انا من ناحيتي اخوي فنادر جداً ما اشارك يمكن كل خمس سنوات بوست واحد فقط الاخوان يغنونك بكل جديد بالاضافة الى تنوع متابعاتي والاكتفاء بما يهمني فقط سواء هنا او الخارج، لكن اللي خلاني اشارك هنا هو اني لمست بانك تبحث عن الانتاجية بالجهاز وحبيت اشاركك تجربتي.
انا من مايقارب عام 2002 وانا مستخدم للاجهزة اللوحية والجهاز اللي بديت به كان اي بي ام وللأسف سرق مني بدبي ( طبعاً اي بي ام كهاردوير تابعة لشركة لينوفو الصينية ولا تعتقد بانه صينية خلاص من صينيين هالأيام، هم مفروض عليهم من الأساس العمل بمعايير آي بي إم لأنه العلامة التجارية كانت من ضمن الصفقة وفيه ضوابط عليها ولهذا ستلحظ الجودة العالية في المنتجات بالإضافة طبعاً إلى تناسب السعر، وطبعاً اقصد تناسب السعر بمعايير الدول العربية فندنا اقل مواصفات من اجهزة اي بي ام تباع على الاقل بسبع اضعاف سعره الخارجي كريتيل للأسف والله يرحم عربك زين بس بانه عايشين بدول الخليج ولا كان ضعنا اكثر لو عندهم تبي تشوف امتصاص حتى النخاع واتمنى فعلا الوعي يزيد لدى المستخدم النهائي لاخواننا لكي يجبر التجار على التعامل معنا بحسب معاييرنا وتطلعاتنا هذا وهم مجرد موردين بعد اجل كيف لو صنعوا بيضيعونا اكثر بالطبع) المهم بعدها استخدمت جهاز ايسر ترافيل ميت سي 110 وطبعا كلهم كانوا بنظام الاكس بي، الآن لي ما يقارب الثلاثة سنوات على اللينوفو اكس 61 تابلت بنظام الفيستا واريحك مرتاح معه لابعد درجة ولا رقيت له لويندوز 7 وبصراحة كل اللي كانوا ينتقدوا الفيستا ضايعين في بناء محاور معاييرهم اقصد المستخدمين النهائيين مع اني استخدم السفن بجهاز اخر وكذلك اي بي ام ديسك توب، المهم انتبهت بان الكثير من الاخوان عرضوا عليك جهاز الاكس 201، اخوي على فكرة 1400 دولار رخيصة جداً انا جهازي بوقتها كلفني حول ستة الاف ريال وبداخل عرض كان، من السعودية قالوا بنجيبه لك بـ 19 الف ريال وشوي مانيب فاكر والله، عموما الاكس 201 يأتي بشاشة لمس لكن لو بغيت نصيحتي ابعد عن اللمس وخلك على الستايلوس فاللمس راح يحوسك لأنك راح تشيله بين ايدك وكذلك راح تعمل بظروف عمل مخلتفة والشاشة راح تكون مزعجة لك جداً، هو فيه ما يقارب خمسة موديلات، ( لينوفو سيساتها ترقيم موديلات ترى بشكل تفريعي كثلاث تفريعات كحد اعلى )، ومن ناحية البطارية فترى اصلا المعالج منخفض الطاقة والبطاريات متوفرة السعات معك، بس تذكر بانه بنهاية الجهاز من الخلف راح يكون به مساحة زائدة فحط هذا بالاعتبار ولا هي بالمزعجة الصحيح ترا لانه الشاشة راح تدورها بحسب ما ترغب المهم انت ركز على السعة للهارد درايف والذاكرة والمعالج خذ الاي فايف وهو اصلا متوفر بمعالجين فقط وكلهم منفخضة الطاقة وخذلك بكونيكت داخلي لاجل تظل على تواصل بفريقك كعمل وبريدك كذلك، طبعا بالتاكيد به واي فاي وباكثر المعايير المعمول به كذلك، افضل لك والاكسسوار خذلك شاحن متعدد الاغراض لاجل تنقلاتك بالاضافة طبعا الى الكيس او الشنطة تبعه راح تلقاها روعة في الحمل والعمل ولو بغيت نصيحتي خذ شنطة التابلت وشنطة اعمال اللينوفو تراها روعة وممتازة جدا في الاستيعاب والاناقة والترتيب كذلك وطبعا نظام البصمة والان صار يجي بتوتش باد ويا تراك بوينت اول بس تراك بوينت واما المنافذ وغيرها فترا لينوفو كريمة مهيب من النوع اللي تدفع وتضيع معها، بس انتبه اذا طلبته حاول تطلب اقراص استعادة النظام كذلك مع التعريفات لانه ما يجي هو تقدر تسوي لك من خلال الريكفوري سستم تبع الثينك باد بس افضل لك طبعا، وكذلك تراه مايجي وياه قارئ اقراص بس يجي معك دوك سنتر رائع جداً ومتضمن لقارئ اقراص مع مزايا اخرى منها شحن بطارية ثانية وقت العمل غير كذلك الى مزايا التوسع بالمنافذ، انا برأيي كذلك انك تعيد تعريفك لمعايير اللوحي لأنه الكثير يعتمد المعايير بحسب مفهومة للايباد والسوق اللي اعيد صياغة مفهومة لانه الكثير لم يسمع باللوحي الا من سنتين واصبحت معاييره بناء على ما تم تقديمه له، لو بغيت جهاز قراءة كتب فقط وانترنت وموسيقى والعاب ودردشة فعليك باجهزة ابل والشركات المنتجة للاجهزة العاملة بانظمة الاندرويد، اما لو بغيت انتاجية عملية وتطلع لتوسعة اعمالك وانك توصل لاقصى حد من البرفورمانس سواء لك كعقل وقدرات او من خلال نظامك كويندوز وبرامج انتاجية خصوصا الاوفس فعليك باللينوفو لانك راح تحط بما متوسطة 1500 دولار تبدأ من الثمانمائة دولار وتنتهي بالالفان وثلاثمائة دولار، لكن راح تجيك اعمال تخليك ترجع هالالف وثلاثمائة وغيرها خلال دقائق بدون ما تندم على صرفك للمبلغ، على فكرة راح تلقى اجهزة من توشيبا واتش بي وايسر وباناسونيك وغيرهم، بس نصيحتي خلك على الاي بي ام ويكفيك الدعم والثينك باد فانتاج بحد ذاتهم اداة دعم لك طول ما جهازك يعمل، ثانيا بصراحة لو انك شخص تقليدي راح تعجبك اجهزة اللينوفر ثينك باد لانها بعيدة عن الزخرفة والخربطة ومكوناتها عملية جدا ومؤدية لاكثر من هدف هذا عدى عن العملانية طبعا، انا الايباد مرة نزلت المايند ماب وجنني، ومرة اوفيس الابل ولا لقيت به سورتينج في الوورد والله فضيحة، ومرة حملت الدوكيومنت تو جو وكرهت عيشتي بالنهاية اقتصرت باستعماله على قراءة الكتب وبعدها قرفت بصراحة لانه خلفيته ناعمة بالمسك وكل شوي راح تضطر تغير وضعيتك للقراءة، بالنهاية عطيته اخوي والله يعوضني بالقروش اللي انحطت به الاتش دي تو مازال مؤدي عمله على اتم وجه من الاي باد من ناحية استخدامي.
طبعا الاوفس راح تزيد انتاجيتك، وعلى فكرة انا لاحظت بانك تتحدث عن الاكسس حاول تستخدم الفايل ميكر راح يزيد من انتاجيتك باسلوب فريد من نوعة وفوق كذا بسعر ارخص بدل ما انك تكون ضايع مابين اداء وسعات اقل مع الاكسس او انتاجيات اعلى وموارد اعلى مع الاوراكل او الساب لانه راح يبعدك عن تعقديات الباكجراوند، خلك على الفايل ميكر جداً ممتاز ونادر هو عموما ما اشوف مستخدمين عرب له لكنه رائع بمعنى الكلمة وسهل الاستخدام من اول مرة ومزاياه كذلك وبالطبع هناك غيره بس الدعم العربي بالكتابة معدوم كالأفا فايف وعموما استخدامهم العالمي ممتاز وهناك مواقع دعم لهم وستفيدك باذن الله، حبيت بس اشاركك ما اعرفه اذا كنت شخص تعمل بشكل مستقل وتبحث عن إزدهار اعمالك، اما ان كنت منتسب لمنشأة فهنا اعتقد حسب موقعك فيها والأغلب بأنك ستتبع ما تقتضيه المصلحة العامة للعمل.
انصحك تتابع عروض موقع كوست سنترال فهو يقدم عروض ممتازة جدا جدا جدا، وافتح لك صندوق ياخوي بالماي يو اس وابد بدل ما تدفع لمجرد مستوردين حتى لم يصلوا لمعايير اداء مانحهم الرئيسي ويدفعونك مبلغ عالي استمتع بحريتك وخذ من برا واللي راح تصرفه راح تقدر تصرف بشغلات اكثر وبالطبع مو كم فقط بل كيف كذلك.
فقط للختام من تحدث على ان اللينوفو هو افضل جهاز لوحي على مستوى العالم فهو صادق من حيث المعايير العملية والانتاجية، اما اللهو والمتعة والتصفح العشوائي بصفة عامة فلا، فانت تتعامل اولا مع جهاز دفتري ولوحي في وقت واحد بالاضافة الى التوسعات بادائك طبعاً.
والسلام عليكم ورحمة الله.