شفيه العم الأيفون 5
اذا تبي نتكلم بالهاردوير أنا حاضر
اما بالسوفتوير كل جهاز نظام خاص فيه مانقدر نقارن بينهم
الهاردوير A6 ( أخبار تؤكد و تقول انه Cortex a15 )
قلتها مراراً وسأعيدها تكراراً
الفور اس كان Cortex a9 وكان سريع واستعماله الكل مبسوط منه
الأيباد 3 A5x ويعتبر طيارة وسلس لأبعد الحدود ولا أحد ينكر هالشي
الأيفون الجديد A6 يعني شنو .... ؟؟
الجواب راح تعرفونه لما تنطرح فيديوات مقارنة بين آداء الأجهزة والعبرة بالنهاية
طيب وأنت تعرف الإس3 ربآعي النواة يعني شنو ..؟
تبي نتكلم عن
البطارية؟ ... اوكي
الأس ثري ( أنا شخصياً استعمله حالياً ) الاستخدام المتواصل 6 ساعات
الأيفون فور اس ( أيضاَ شخصياً استعمله ) الإستخدام المتواصل 6 ساعات
مع ان هناك فرق بين البطاريتين ؟؟
أوضح لك اكثر..
كل جهاز بطاريته تعمل بكفاءة الهاردوير والعتاد الموجود وأيضاً السوفتوير يلعب دور
بالنهاية ماراح نحتاج تكبير
البطارية لحجم خيالي للأيفون لأن الآداء أساساً أصبح أفضل من السابق
بنسبة قليلة طبعاً مع مقارنة الهاردوير الجديد !
البطآرية م نقدر نحكم عليهآ إلا بعد التجربة 
طول الجهاز ... البعض قال طوله مو حلو وشبهوه بالريموت
طول الجهاز بالضبط نفس طول شاشة الأس ثري >>
اذا كان
الايفون ريموت >> فيسمحلي مايعرف بالحسبة وشكله متعقد من ريموت رسيفر أبوظبي
طول شاشة الإس3 صح لكن الكلام صح إنه شبيه ب الريموت
لكن روح شوفة وشوف شكل الإس3 وتعرف الفرق إن ذاك ريموت وذاك شكل انسيابي خرافي
العرض ماينفع يكبرونه أكثر مع العلم انهم يقدرون وهذا مو شي صعب
بس عشان تتوافق مع مسكة اليد وتقدر تتحكم فيه بأصبع واحد وهذي سياسة أبل من زمان
الشاشة 4 أنش وهي أفضل شاشة للهاتف الذكي ومانقدر ننكر هالشي
لأن الجهاز يظل هاتف ذكي واذا اردنا شاشة أكبر نقدر نتوجه للتابلت والأجهزة الهجينه مثل النوت
من قال إنها ألإضل شاشة لهاتف ذكي ؟ 4 إنش تبقى شاشة صغيره ومامنها فايدة
شاشة الإس3 حجمها ألإضل حجم 4.8
وتوزيع البكسل للأيفون أفضل من الأس ثري ( يكفي أنه ريتنا )
ب النسبة للشاشة قآرنهم إذا شفتهم ع الطبيعة وحطهم جنب بعض وشوف مين الأفضل
^
م أقصد إن شاشة الإس3 أفضل لكن إحنا نبي الأفضل اللي إحنا نشوفة قدامنا وين الأفضل
واذا شفناهم جنب بعض نقدر نحكم
وحتي أفيدك بمعنى كلمة ريتنا
الريتنا مجرد اسم تجاري شرته ابل معناه علمياً
شبكية العين
وتعني كمية بكسلات كثيرة لدرجة ان عين الانسان ما تقدر تفرق بين البكسلات
الحسبه كالآتي
التلفون >> 280+
التابلت >> 240+
الكمبيوتر >> 200 +
تعرف ليش
تعتمد على بعدك ان الشاشة
التلفون >> 25 cm
الايباد >> 38 cm
الكمبيوتر >> 51 cm
بعدها ما تميز البكسلات
وتصير ريتنا
ننتقل لموضوع آخر ...
وهو الأهم وهو التحديثات
أبل حددت موعد التحديث واهو بينزل للأجهزة القديمة قبل الجهاز الجديد
أما
سامسونج شقالت ... ( قريباً ) متى ؟ شهر شهرين سنة ؟ اكتبوا الوصية لعيالكم عشان التحديث
أبل لتحديث جهاز من أجهزتها لها طريقة وحدة
أما
سامسونج كم ؟؟ لازم تقعد تدور بالـ جي تي وايرلس + كيز + هوائي >> ( نشحذ ؟ )
هذي أتفق معآك فيها 
سامسونج قالت الغطاء البلاستيك والغوريلا جلاس عشان نخفف الوزن
طيب ليش الـ HTC مصنوع من الألمنيوم ( المستخدم بصناعة الطيارات ) أخف وأجود ؟
أبل ألمنيوم وزجاج وأخف منهم كلهم !!؟؟
اذا هذا مو ابداع ؟ شنو الابداع تلفون يطير يعني ؟
ف هذا الشي أبدعت أبل
لكن كشكل إنسيابي على اليد الإس3 أفضل بكثير 
نظام أبل حصل بمسح JD على أفضل جهاز مريح للأستعمال اليومي
وهو موفق للجميع ( صغير + شباب + كبير + للمعاقين بالسمع والنظر )
لازم تفهمون أن الجهاز راح يظل أسمه هاتف ذكي
وأنا متأكد وأبصم بالعشرة بعض الي يقولون الأندرويد أفضل لأنه مصدر مفتوح
موعارفين معناته أو مو عارفين شلون يستغلون هالميزة
أساساً نظام الأندرويد فيه نواقص
( ماكو قيم سنتر + ماكو نوت سنك لازم خدمة ثانية + ماتقدر تغيير واجهة على سبيل المثال
الأس ثري ماتقدر تغيير الواجهة بنفسك وتخليها مثل الخام وتضطر تستخدم روم
لأن الروم أساساً ماخذ النظام الخام وترك الواجهة وهذا البعض ماراح يفهمه )
أول نقطتين من النواقص تعتبر من أهم المميزات للهاتف الذكي
بيجي شخص وبيقول مااحتاج القيم سنتر
راح اقوله ان هالميزة هي تعتبر أكبر ميزة تنافسية بين قوقل و أبل
لأن الألعاب تعدت المئة ألف وغيرك مليون يحتاجها
ب النسبة للألعآب الألعآب اللي بالقوقل بلآي كافية وزيآدة
وأنا معك إن الأبل ألعآبهم أفضل وأكثر
لكن م تلاحظ ي أخوي إن الآن كل م تنزل لعبة تنزل على النظامين
وهذا دليل إن الأندرويد قريبا رآح ينافس الios ف الألعاب والبرامج
لانه هذا جهاز هاتف ذكي للإستعمال اليومي
لعب + دردشة + تصفح + أخبار + بعض البرامج المتوفرة بالستور
وأنا متأكد أكثر الي يطبلون لنظام الأندرويد
لو تفتح جهاز ماعنده غير لعبتين وجم برنامج دردشه ومطيح بالتاباتوك
من قآل ؟ عندي ألعآب ي كثرهم وأغلب أصحابي اللي عندهم أجهزة بنظام
أندرويد ي كثر الألعاب والبرامج اللي عندهم
وب النسبة لبرآمج الدردشة كل البرامج المشهورة متوفرة :
الواتس أب , التانقو , السكايب , الفايبر , نيمباز , الهوزهير , الفيس بوك , التويتر , IM+ , الكاتفيز , الماسنجر الهوتميل , الشات أون
^
وش تبي أكثر ؟
أنا شخص ابحث عن راحتي والاستعمال الي يريحني
سواء جالكسي أو أبل
ليش البعض يبي يجبر البعض على شراء الأس ثري ؟؟
وأنا بحث عن راحتي والاستعمال اللي يريحني
والإس3 يعطيك الحرية والراحة والاستعمال اللي يريحك
وكل شي متوفر فيه
والبعض مرات يقول راحت أيامك ياستيف جوبز وبنفس الوقت سابقاً يقول ستيف جوبز ماعنده ماعند جدي !
أبل شركة احترمت المعاقين وأنا احترمها ( واحترمت العربية ماعدا السيري الي مانستعملها بشكل يومي )
قوقل احترمت العربية ( نوعاً ما ) وأنا احترمها
( ماعدا قوقل ناو والقوقل فويس فقط للبحث وماكو محاذاه يعني ممم 60% احترام !! )
+ بعد الجيلي بين العربية 100% والمحاذاة 100%
راح تذكرون كلامي الي راح أقوله الحين
أغلب الي ذموا الأيفون فايف بعد ماينطرح بالسوق راح يكون عليه اقبال كبير
والبعض الآخر للأسف
( لو كان الأيفون سعره 1200 ريال بنشوف يقول أفضل جهاز ويضرب الأندرويد بالطوفه )
لكن شركة أبل ماتسعى ورا الي يبحث عن الرخص لأنها تقدم شي يسوى
والي ماعنده فلوس ولا قادر يشتري أقوله الله يغنيك ويزيدك و لاتتكلم بلسان الناس عامة
أيضا سآمسونج تقدم شي يسوى
المؤتمر شعلل والمنتديات والمواقع كلها تتكلم بالعقلية
ماعدا متعصبين الأندرويد لازم يحطون الأخطاء ومثل ماحصل مع مؤتمر نوكيا
الناس تبي تدخل تستفيد تشوف مقارنات وكلام ينفهم مو كلام الواحد يستحي يقراه
الأيفون بكل بساطة
Thinest , lightest , fastest smartphone this year
والشكل الخارجي يرجع للأذواق >> و أنا شخصياً عجبني الأسود
والجالكسي إس3 أيضا : نحيف وخفيف وسريع جداً
وأحب أضيف لك كلمة أخيرة :
تقدر تشوف عدد اللي عجبهم شكل الإس3 واللي ذموه وم عجبهم
وتقدر تشوف عدد اللي عجبهم الآيفون 5 واللي ذموه وم عجبهم
^
أكيد فرق لأن الإس3 أغلب النآس عجبها تصميمه الخرافي ولأنه نقله نوعية
من جيلها السابق الإس2 إلى الإس3
بينما الآيفون الأغلبية لم يعجبه وذمه وذلك يرجع إلى شكله اللي م تغير فيه العرض
لأن لو بس تغير الطول بدون العرض يعطي منظر قبيح للجهاز
والشي الثاني لأنه م فيه نقله نوعية من ال4اس الى ال5