﷽
السلام عليكم
موضوع تحديثات ابل مع اطلاق منتج جديد دائما اكرهة خصوصا اذا كان عندي جهاز حديث ((موديل السنة ))
يا اخوان انا لاحظت ان جهازي الايفون ١١ برو مع تحديث ١٤ الخاص بسسلسلة ايفونات ١٢ بطاريتة لا تتحمل استخدام ابداً
يعني بليلة وضحاها قبل التحديث مرات يومين واشحن و بعد التحديث باليوم مرتين اشحن رغم ان استخدامي عادي و عادي جداً. هذا بالنسبة للايفون
اما بخصوصة الساعة استخدم ساعة ابل ٥ سيراميك (ستانلس ستيل ) قبل التحديث الاخير لها كانت بطاريتها خرافيه.
يعني كنت استخدمها اذا مع رياضه يومين و اشحن و بدون رياضه ثلاث ايام و اشحن و لكن بعد التحديث الاخير لها (تحديث ٧) لم تعد تتحمل يوم مع رياضه ويوم ونص بدون رياضة.
طبعا منذ شهرين ادخل لليوتيوب و كنت اقول لا مستحيل ابل تسويها بعد الغرامات و الفضايح في تبطيئ اجهزتها مستحيل تجرء ابل على الاساليب القذرة هذي < لكن يا اخوان والله ملاحظ و بقوة >
قلت ممكن الخطاء مني انا برامج معلق او شغاله تستنزف البطارية و اطفي شغلات واجد فالخصوصية و الاشعارات و اتتبع خطوات المحافظة على البطارية في اليوتيوب دون فائدة الاستنزاف هذا خارج موضوع الاستخدام .
انا مستخدم قديم للايفون منذ انطلاقة و اول مره لاحظت المصايب مع التحديثات ايام ايفون ٥ و ٦ و ٧ وكنت اجزم و احلف ان الجهاز بيوم وليلة بعد التحديث يهنق وكان اكو كم واحد يستخدم الجهاز نفسي ويقول لا عادي ماحسيت فكنت اقول يمكن انا رجال دقيق والربع مايدققون وبعدين طلعت فضيحة ابل و طلعت فعلا تبطئ الاجهزه عن عمد وعذرها اقبح من ذنبها عشان البطارية وتم محاسبتها و اتوقع قامت تنتقم وتستنزف البطارية و كأنها تقول ها شفت ما قولك ياثر التحديث على البطارية !!!!
شباب الي اقوله هذا مجرد تحليل مني يحتمل الصواب و يحتمل الخطاء لكن البطاريات في اجهزتي بعد التحديث الجديد انتهوا وكآن اجهزتي قديما رغما انهم كلهم حديثيين.
وياليت الي لاحظ هالشغله في التحديث الجديد للتليفون و الساعه يذكر لنا شنو صار معاه ونبي حلول الله يقطعهم ويقطع تصرفهم البايخ هذا !!!
دمتم بود