اقتباس:
المشاركة الأصلية كتبت بواسطة abdurrhman
هلا فيك اخ قيصر (هل هذا اسمك فعلا؟ )
والله شغلة بترفع الضغط فعلا.. العجيب ان فعلا في العادة التلفون بيتصلح و بينتهي الموضوع بدون اي جدال .. الله يكون في عونك و بإذن الله تنحل بدون ما تخسر ولا يورو.. اتوقع ان تلفونك ضمان شركة الاتصالات صح و لا هو ضمان سامسونج نفسها؟
|
السلام عليكم ورحمة الله وبركاته
الغالى عبد الرحمن
أنا إسمى أحمد و Cezar إسم بستخدمه عالنت يعنى
بخصوص سؤالك عن الضمان : الضمان بيبقى من الشركة المصنعة
إنما شركة الإتصالات بتبقى زى الوكيل كده يعنى لو حصلت حاجة برجع لها الهاتف
وهى بترسله للشركة المصنعة أيا كانت سامسونج أو غيرها لأنى شاريه منهم
فى تأمين تانى بس ده بيبقى من خلال شركات تأمين متخصصه زى تأمين الأشخاص والسيارات وغيرها
بس ده بيحتاج تدفع مبلغ إضافى بأمر الله المرة الجاية هحاول أشترك فيه لأنه بيبقى شامل
حاجات كتير منها ضمان ضد الحريق أو سوء الإستخدام وكده على ما أعتقد
بس الواحد عمره ما فكر إنه هيحتاحه يعنى بيتكلف حوالى 130 يورو تقريبا
هسأل عليه المرة الجاية
السبت والأحد أجازة عشان كده ما وصلش أى رد لكن المفروض بكرة الإتنين يوصل أى رد
من سامسونج وربنا يسهل ونشوف الحل إيه
أنا خلاص قررت إن حتى لو شركة الإتصالات تواصلت معايا وقالت لى الهاتف وصل
وفى نفس الوقت موصلش رد من سامسونج هروح شركة الإتصالات وهرفض الإستلام
وعلى كل حال الهاتف تم تصليحه بالفعل - المشكلة دلوقتى فى قيمة التصليح
مين إللى هيتحملها عشان كده موظف سامسونج لما كتب لى المرة إللى فاتت
قالى غن الهاتف يخضع لفحص من قبل متخصصين
الواحد كان موفق لما وافق على التصليح من البداية لأنى لو كنت رفضت كانوا بعتوا
الهاتف لشركة الإتصالات بدون تصليح بناء على طلبى بعدم الموافقة
وبعد كده الكورة هتبقى فى ملعب سامسونج والتواصل هيبقى بينى وبينهم عشان نحل المشكلة
أنا معنديش مشكلة إشارك فى المبلغ لكن أدفع المبلغ كامل ده هيكون تأكيد على إن المشكلة منى
وسامسونج تطلع براءة فى حين إن الجهاز فيه عيب منهم والنت كله بيحكى على كده
بس هم مش عايزين يعترفوا بكده حتى اللحظة
خلال الأسبوع ده الصورة هتوضح لأن المشكلة لازم تتحل بأى شكل
تحياتى لك للجميع وربنا يسهل الحال