجاوبها. ما شاء الله عليهم

اي تاجر بيشوف قدامو خاروف لح يخورفو لذلك الواحد ما لازم يكون خاروف الا بمزاجو

هلق يا شباب ما كل واحد قادر يوصي على جهازو او يشتريه من برا يعني حتى لو كان عندنا قرايبين بالخارج ما فينا نمون عالكل يدفعولنا حق جهاز ما فتح و رزق و نلبكهون بطريقة شحنه عالبلد. وبعدين اذا اتعطل الجهاز تعارلبك حالك بارجاعه و بناء على ذلك تبقى طريقة الشراء من التاجر مطروحة بقوة و السؤال ما هي النسبة المئوية للربح و التي قد نعتبرها معقولة

برايي

10% قليلة على راس المال و المخاطرة بالشحن و ادخال الاجهزة عالبلد و اهم شي المخاطرة بامكانية نزول الاسعار بدون حسبان
20% معقولة و قليلة شوي يعني بياعين الالبسة ما بيرضو بهيك نسبة ربح الا في وقت الاوكازيون
30% معقولة لكنها مرتفعة قليلا قد اقبلها في حال كان الجهاز نادر او اول نزوله بالسوق
40% و ما فوق... كتير و حرام

بريفيت أخوي كاك ديللا ؟

أنا أسف شردت عن الموضوع الاسااسي وما اانتبهت أنو الخ اللي سال عن الأسد سئل عنو
بموضوع الاسعار
بس كمان ما فينا ننطشو مو هيك
لانو التطنيش ما حلو

وأنا ردي ممكن يندرج تحت بند الدعم الفني ولا شو رأيك
لما يسأل أحد الأعضاء عن جهاز وراي عضو أخر به بعد اقتنائه وتجربته
أفلا يتوجب الرد احتارما له وتبادلا للخبرات
اللي هي الفكرة القائم عليها هذا المنتدى الرائع بكل معنى الكلمة

وبالنسبة للخورفة هي حقيقة وقع فيها
تقريبا كل شب أو صبية سوررين حبو يشترو من اي محل أو مول
شوف شو ياللي عم بيصير من نصب بالستي سنتر والدامسكينو
وانا تخورفة بالأبيود بمعرفتي ورضائي لأني ما نطرت لحتى ينزل بالسوق ويرخص سعره
صحيح ما حا لحا ماحا بيحب حا متل ما قال الأستاذ الكبير أسعد خرشوف

[capt_mst]

اسعد خرشوف قرايبي. ههه

يا خي لما بيجي ببالي جهاز بحطو براسي لحتى اشتريه. ان معي حقو اشتريتو و ان ما معي حقو بيضل براسي ليصير معي

ان صارلي اشتريه من برا بيكون منيح بس رح اخسر الدعم الفني عالاقل ضد الاخطاء المصنعية و مانها قليلة

والا لح اشتريه من الشام صحيح خسران فرنكين و لكن في حدا انفش فيه اذا خرب الجهاز لانو الدعم الفني اللي عندنا ضعيف بس فشة خلق

بعدين في نقطة مهمة اسعار الاجهزة الكفية غالية بطبيعتها ما في جهاز بيحترم حالو تحت ال 500 دولار فشو المشكلة اذا ادفعت 600 و اجا الجهاز لعندي شبه مكفول و بدون اكل هم الطلب من الخارج و مصاريف و مخاطر الشحن

يعني عدم المؤاخذة عمالعب دور الخاروف بمزاجي و اللي معو شو بيمنعو

اخيرا ادعو اعضاء المنتدى الذين يمارسون بيع الاجهزة الكفية ليحدثونا عن الكفالاات

[abo evan]

المشاركة الأصلية كتبت بواسطة capt_mst

اسعد خرشوف قرايبي. ههه

يا خي لما بيجي ببالي جهاز بحطو براسي لحتى اشتريه. ان معي حقو اشتريتو و ان ما معي حقو بيضل براسي ليصير معي

ان صارلي اشتريه من برا بيكون منيح بس رح اخسر الدعم الفني عالاقل ضد الاخطاء المصنعية و مانها قليلة

والا لح اشتريه من الشام صحيح خسران فرنكين و لكن في حدا انفش فيه اذا خرب الجهاز لانو الدعم الفني اللي عندنا ضعيف بس فشة خلق

بعدين في نقطة مهمة اسعار الاجهزة الكفية غالية بطبيعتها ما في جهاز بيحترم حالو تحت ال 500 دولار فشو المشكلة اذا ادفعت 600 و اجا الجهاز لعندي شبه مكفول و بدون اكل هم الطلب من الخارج و مصاريف و مخاطر الشحن

يعني عدم المؤاخذة عمالعب دور الخاروف بمزاجي و اللي معو شو بيمنعو

اخيرا ادعو اعضاء المنتدى الذين يمارسون بيع الاجهزة الكفية ليحدثونا عن الكفالاات

مزبوط كلامك أخي

[mr.dj]

أحلى الأسعار لدى محل غولدن لاين
HD2 T-MOBILE + MICRO SD 16 GB ::: 23500
IPHONE 4 16 GB ::: 47000
IPHONE 4 32 GB ::: 54000
للإستفسار حصراً
0114433446
0944300203 أبو وائل

[abo evan]

المشاركة الأصلية كتبت بواسطة mr.dj

أحلى الأسعار لدى محل غولدن لاين
HD2 T-MOBILE + MICRO SD 16 GB ::: 23500
IPHONE 4 16 GB ::: 47000
IPHONE 4 32 GB ::: 54000
للإستفسار حصراً
0114433446
0944300203 أبو وائل

شكرا لك مستر دي جي وخصوصا على سعر
الأسد الله يرحم لما كنا 47 ألف

[waildgh]

مساء الخير و كلعام وانتوا بخير خص نص العزيزcapt_mst

عندي طلب بسيط من الاعضاء يلي بدها اجهزة :
1-وقت بدك جهاز جديد بتحط ببالك هالجهاز مقفول ولا مفتوح ؟مختوم ولا لاء ؟

2-بتقول ياترى اذا في فرق 4000 ليرة بين محل و محل انو يمكن يكون في شي غلط بالموضوع ؟

3-وقت بتشتري الجهاز من محل بيهمك تشتري مع الجهاز كفالة ؟!!
المقصود انو يمكن المحل يخيرك بزيادة 2000 او 3000 اليرة
زيادة مقابل كفالة هارد وير +سوفت وير وبيعطيك ورقة كفالة
ياترى بتصدق ولا بتكذبو؟

4-اذا لقيت محل ارخص من محل بأكثر من 4000 ليرة وبعد الشراء
أكتشفت انو هالجهاز طلع مغششوش لأي سبب كان شو بتعمل ؟وياترى شو لح يطلع بإيدك وقتها ؟

5- المحل يلي لح تشتري منو ليوم وتطلع متخورف شوي +مبسوط من عنده من الخدمات و المعاملة
برايك الجهاز يلي بعدو لح يكون من عند مين ؟نفس المحل ولا غيره ؟

بالمناسبة آخر يوم بعت فيه ايفون 4كان مبارح و بسعر 53500 ليرة
ويللي بدو لبعد العيد بسعر جديد
اجهزتي بتجي مغلفة +مفكوك نظامي من الشركة+ تنزيل برامج بشكل مجاني عالجهاز ايمت ماحبيت

سعري غالي بس الحمدلله الاقبال كان رهيب قبل العيد طبعاً واكيد خارج المنتدى


بالأخير البيع عبارة عن عرض وطلب وإذا ماعجبك سعر اي شخص بكل بساطة بدير ظهرك وبتمشي
وهوة صاحب المال يسطفل منو لحالو

خارج الموضوع "من فترة انكمش مع محل بضاعه بأكثر من مليونين ممنوعه(اجهزة موبايل GPSفيها )الضريبة 7مليون غرامة "

اختصاراً لكلام كثير الأعضاء(ماعم خص حدا وكل واحد بيعرف حالوا ) انا ماعندي محل و بيع للمعارف و المحلات

تصبحون على خير

[saswkey]

اخ وليد موجود عندك Invisible Shield ل X10 وشكرا

[donamadio]

سؤال الايبود الجديد نزل شي ؟

اديش سعر 64 غيغا ؟

[abo evan]

المشاركة الأصلية كتبت بواسطة donamadio

سؤال الايبود الجديد نزل شي ؟

اديش سعر 64 غيغا ؟

THE SAME QUESTION PRICE OFF 8 32 64 GIGA VERSION???

[i-_-mate]

السلام عليكم
عندي جهاز جاس جام ناوي بيعه اذا بيجبلي سعر مقبول
الجهاز اشتريته جديد منذ 3 سنوات تقريبا ومشاكله هي : زر البور وزر بجانبه (غير هام) لا يعملان لكن زر الريستارت يعمل ك زر بور أيضا وفيه مشكلة انه وصلة الكمبيوتر للجهاز تعمل بكفاءة عالية لكن الشاحن خرب واشتريت شاحن جديد من ناثا ولكن وصلة الشاحن لا تعمل الا ب تحريك الوصلة وهذا صعب جدا !! مع ان وصلة الكمبيوتر تعمل بدون اية مشاكل وما تبقى يعمل بكفاءة عالية وبدون أية مشاكل.
صور ل جهازي في المرفقات طبعا فيه شوية خدوش
انا موجود أحيانا بالشام و بحماة وطبعا بخصوص المعلومات عني انا اذا حدي بدوا يشتري رح يصير الشراء وجه لوجه وبعد فحص الجهاز للتواصل معي itsright (at) hotmail.co.uk
وممكن خدمة حدي بيعرف محل تصليح لل i-mate او htc يكون كويس ؟

[knocker]

السلام عليكم

انا اريد جهاز samsung galaxy s الرجاء ممن يملك الجهاز اعطائي معلومات عن سعره وانا جاهز للشراء

[abo evan]

المشاركة الأصلية كتبت بواسطة knocker

السلام عليكم

انا اريد جهاز samsung galaxy s الرجاء ممن يملك الجهاز اعطائي معلومات عن سعره وانا جاهز للشراء

أخي سعر الجهاز بين 25 و 30 ألف ليرة سورية
بس لازم تنتبه من مشكلة شاشة الموت

[capt_mst]

المشاركة الأصلية كتبت بواسطة abo evan

أخي سعر الجهاز بين 25 و 30 ألف ليرة سورية
بس لازم تنتبه من مشكلة شاشة الموت

بل اكثر بقليل اخوي ابو ايفان

اخر مرة سألت وائل عن سعرو قالي 34 الف

بجميع الاحوال انصح السائل ان يتصل بوائل و يسأله مباشرة و انا متأكد ان وائل سيتأكد من موضوع الدونلود مود قبل التسليم

[Elite86]

المشاركة الأصلية كتبت بواسطة abo evan

أخي سعر الجهاز بين 25 و 30 ألف ليرة سورية
بس لازم تنتبه من مشكلة شاشة الموت

أخي هالسعر وين موجود إذا سمحت
لأني سعر مقبول .

[waildgh]

المشاركة الأصلية كتبت بواسطة saswkey

اخ وليد موجود عندك Invisible Shield ل X10 وشكرا

اذا بدك عالتوصاية وسعرها بحدود ال 2200 ليرة لكامل الجهاز

[capt_mst]

وائل الغالي بلاقي عندك روتر وايرلس عالثري جي متل mifi 2352 او اذا في احسن

[capt_mst]

اخذت الصورة اليوم من ساعة واحدة فقط في السوق الحرة بمرفأ اللاذقية و الصورة تتكلم عن نفسها