فى البداية أنا حبيت أتكلم عن الموضوع دا لإني شفت الموضوع هنا ع المنتدي لكن مفهوش صور فكان صعب ع ناس انها تفهمه او شايفة الموضوع كبير
-- ( انا كنت واحد شايف كدا ) --
اهم حاجة :- خد كل ال ع الميموري ع الكمبيوتر عشان الميموري هتتفرمط Format ! خلي بالك
و دى أهم الحاجات اللى أنت هتشتغل بيها ،،
1- موبيل اندرويد ( اكيد 
) و يكون معموله رووت !
2- لابتوب او كمبيوتر ( وخلي بالك من النور عشان ميقطعش )
3- ريدر عشان توصل الميموري بالكمبيوتر / اللاب
4- برنامج minitool Partition Wizard Home Edition من هنا : ( ClickHere )
5- برنامج link2sd من هنا : ( Click Here GooglePlay )
نبدأ بسم الله ..
1- بعد تحميل البرنامج minitool Partition Wizard Home Edition هنسطبه عادي جدا زي اي برنامج .. و نوصل الميموري بالكمبيوتر
هنفتح البرنامج هتلاقي الواجهة كدا
-- > هنختار minitool Partition Wizard
هيفتحلك شاشة كدا
Disk1
هو جهازك
Disk2
هو الميموري ( انا بشرح ع ميموري 2 جيجا .. بس يفضل يكون الميموري الخاصة بك اكبر من 4 .. عشان متحسش انك مخنوق و مفيش مساحة )
هتدوس كلك يمين ع الميموري زي الصورة كدا و اختار delete :'(
هتدوس كلك يمين ع الميموري و تختار create زي الصورة كدا
هيظهرلك الشاشة دي .. هتعملها زي الصورة .. و هشرح ليه هتعمل كدا دلوقتي
1- اكتب اي اسم للميموري بتاعتك
2- هتعملها primary عشان ينفع تتقرا
3- هتعملها fat32 عشان تخزن ملفات
4- سبها زي متكون .. مش هتأثر ف حاجة متغيرهاش يعني
5- بردوا سبها زي ما هي default متغيرهاش
6- اختار المساحة المخصصة لاستخدامك انتا الملفات يعني اغاني و صور و كدا
دوس OK بقي !
( تحذير اتأكد مرة تانية من البيانات قبل متدوس OK ! )
( انا و المنتدي غير مسئولين عن اي شئ يحدث نتيجة لخطأ منك )
( بس دا ميمنعش من اننا هنحاول نساعدك لو حاجة حصلت ! )
و اضغط كلك يمين و اختار Create تاني زي الصورة دي عشان نخصص جزء البرامج و الالعاب ( الجزء ال هنضيفه لل
ذاكرة الداخلية )
هيظهر التخذير دا بيقولك ان دا مش هارد ثابت ف الكمبيوتر مش هيقدر يقرا البارتيشن التاني دوس Yes
احنا مش عايزين الجهاز يقراه اساسا لانه هيكون بصيغة ext2 و برنامج link2sd هو ال هيقراه ( هنشوف الكلام دا بعدين )
هيفتح الشاشة دي شفناها قبل كدا و احنا بنقسم الجزء الاول .. بس المرة دي هنعمل شوية حاجات تانية .. تابع الصورة معايا
1- اكتب اي اسم بس ميكونش نفس الاسم الاول
2- هنختارها Primary عشان تتقرا بردوا
3- هنختارها ext2 عشان دا جزء البرامج و الالعاب
4- طبعا هتكون مكتوبة None لان الجهاز مش هيقدر يقراها
5- سبها default زي ما هي
6- دي المساحة المخصصة للبرامج .. طبعا هتسبها للاخر عشان تاخد المساحة المتبقية
دوس Ok !
( تحذير اتأكد مرة تانية من البيانات قبل متدوس OK ! )
( انا و المنتدي غير مسئولين عن اي شئ يحدث نتيجة لخطأ منك )
( بس دا ميمنعش من اننا هنحاول نساعدك لو حاجة حصلت ! )
دا الشكل النهائي بعد متدوس Ok
اتأكد ان واحد من الاتنين fat32 و التاني ext2 و الاتنين primary !!
قول بسم الله و اضغط ع Apply فوق ع الشمال
وافق ع التحذير دا عشان تبدأ
و استني لما يحمل شوية هياخد حوالي دقيقة - 5 دقائق ع حسب سرعة جهازك
لسة بيحمل اهو
لسة جزء الموبيل مجاش
يتبع ....