انا كنت من كارهين الايفون ومحب للاندرويد 3 سنين من الجينجر بريد لين الكيتكات
وم خليت رومات مطبوخه الا ومنزلها وحشو مميزات وبصراحه م استخدمها والمقابل تهنيق بعض الاحيان وحراره ومهما غيرت الكيرنال م اشوف فرق
النظامين ممتازه بس بصراحه بعد م انقلت عن قناعه للايفون كرهت الاندرويد لانه طلعت كل اللي براسي من التعديل ب ايام الاندرويد والحين م احتاج الا لجوال مستقر وعلى فكره كان اخر جهاز لي بالاندرويد هو نوت 3 ويعتبر مقارب جدا لمواصفات الاس 5 ورغم بطاريته اللي بالارقام تساوي ضعف الايفون 6 الا انه معدل الساعات متشابه هذا اذا م كان متساوي
الايفون بدون مبالغه وتطبيل م بيعلق معاك اذا بدون جلبريك انا مسوي جلبريك وفيه ثقل شوي وعشان لا اظلمه يمكن بسبب بعض الادوات اللي لو حذفتها بترجع سرعته بس حتى بالاندرويد بعد م تنزل روت وريكفوري مطور وتعديل بيثقل بس يعتبر الايفون افضل
هو فيه اشياء راح تفقدها بس تبدا من الوقت تتاقلم على الوضع
وبالبدايه راح تحس الايفون صعب مثل م كنت احس بس دام لك خبره بالاندرويد بظرف اسبوع راح تشوف استخدامه تافه زي النوكيا وبسيط
التعامل مع الايتونز هو العيب الكبير بالنسبه لي والاستديو تبع الصور اشوفه فوضوي ماهو مرتب كل الصوره تنحفظ بمجلد الكاميرا سوا صورتها بالكام او حفظتها من اي برنامج
انت بعد م تعرف السلبيات والايجابيات والامور اللي تقدر تتاقلم عليها وتتقبلها انت تحدد اذا تاخذه ولالا
سلام