سؤالي عن موتورولا زووم

[TKT]

السلام عليكم و رحمة الله و بركاته

يا شباب بسال عن الجهاز الجديد موتورولا زووم 10.1

هل الموجدود في اكسترا بدعم ال 3جي ؟ مع العلم ان الموظف يقول انه يدعم

او الموجود في STC يدعم 3G?

يعني اقدر اركب عليه اي شريحه بيانات

لكم جزيل الشكر

[اقوى واحد]

لا ماتقدر وياليت ترجع للموظف اللي قالك يدعم وتسطره على وجهه


موظفين من جنبها وماعندهم أي معلومات عن الاجزه اللي عندهم .... والعيب مو فيهم ، العيب باكسترا اللي ماعطتهم دوره لمدة يوم واحد تكفي عشان تكون معلوماتهم صحيحة ،




أجل قبل اسبوعين مار اكسترا واقول للموظف وش الفرق بين الزووم والايسر ؟ وش الافضل ..


يقولي بكل ثقة الايسر أفضل لأنه فيه مخرج hdmi والززوم مافيه ! أخذت الزوم وأشرتله عالمخرج ، قلت هذا وشو ؟


قال يو اس بي !!!!!!


على طول طلعت ورحت خذت الزوم من جرير ،

[ROLEX MAX]

والله اللي اعرفه ان الجهاز الجاي من بريطانيا يدعم الثري جي
تاكد من موظف اكسترا بعضهم ماعنده عند جدتي يحسب الفتحه اللي فوق اللي هي مدخل بطاقة الذاكره يحسبها ايضا للشريحه
شوف الكرتون تلقى مكتوب عليه wifi
هذا فقط يعمل على الواير لس
اما الشريحه يبيلك تتاكد مية بالمية
واللي عند الاتصالات السعوديه لايدعم تقنية الجيل الثالث لانه ايضا واي فاي

[TKT]

الله يعطيكم العافيه

طيب متى راح ينزل الي يدعم الجيل الثالث

[TKT]

طيب سمعت ان اجهزة الموتورولا الزووم تدعم الجيل الثالث
لكن شركة جوجل لم تعمل تحديث للهاردوير
وانها في المستقبل القريب ستحدثه ليدعم

هل هذا الكلام صحيح ؟؟
ارجو الافاده

[mr.abdul]

اصلا هي مافيها فتحه شريحه يعني المسأله مو مسأله تحديث للسوفت وير بل مساله فتحه الشريحه

[mobbak]

فتحة الشريحة موجودة بس ناقص برمجة وتنتهي المشكلة

[Mr. Format]

يا أخوان

أنا قبل اسبوعين كنت في شركة الإتصالات STC شريت أيفون ولما شفت الدعايات حقت الزوم تفاجأت قلت ماشاء الله تبارك الله وصل قال نعم اليوم الصبح والعصر يبدأ البيع سألت الموظف عن الـ 3G قال راح يدعم بعد التحديث بما فيها اللغة العربية وأحد الموظفين الله يهديه جاني بجهازه يقول أنه توه شراه منهم وراح يدعم في المستقبل القريب الـ 4G . . يقصد الأخ بعد التحديث !!! , حسيت إنهم عصابة نصب وما عندهم سالفة تركتهم وبحثت في النت ودورت لين أذن الفجر ماحصلت أي شئ عن تفعيل الشريحة :rolleyes: السالفة ومافيها التحديث راح يدعم كرت الذاكرة الخارجية وتعريب القوائم فقط وصلى الله على محمد . . لكني وصلت السالفة إلين الوكيل مسئول الشركة اللي في دبي وحكيت له السالفة من أولها لآخرها وذكرت له إني رجعت لهم ثاني يوم أصحح للأخوان المعلومة في الإتصالات اللي على شارع التحلية وهم رددوا نفس الكلام وقالوا هذي معلومات مصدرها شركة الإتصالات مو أي مصدر !! قالي موظف موتورولا وشكله منصب في الشركة. . غريب أمرهم هذولي أولاً الثري جي لها مديل آخر راح ينزل بعد أسبوعين غير الـ 604 اللي موجود في الإتصالات وجرير. . وبعدين موظفين الإتصالات درسناهم وعطيناهم تدريب عن الزوم بالتفصيل وين راح تعبنا !!!!!!؟؟؟؟ . . غريب أمرهم , , ,

[THE GALAXY TAB]

هههههههههههههههههههه ه والله انك رهيييييييييييييييييب ياللي فوقي