انطباعي عن النوت 4 وايش اللي ماعجبني فيه

[مدريدي اندرويدي]

السلام عليكم ورحمه الله وبركاته
خاص بموقع الكمبيوتر الكفي :

[IMG][/IMG]

اليوم زرت معرض سامسونج للاكترونيات في الكويت ولقيت النوت 4 معروض لكن غير متوفر للبيع الا في تاريخ 17 اكتوبر

عالعموم جربت الجهاز وكان استخدامه تجربه لاتوصف ولكن يعيبه بعض النقاط المهمه التي ربما تحل لاحقا

1. التطبيق ياخذ ثواني لغايه مايفتح وهذا ربما يضايق بعض الناس وهذا بالطبع ليس كل شيء !!
   
   
2. المفاجاه الكبرى اني جربت اشغل برنامج اليتويب وجربت ادخل مقطع 4k ولكن ماذا ؟ الجهاز يدعم 720p كحد اقصى للوضوح وهذا من المفترض يشغل 1080p واعلى !!
   
   
3. الرام نعم الرام 3 جيجا هذا بلا شك شيء كبير ولكن الجهاز يستهلك الرام مثل الماء واعتقد السبب واضح وهو برامج سامسونج التي لايستفيد منها المستهلك كثيرا وتستهلك الرامات بشكل ملحوظ
   
   
4. وطبعآ سالت موظف سامسونج عن النسخه اللي راح تتوفر قال نسخه السناب دراجون فقط وهذا يعني انك غير مخير بين المعالجين

عالعموم اتمنى ان يصدر الجهاز في موعده المحدد وان ارى نسخه اخرى غير عن التي شفتها لان الصراحه كان فاشل في فتح التطبيقات وكنت اواجه لاق خفيف عند الخروج من التطبيق وكان الفيديو مايشتغل بوضوحه الكامل 2k !!

[RRR1]

بالنسبة لليوتيوب بالنوت 3 و 4 كلهم الحين 720p وماندري شالسبب
وعلى شان اتجرب وضوح الجهاز لازم تنقل ملف معتمد بالنسبة لك عن طريق البلوتوث لأن الأجهزة بالمعارض قافلينها ماتقدر اتدخل الكرت
والنسبة للنسخ سناب دراغن او غيرة ماايبين ابد بالكرتون مالك شغل من كلامهم
الشي العجيب بالنوت 4 وفية فيديو تست بعد شفتة ونوعن ما ماصدقت اله يوم جربت النوت 4 انه الصوت فية اقوى من النوت 3 وحتى واهو مكانة ابخلف الجهاز
القلم جربتة صج عجييب ودقتة احسن من قبل تستانس لمن تستعملة
يكفى انه الكامرة الحين تقدر اتصور 2ك و 4ك يعني بالنوت 3 اتصور 4ك واتشوف 1ك والحين اتصور 2ك واتشوف 2ك
وراح ايبين الجهاز بعد الآستعمال عطة شهر بس واييك تقرير كامل
بس في شي محيرني حيل
قبل لا ابيع جهازي النوت 2 (استعمال سنة) كان للون الأبيض بالشاشة اتقول جنه برادو ابيض استعمال 5 سنين باهت والحين يوم ييت اسوي مقارنة بين النوت 3 و 4 لقيت جهازي جنه اللون الأبيض باهت فاااااا شكيت بالموضوع السؤال الحين هل شاشة النوت بعد الأستعمال اتقل جودتها

Samsung Galaxy Note 4 Speaker Test vs Note 3 - YouTube

شوف اختبار الصوت

[sameeh82]

مشكور جدا على مشاركتنا تجربتك و فعلا استهلاك الرام غريب
و مشكلة عدم تشغيل الفيدو بدقة اعلى من 720 ايضا قضية اخرى

[black imp]

اليوتيب مع التحديث راح يدعم مثل إلجي جي 3 الان يدعم 2 كي اول مانزل ماكان يدعم
وشكرا لك

[ابوعداي]

أتوقع لو تدخل اليوتيوب عن طريق المتصفح ممكن تشوفه با 1080

[whitespirit]

أظن أن النوت 3 أفضل منه بمراحل

[obotalal]

انا اقول ان مافيه داعي للتحول وخصوصا للذي يملك نوت 3
لانه روعه ومافيه ذيك التطورات التي تدعو للانتقال الي نوت 4 وخصوصا ان نوو 3 اخف من نوت 4.
نوت 3 نقله نوعيه في اجهزة السامسون النوت
تحياتي

[motorola xoom 1]

مشكله الفيديو باليوتيوب ما الها حل على كل الاجهزه اقصى حد 720 بس من المتصفح تقدر تشوفه بأي دقه

[Vijuaru ADdict]

1080 شغال عندي نوت 3 n9000

[جويل الشرقيه]

مشكور اخوي على الايضاح

[Murtezah]

حبيت اوضح شغلتين بخصوص اليوتيوب والرام وتطبيقات سامسونج

من ناحية اليوتيوب هذا شي من التطبيق نفسه حق الجهاز ،، جرب مثل ماقال اخوي RRR1 تنقل ملف عن طريق كيبل او اي شي وراح تلقاه يشغله

الرام وهي اللي اغلب مستخدمين الاندرويد بشكل عام يشتكون منها .. يوجد من ضمن خيارات المطورين في كل جهاز خيارات للتحكم باستهلاك الرام من حيث عدد البروسسات في الخلفية وعدد التطبيقات المفتوحة في الخلفية

وان كان هذا الشي بسبب تطبيقات سامسونج تقدر تحذف اي برنامج من خلال الروت واذا مو حاب الروت تقدر تسوي تعطيل للبرنامج وراح يختفي من الجهاز ولا يشتغل مرة ثانية ( مجرد تعطيل ، البرامج الاساسية لايمكن ازالتها من غير روت )

و ايضا اخي الكريم كل الشاشات في العالم حتى التلفزيونات لها عمر افتراضي معين شي طبيعي بعد فترة زي هذي تقل الجودة ولو كانت بشكل غير ملحوظ هذا اذا ماتوقفت عن العمل. كلها كهرباء وشي طبيعي انها ماراح تدوم

الجهاز صراحة جربته في viva استخدام خفيف وواضح انه حلو وجهاز جبار ومن اقوى الاجهزة اللي نزلت

ولكن بما اني املك نوت ٣ ما اشوف ان الجهاز يستاهل الانتقال اليه

تحياتي

[srmada]

ولا تنسى اخي النسخه الي جربت تستخدمه هي نسخه demo للعرض فقط

[smsm909]

كله بيتعدل مع الوقت