اقتباس:
المشاركة الأصلية كتبت بواسطة 000000
مافي مقارنة كلش يعني في جودة الالعاب والبرامج؟!!!!!!!
بذكرك بس بعد سنة وحدة وشوف مين الي راح يكتسح السوق الاندرويد او الابل
ابي اقولك شغله .. حمل لعبة Asphalt5 وقارن بين الاثنين وشوف ايهما امتع في اللعب والجرافيكس
الجهازين بصراحة لا يعلى عليهم وكل واحد افضل من الثاني 
بس لو خيروني بين الاثنين رغم اني امتلك الجلاكسي اس واخوي يمتلك الايفون4
لاخترت الجلاكسي دون تردد للأسباب التالية وباختصار شديد:
- الشاشة اكبر واحلى في الالوان
- الجرافيكس العالي جدا
- النظام المفتوح بلا قيود والله من عقب الايفون لي الجلاكسي تحس روحك مسجون وتوهم مطلعينك من السجن دون التقليل من روعة الايفون الجبار بس القيود تخليك تزهق |
كلامكم الاثنين صحيح وانا استخدمت الجالكسي ووقعت في غرامه لعدم محدودية الخيارات اللي ممكن تشتغل عليها. استخدمت الايفون 4 بشكل محدود بس تظل نفس عيوب القيود المفروضة من ناحية النظام مزعجة.
خلاصة الكلام ياشباب
الايفون: من اسهل الاجهزة استخداما عند الشراء وبدون الحاجة لأي خبرة في في مجال الهواتف الذكية بالإضافة الى ثبات النظام وتوفر البرامج (والتصميم حلو)
الجالاكسي: كل شي فيه حلو... حجم ونوع الشاشة... توفر البرامج والالعاب وماركت الاندرويد من اسرع اسواق البرامج نموا... حرية التحرك في الجهاز ووضع الواجهة اللي تناسبك وتصفح الانترنت واليوتيوب بس مأخذي الوحيد انو الواحد لازم يكون شوية فاهم عشان يقدر يسوي التعدلات هذي من روت ولاغ فيكس و غيره
وتقبلو مروري