اقتباس:
المشاركة الأصلية كتبت بواسطة thirdramses
انا مرة اشتريت كاميرا كاسيو ديجيتال من المانيا وكانت ضمان محلي المهم حصل فيها عيب بسيط بعد 4 شهور من شراها رحت التوكيل رفضوا حتى يبصوا فيها لانها من بره رحت كاتب ايميل محترم للشركة الام في اليابان لقيت مدير فرع الشركة هنا في مصر بيكلمني على موبايلي وبيقولي لو سمحت من فضلك هات الكاميرا واحنا نصلحها ليك على طول ولو مش فاضي ممكن نبعت لك حد يا خدها وفعلا وديتها لهم وصلحوها وما خدوش ولا جنيه دي الشركات المحترمه بس المهم تعرف انه ما ضاع حق وراءه مطالب
|
لو سمحت أنا عندي مشكلة برضو مع كاسيو، ساعة كنت اشتريتها لوالدي من شهرين وإنهردة لقيناها واقفة وللأسف كنا شاريينها من أمريكا عن طريق موقع ادفعلي، كارت الضمان واصلني فاضي طبعا رحت مليته بالبيانات من الفاتورة اللي وصلتني من شركة إدفعلي بتاريخ الشراء، تفتكر مش هيرضو يصلحوها في التوكيل برضو؟
ولو ده حصل أدفعلهم وخلاص ولا أشتكي برضو زي ما انت عملت؟
ياريت تفيدني ومعلش لو علقت في موضوع قديم بس لما عملت سيرش عن المشكلة ده كان أكتر موضوع مفيد بالنسبة لي.
وبعد إذنك هبعتلك عالخاص عشان لو مشفتش الرد هنا.