السلام عليكم اخواني
عاشت اياديكم على الموضوع والحوار الجميل والمفيد وانشالله ينكتب بميزان حسناتكم ويجازيكم الله عليه خير جزاء
انا اخوكم مهند من العراق
حاب اشتري جهاز يدعم ويندوز موبايل مع العلم اني من مستعملي اجهزة نوكيا بنظام سيمبيان والصراحة مليت من هالنظام لانه محدووووود جدا وناوي اغير
قريت الموضوع من بدايته لنهايته وقريت النقاش وبعدها قررت الجهاز اللي اريد اشتريه
htc HD2
صحيح انكم قلتوا انو صعب عالمبتدئين بس انا احب الصعب وبالي طويل بهالسوالف
مشكلتي انو بالعراق هالاجهزة ممعروفة ومو متداولة وقليلين جدا اللي يستخدموها وما عندنا سوق الكتروني وما عندنا وكلاء لهيج نوع من الاجهزة (فقط محلات معدودة على الاصابع في بغداد كلها يستوردوها من الامارات والدول المجاورة ويبيعوها وبأسعار غااااااالية جدا وقسم منهم يستورده مستعمل ويرتبه ويبيعه على انه جهاز جديد لانهم بصراحة ما يخافون الله ويستغلون ان المشتري ما عنده اي خبره بهالاجهزة)
المهم انا من الناس اللي ما عندهم خبرة بهالاجهزة.. فاذا ممكن تنصحوني من اروح اشتري الجهاز من البائع شنو الاشياء اللي لازم اتفحصها واتأكد منها حتى اعرف انه هالجهاز مو مفتوح او مستعمل؟؟
والسؤال الاهم: كيف اعرف ان الجهاز معرب من الشركة تعريب اصلي لو التعريب من ابو المحل؟؟
ارجوكم يا اخوان ساعدوني لاني على هالحال من شهرين وخايف اشتري الجهاز لان اذا اشتريته وطلع مستعمل اموت بسكتة قلبية لان سعره ابد مو هين
ومشكووورين مقدما