اقتباس:
المشاركة الأصلية كتبت بواسطة ياسين الشلف
اولا انا عاوز افهم حاجه منك .. هل فيه فرق بين روم cm12 وبين اندرويد وير في التسطيب وكمان ف الشغل ع الساعه وازاي نسطب اي روم منهم ..
انا عاوز اشغل الساعه كهاتف مستقل مع الحفاظ على امكانية توصيلها بالهاتف ف اي وقت .. وكمان عاوز اتصل فيس ولاين من عليها بدون الحاجه لتوصيلها بالهاتف .. اتمنى تكون فهمت قصدي .
شكرا لك على حرصك على تعليمنا .. ربنا يوفقك |
بسم الله الرحمن الرحيم بص يا سيدى الفاضل cm12 دة اندرويد من اللى بينزل على الهواتف مثل سامسونج وغيرها من الهواتف يعنى بيدعم كل برامج الاندرويد العاديه كاى هاتف عادى اما android wear دى نسخه معموله خصيصا للساعات والاجهزة القابله للارتداء
فى التسطيب انا شارح دة ودة عشان الموضوع طويل اوى لكن هبسطهولك الاندرويد العادى والوير لازم الاول تسطب الريكوفرى المعدل
فى العادى لازم تنزل البورت على ما اعتقد 30 او 31 الاول مباشرة بعد تنيزيل الريكوفرى لان دة ملف السوفت الاساسى وكل اللى بعد البورت دة ما هى الا ملفات مكمله او تحديثات بيتم تنصيبها من على الساعه نفسها بواسطه الريكوفرى المعدل
اما الاندرويد وير هو ملف او بورت واحد بس اللى انا حاطه فى المشاركه وبيتم تنصيبه بالاودن بعد تنزيل ملف الريكوفرى المعدل مباشرة
كدا تمام فى طريقه تنزيل سواء الاندرويد او الاندرويد وير
اما بالنسبه لكلامك الباقى ان كنت عاوز اندرويد عادى او cm12 فدة هيخلى الساعه هاتف مستقل تماما ترسل وتستقبل الملفات عن طريق البلوتوث
تثبت برامج اندرويد عاديه جدا حتى الالعاب بس مش كلها حسب امكانيات الساعه عشان ما تنفجرش
ترد على المكالمات
فى انترنت واى فاى
اما حساسات الساعه مفيش اى حاجه شغاله تمام وكمان البطاريه سريعه الانتهاء فى الاندرويد العادى
وممكن تستعمل الفيس والواتس والياهو واى برنامج مكالمات تانجو سوما اى حاجة زى الهاتف بالظبط تمام بالنسبه للعادى مش الوير
اما الوير فدة له برامج محدودة زى التايزن بالضبط انا جربته بصراحه ما عجبنى نهائى البطاريه فيه مستقره جدا ولكن لا يدعم العربى فى القوائم والضبط
محدود جدا فى شغله ما فى رد على المكالمات من الساعه السنسورات كلها شغاله من حساس قلب وعداد رياضى وكلهتقدر تقرنها بالهاتف عكس الاندرويد العادى لا تقترن الا كهاتف يرسل او يستقبل ملفات زى اى هاتف
اما فى الوير ساعه كاى ساعه ولكن بامكانيات محدودة
انا ارى بعد تجربه طويلن والتنقل من هنا لهنا
ان فعلا سامسونج ولا جنيه معاك ساعه تحط فيها خط تشتغل ساعه وتقترن بالهاتف فى نفس الوقت ولكن ما يعيبها ويعيب التايزن العقيم عدم توفر برامج كالواتس والفيس وغيرها خاصه بالساعه كل اللى فى المتجر شويه ساعات ومعظمها بفلوس دة كل العيب
ولكن القرار يرجع ليك يا بطل
عاوز اندرويد بكل مميزاته وكل برامجه شغاله زى الفل يبقى عليك cm12 ولكن ستخسر الاقتران بالهاتف وحساسات الساعه
عاوز بطاريه وحساسات واقتران بالساعه بدون رد على مكالمات تعرف بس مين اللى متصل بيك وتقفل فى وشه مع برامج اكتر شويه من التايزن وبطاريه صامدة شويه عن التايزن عليك بالاندرويد وير
عاوز تلف وتجرب وتعمل متلى وتاخد خبرة عن البورتات وتشوف الانسب ليك وبعدين ترجع لسامسونج بنظامها العقيم ولكن كل حاجه فى الساعه شغاله زى الفل والبطاريه كويسه نوعا ما خليك على التايزن
انا اسف على الاطاله ولكن انا وضحتلك كل حاجه عن اسئلتك بالتفصيل وياريت ما بتسألش تانى نفس السؤال من عضو اخر لانى مش مجاوب انا ايدى تعبتنى من كتر الكتابه