طاح مني النكسس ون و انكسرت الشاشه

[polaris777]

السلام عليكم

قدر الله علي و طاح مني النكسس وعلى وجهه ومابغى له شي الشاشة الخارجيه touch panel و الشاشة الداخليه digitizer كلها انكسرت وطبعا بمان اني ساكن في الرياض فمالقيت قطع غيار للجهاز حتى عند htc
و الحلول اللي فكرت فيها

الحل الاول اني استبدل القطع بقطع جهاز ثاني مثل الشاشة الداخليه سمعت انها مثل desire htc والشاشة ا لخارجيه قريت في منتدى اجنبي انها مثل حقت amnia2 اللي يقدر ياكد لي المعلومه او يفيدني بشي ثاني جزاه الله خير

الحل الثاني اني اطلب القطع من برا ولقيتها في ebay تقريبا بسعر 180 دولار للقطعتين بس خفت انها مب اصليه وبعدين اخاف توصل لي مكسوره ومحد بيضمنها فاللي يقدر يفيدني بموقع يبيع قطع اصليه وباسعار حلوه ولا هل فيه اساسا قطع مقلده للنكسس عشان الواحد ياخذ حذره

الحل الثالث اني ارسل الجهاز ل htc وهذا راح يكلفني شحن رايح جاي غير اسعارهم الغاليه وفيه موقع ثاني يصلحها اللي هو drcellphone وطبعا ارخص من htc بس يظل غالي

ياليت اللي يقدر يفيدني بطريقه الاقي فيها القطع باسعار معقوله لانه في احسن الاحوال راح اصلحها بنص قيمة الجهاز

اني هلب بليز

[khalid.a.f]

شوف هذا الموقع

http://www.lunacommerce.com/154-nexus-one

[salghith]

يا عمري أنتم الله يكون بعونكم

بصراحة فيه محل همسات بالمرسلات

هذا الشخص مبدع و ما يقول لا أبد يحاول يحل المشاكل باي شكل

أتوقع انه ممكن يساعدكم و لو انه يتصل بالخارج و يوفر لكم القطع

[abu-jana]

المشاركة الأصلية كتبت بواسطة khalid.a.f

شوف هذا الموقع

http://www.lunacommerce.com/154-nexus-one

موقع معقد جدا سجلت فيه ولا ععرفت اتعامل معاه , حتى اسعار القطع ماتدري وينها الصراحة ما اثق في هذا الموقع

[العداني]

أنصحك تشتريها من برى
شوف اللي تبيها وحاول تقرأ المكتوب وبعدين اطلبها ، ويمكنني مساعدتك بطلبها
وإن شاء الله توصل سليمة وهو الغالب

الأمر الآخر: راسل جوجل بالمشكلة وأخبرهم بعدم توفر قطعة واطلب منهم عنوان موزع لهم حتى تقدر تطلب منه

[polaris777]

المشاركة الأصلية كتبت بواسطة الفيتو1

اخوي رحت لشركة ناسا اللي في المرسلات؟؟

انا عندي السماعة ايضا اختربت ولا حصلت القطع
وزر التشغيل ايضا ضيعه المهندس

اليوم ابي اروح لشركة ناسا واشوف

على العموم اذا ما حصلت الشاشة بيع الجهاز تشليح .....الله يعينك على الخسارة

انا اول زبون ابي السماعة وزر التشغيل
ويمكن بعد البطارية
راسلني على al_gannase ات هتميل برقم جوالك نتقابل اليوم بالمرسلات ونروح للصيانه سوا ونشوف نهايتها

الا ورا ماتبيعني جوالك واخذ الشاشه واحل مشكلتي
يالله راح بخمسمية
فعلا مصائب قوم عند قومن فوائد

المشاركة الأصلية كتبت بواسطة khalid.a.f

شوف هذا الموقع

http://www.lunacommerce.com/154-nexus-one

فعلا مثل ماقال اخونا ابو جنا الموقع مدري وش يبي
مسجل فيه انا من اول واضفت القطع اللي ابغاها وكل ماطلبت منهم عرض باسعار القطع يقولون ارسلناها لك على الايميل اروح الايميل ولا الاقي شي

يعني بس شكل بس ماتقدر تشتري منه

المشاركة الأصلية كتبت بواسطة salghith

يا عمري أنتم الله يكون بعونكم

بصراحة فيه محل همسات بالمرسلات الاخ علي الكريديس

هذا الشخص مبدع و ما يقول لا أبد يحاول يحل المشاكل باي شكل

أتوقع انه ممكن يساعدكم و لو انه يتصل بالخارج و يوفر لكم القطع

انت عارف هذي ضريبة التميز
وان شالله راح ازور الاخ في محل همسات وتنحل المشكل

المشاركة الأصلية كتبت بواسطة العداني

أنصحك تشتريها من برى
شوف اللي تبيها وحاول تقرأ المكتوب وبعدين اطلبها ، ويمكنني مساعدتك بطلبها
وإن شاء الله توصل سليمة وهو الغالب

الأمر الآخر: راسل جوجل بالمشكلة وأخبرهم بعدم توفر قطعة واطلب منهم عنوان موزع لهم حتى تقدر تطلب منه

طبعا مثل ماانت عارف النكسس ماله موزع عندنا في الشرق الاوسط فاكيد راح يردون عليك قوقل انك ترسله ل Htc ويصلحونه لك
ياليت اذا لك خبره في الطلب تساعدني
ممكن نتواصل على ماسنجر الهوتميل o.u.o

[polaris777]

المشاركة الأصلية كتبت بواسطة الفيتو1

اخوي وانا بعد ممكن تساعدني في طلب القطع
انا ابي السماعه والجرم الخارجي اللي يجي فيه زر لتشغيل

وبالنسبة للاخ polaris777

ايش رايك نتقابل اليوم عند ناسا ونوف نهايتها معنا الاثنين

انا رحت لناسا قبلك المبيعات اللي في المرسلات والصيانه اللي في السليمانيه وماطلعت بنتيجه
لاهم اللي بيطلبون لي القطع ولا هم حتى اللي بيصلحونه
بس عندي رقم واحد عنده شركه يطلبون قطع من الصين يقول بطلبه لك بس يبغاني اصبر عليه شوي
اذا بغيت نتواصل في الماسن o.u.o في الهوتميل

[al_muzaini]

اشتري جديد ، وخلي القديم تشليح
قاعدة ، اذا التصليح يكلف اكثر من 50% من قيمة الجهاز الحالية( وليس سعر الشراء) ، ينصح بشراء هاتف جديد.

مشكلة النكسس ون سار عملة نادرة بعد ايقاف البيع من موقع قوقل مباشرة.