اقتباس:
المشاركة الأصلية كتبت بواسطة abdurrhman
و الله ياخوي حتى كراتين سامسونج و الستيكر اللي عليها ما سلم من النصابين و انا صارت معي قصة أيام الأس4 بس الحمدلله حقوق المستهلك ما قصرو و رجعولي فلوسي
اللي صار معي اني رحت أشتري أس4 لأختي من دوار سبينس في الشارقة و لفيت بالمحلات كان سعره 2100 كمتوسط و لقيت محل (عربي للأسف) يبيع التلفون ب1850 ضمان إيروس .. شفت الكرتونة مغلفة بنايلون و الستيكرات موجودة كله تمام يلا اشتري رجعت ع البيت فتحت الكرتونة و مبدئياً كان كل شيء مبين رسمي بس جيت أركب ستيكر حماية لقيت الشاشة مخدوشة و الحواف مقشرة ع الخفيف و الأدهى ان رجعت مسكت الكرتون شميت ريحة سجاير طالعة منها  عرفت ان انتصب علي .. رجعت للمحل قلتله خد تلفونك و رجعلي فلوسي قال مافي ترجيع فلوس ببدلك اياه و بعد جدال ما رضي قلتله خلص هات واحد ثاتي (و أعطاني أبيض مع ان اختي كانت بدها أسود مع ذلك مشيناها) رجعت ع البيت فتحت الثاني كان بشكل عام أحسن بس الشاشة عليها خدوش و مبين آثار الاستعمال على التلفون و الكرتونة ناقصة كتيبات (الأس4 بيجي معه كتيبات كثيرة يمكن 4 أو 5) .. التلفون مستعمل و مرجع و يبيعني اياه على انه جديد (و التلفون الأول نفس الشيء) .. و حاطط ستيكر من عنده ع الكرتونة كمان
http://www.ce4arab.com/vb7/images/su...777-650685.jpg
هذا الأبيض اللي معطيني اياه بدل الأسود
رجعتله قلتله اسمع تبديل هالمرة انساه رجعلي فلوسي و قعدت في المحل احاول معاه ما رضي يرجع الفلوس قلت طيب .. ثاني يوم اتصلت على حقوق المستهلك قالولي صور الفاتورة و أمورك طيبة صورتها ردو علي اليوم اللي بعده قالولي روح ع المحل و اطلب فلوسك احنا كلمناه و اعطاني فلوسي غصبن عنه
بس برضه مو كل المحلات تنصب عاد انت و حظك بس الأفضل اذا رح تشتري من محلات صغيرة لا تشتري الا ضمان اكسيوم .. عن تجربة هاي التلفونات فعلا مو مفتوحة و تنباع كأنها من اكسيوم نفسه |
نقطة مهمة نسيت أنبه عليها لاحظ بالصورة التقشير اللي حولين ستيكر المصنع هذا من عنده انا ما سويت شيء بالكرتونة يعني التلفون مفتوح و مستعمل 100%