السلام عليكم
عفوا يااخوان الشروط نعرفها في سامبا وجرير ولكن نبي
تفيدوننا عن البطاقة عن تجربه واستعمال ومستجدات الخ
قمت بالآتي :
اتصلت على بنك سامبا قسم التسويق قالوا ان فيه بطاقتين
فضية - رسوم استخراجها = 300 تقريبا
ذهبية - رسوم استخراجها = 500 ريال
قلت عمولات ماتآخذون قال ابدا ً 10 ايام تستلمها وتستخدمها وما نأخذ عليك اي فوائد
قلت طيب عمولة تأخير قال اي نعم لكن انت تقدر تسدد اول بأول ومايصير عليك شي
قلت مافيه اي فلوس تآآخذونها مقابل هالشي قال اطلاقا ..
طبعا انا كلامه اعتبره غير ثقة لأن الكثير خدعوا بالمفردات والترغيب المريبة
قلت ابحث ووجدت موظف في سامبا مستقيل منها ومنتقل لفرع آخر
قال وش قالوا لك قلت له السالفه
قال واللي ماقالوا لك ابحث عنه قلت ماقالوا لي !!!
قال نعم البنوك تعطيك شروط ترغيب وتخفي بين السطور مرابحتهم بالموضوع
قلت وضح آكثر
عطاني سؤالين قال ابحث عنهم وتأكد وبتعرف ..
السؤال الاول : هل البنك يأخذ عمولة سنوية على المستفيد ؟
السؤال الثاني : هل البنك يأخذ عمولة على كل عملية شراء تقوم بها ؟
يااخوان جزاكم الله خير اكيد من معارف بعض القراء من يستطيع التوصل للإجابة
ياليت تبحثون معي الاجابة على هالسؤالين وشكرا
عشان نعرف وش حقيقتهم ...
بانتظاركم وشكرا