كفايه كده عليكي يا سامسونج

[crazydeepman]

بعد التحديث الجديد للنوت 4 5.1.1
اقول لكي يا سامسونج خاصه و يا اندرويد عامه :

لا شفت فيكى هنا
ولا شفت فيكى ترف
كل اللى فيكى قرف
كرامتنا متهانة
والتحديث بإهانة
بتسوقلنا ليه لما انتى كارهانا

انا اظن اني من اوئل من اشترى النوت 4 في مصر ( النسخه ال C عاليه الاداء طبعا ) لدرجه اني اشتريته ابيض لعدم توفر اللون الاسود
كان على نظام الكيت كات و كان الاداء لحد ما كويس و البطاريه ممتازه ثم ....
حدثت وسط الجحافل بكل فرحه للولي بوب و هوب سقطت التوته
اداء متواضع ... بطاريه سافله ... بطئ ولا اسوء
وظهر النور الساطع ال 5.1.1
وطبعا اتعلمت من المره الاولانيه و قولت اشوف انطباع الناس حول العالم
تقدم و تغير ملحوظ نعم ....
ضيف على ذلك كل شويه مشاكل مع البلاي ستور و يزعل ويتقمص وارجع ازيل الداتا و الكاش و شويه وتقمص تاني !!!
مشكله الكارت المعروفه ان كل شويه تظهرلي رساله ان كارت الذاكره حد شاله و كده غلط خلي بالك
نفسي يتوصلوا للذكاء الاصطناعي عشان احلف للموبايل اني ملمستش الكارت يمكن يصدقني
الاف و الاف المزايا في الجهاز تيجي تفكر :
بتحتاج منهم ايه ؟؟
ولا حاجه اصلا ... مش اكتر من شاشه واسعه وقلم
ليه كده ؟؟؟؟
تحديثات سريعه
ماسح بصمه سريع و مضبوط
اداء سلس
بطاريه تستمر لوقت طويل رغم سعتها العاليه
جهاز سعره رخيص
دعم لل 64bit زي ما عشمتونا
طب ايه ؟؟؟
اخدت منك ايه غير كاميرا حلوه وقلم ؟
يافرحتي بالقلم و القلم اللي نزل على وشي من سامسونج
لأ و الانكت انهم بينزلوا اجهزه و بيعتبروها فلاج شيب
طب بالنسبه للنوت 4 اللي معايا ده ايه ؟ ابن غير شرعي ؟
يعني تهتموا بالفئه S و النوت تدولوه ضهركم ؟
2 نوت في سنه واحده ؟
ده انا حتى من غلبي فكرت ارجع تاني لحبيبي ال MIUI Rom لقتهم بيقولولي انسى ياعمرو البورده بتاعه النوت 4 مينفعش نعملها روم و عيش باه هههههه
على النقيض باه شوفوا الايفون
دعم لجميع اجهزتها اللي هما اصلا نوعين بس Iphone و Ipad في التحديثات يعني بيعترفوا بابنائهم
مش بيعتبروها غلطه و بيخلفوا موبيلات وارميي ياجدع للمستهلك ايكش يولع
جهاز محترم مميزاته و امكانياته بجانب الاندرويد او النوت بالتحديد قليله لكن لما تفكر بشكل عملي حتلاقي انك فعلا مش حتحتاج غير دول وبس مش بيملوا الجهاز و الروم مميزات وهميه انت مش حاجه ليها وبالتالي بتيجي على حساب سلاسه و اداء النظام
ده طبعا غير انك مش كل شويه تسوي روم لان الجهاز بقى بعافيه ومحتاج روم جديد
الخلاصه.. ديه تجربتي و انا حرمت و المره الجايه ان شاء الله اغير البلاستيكه اللي اسمها النوت 4 حتحول للايفون ونظامه واشتري راحه بالي وارتاح من حرق الدم اللي انا فيه
سيديا او جيلبريك او ايتيونز او زي ما بيقولوا معقد مش مهم و برضوا ارحم من الاندرويد و قرفه ككل
و ده مش دعايه للايفون لان فعلا ديه تجربتي و اقتناعي

[mshare.]

وليش معصب حول على الايفون
مو لازم تجبر غيرك انه لابد من التحويل

بعدين موضوعك مخالف

[أبو الجود حلب]

المشاركة الأصلية كتبت بواسطة mshare.

وليش معصب حول على الايفون
مو لازم تجبر غيرك انه لابد من التحويل

بعدين موضوعك مخالف

فين الإجبار , رأيه وحر فيه طالما لم يسيء فيه لأحد

[crazydeepman]

المشاركة الأصلية كتبت بواسطة mshare.

وليش معصب حول على الايفون
مو لازم تجبر غيرك انه لابد من التحويل

بعدين موضوعك مخالف

مخالف لمين ولايه بالتحديد ؟
ده رأيي و انا حر فيه طالما لم اسئ لاحد
تكرم على مرورك

الدمج الآلي للمشاركات المتعاقبة التي لم يكن بينها 24 ساعه --------- هذه المشاركة اضيفت في 01:35 AM ----------- المشاركة السابقة اضيفت في 01:34 AM ---------

المشاركة الأصلية كتبت بواسطة insan.waq3y

بالتوفيق عزيزي

ريح نفسك وخذ لك ايفون وبيع الجالكسي

مايحتاج كل هذه المعاناة الحل بسيط

مبروك الجهاز الجديد مقدماً

الله يبارك لك
المشكله اني مقدرش اغيره الان فا حضطر استنى شوي