انا اليوم رحت للمحل اللي قلتوا لنا عنه "الجوال المميز" و هذي قصتي
بعد ما انكسر الايفون الشاشة و غطاء البطارية و لما بحثت لقيت هذا الموضوع جيت الصباح لنفس المحل و بصراحة ما فيهم عيب بالنسبة للمعاملة لكن كان في مشكلة في السعر! قال لي انه بيركب الشاشة ب ٢٥٠ ريال و يحتاج ساعة او اكثر و بالنسبة للغطاء ما كان عنده ، فقررت اشتري الشاشة و اركبها في محل ثاني باعنيها ب ١٦٠ريال و انا طالع من عنده مريت "الحداد" و سألته بكم الشاشة قال ٤٥٠ ريال و الغطاء ب ١٥٠ ريال و اركب لك الغطاء حالا اما عن الشاشة تعالي المساء فخليته يبدل الغطاء و لما طلعت مريت محل اسمه "ارسال ٢" جنبهم محل هنود حبيت اتطلع على الاسعار بما ان كل محل تسعيرته تختلف و لقيت عندهم الغطاء نفسه ١٠٠٪ ب ٦٠ ريال مع التركيب و الشاشة هي نفسها ١٠٠٪ ب ١٦٠ ريال مع التركيب في اقل من ٣٠دقيقة و امام عيني انا واقف عنده
شفتوا كيف الفرق ؟! طبعا رجعت الشاشة للمحل الاول و رجع لي فلوسي بدون اعتراض و بالصدفة و انا واقف انتظر جهازي الفني بتاع المحل الاول اللي باعني الشاشة جاي محل ارسال٢ يشتري القطع!!
هذي تجربتي حبيت اشارككم اياها و اتمى انها تفيدكم و تفور عليكم جهد و مال