سبق وكتبت موضوع عن هذه الشركة المتخلفة .
زمرة من التجار اللي متعلمين التجارة بخبرة السوق فقط لا غير
لا تعليم ولا خبرة خدمة عملاء
ويزرعون موظفينهم في كل المنتديات كي يطبلوا ويرفعوا من شأن الشركة
وعلى فكرة . وهالشيء ماحد يعرفه إلا القليل ممن يعرفون أبو أحمد
اللي هو مدير شركة مشاعل العاصمة القديم .
المفاجأة هي أن
مشاعل العاصمة = رصيدكم
نفس مجلس الإدارة ونفس الممولين ونفس مصادر الاستيراد
تبون تعرفون مصادر الاستيراد ؟
سانغافورة - الامارات - هونغ كونغ
وأي مصدر أخر يقولونه لكم تراهم كذابين
سبق وفضحتهم هم وشركة أخرى تابعة للراجحي .. اللي هي اسمها شركة " كلم "
وسبق وتعاونت مع أحد الإخوة في فضح أكسيوم أيام نزول الآيفون 3 جي
وقتها كان الناس على اطلاع بسيط بالفرق مابين المفتوح رسمي من المصنع
وبين المقفل على الشبكة ومفتوح .. at&t
كانو يجيبون الأجهزة من امريكا at&t ويفتحون شبكتها ويبيعونها على الناس
والناس ما تدري .. حتى الموظفين اللي في المحلات ما يدرون ولا يعلمونهم
اللي كان يدري فقط مدراء المعارض والمدير الاقليمي .
وسوينا انا وصديقي فضيحة لهم على اليوتيوب .
وهناك الكثير والكثير من ملفات الغش لدى الشركات .
لكن حاليا .. الكثير انعدل منهم . ما عدا أكسيوم ومشاعل العاصمة
مشاعل العاصمة صار الآن عبارة عن مركز صيانة وقطع غيار
ورصيدكم هي قسم البيع . ولكن هالشيء من الباطن
يريدون تحقيق معادلة أو مبدأ يسمى عندنا في إدارة الأعمال
آكل نفسي قبل لا أحد ياكلني
يعني يكون لهم حصتين في السوق أفضل من حصة .
اما بالنسبة لشركة كلم .. النصب اللي كانو يسوونه
كانو يجيبون أجهزة نوكيا اللمس أول أيامها من جنوب إفريقيا وتايلند
ويعربونها ويغيرو الستيكر اللي في الجهاز وفي العلبة
ويبيعونها على الناس
والناس تتفاجأ اذا فرمتو أجهزتهم تروح العربية .
ولا زال النصب قائما