السلام عليكم شفت هواية استفسارات عن صعوبة ترقية الايفون او الايباد الى الاصدار الخامس فحبيت اسوي هلشرح البسيط ومتركت لا صغيرة ولا كبيرة راح تكون التجربة على ايفون فور اس وبقية الاجهزة نفس الطريقة(ايفون 4 ,ايفون 3GS ,ايباد2,1 ) ملاحظة جدا مهمة قبل البدء اذا كان جهازك مقفول وليس مفتوح فلا تحدث ولا تكمل قرائة الموضوع الطريقة الاولى هو التجديث من داخل الجهاز من الاصدار 5.0 الى اصدار 5.0.1 شروطها لازم يكون السوفتوير 5.0 يكون وايفاي متصل خلال فترة التحميل مميزاتها التحميل يكون سريع بحجم 55 ميكا عكس الطريقة الثانية الي تكون 700 ميكا حوالي ! ملاحضات على هذه الطريقة مراح تفقد اي شي من معلوماتك(اسماء صور برامج ملاحضات) كانما كلشي مصار بس تحدث شرط توفر واي فاي بالجهاز طول فترة التنزيل اذا كنت على اصدار غير اصدار 5.0 شوف الطريقة الثانية الخطوات من Setting بعدين general بعدين software update انتضر نضغط على install now وافق على شروط بالضغط على agree راح يرست الجهاز بعدها ويبدي بالتحميل والشغلة طول دقائق بس اتاكد من ثبات الانترنت وعدم انقطاعة وبالاخير يخلص للتاكد من اصدار السوفتوير نذهب للاعدات وعام وحول ونشوف اصدار السوفتوير خلصت الطريقة الاولى الطريقة الثانية حمل ملف السوفتوير الخاص بجهازك من الموقع هذا iPhone, iPod, iPad and Firmware/Software Download وتاكد من توافقة وية جهازك يعني تنزيل نسخة الايفون4 مع الايفون 4 وتاكدة من توافقة وين جهازك لان اذا جان غلط راح يسويلك مشكلة ويدخل الجهاز بوضع الريكفري مود ! ملاحضات على هذه الطريقة قم بعمل باك اب لملفاتك قبل عملية الريستور لان راح ينحذف كلشي(صور اسماء برامج..الخ) من ايفونك بالايتونز رايت كلك واختار باك اب شروطها لازم الايتونز يكون اخر اصدار لذلك حدثة او حملة من موقع ابل Apple - iTunes - Everything you need to be entertained. لازم يتوفر انترنت اثناء عملية التنزيل لازم يكون بالجهاز سيم كارد وتاكد من انو شغال وعدم وضعه على وضع الطيران لكي يعمل اكتف للجهاز واهم ملاحظة لازم يكون ملف الهوست في الوندوز نظيف وخالي من راوبط اخرى لاتمام عملية الريستور بنجاح ادخل على الايتونز يفضل وضع الايفون في وضعية DFU لكي يكون الريستور نظيف طريقة هي بالضغط على زر الهوم البور معا لمدة 10 ثواني بالضبط بعدها ارفع اصبعك من البور وخليك ضاغط على الهوم راح تجيك رسالة بالايتونز تخبرك الجهاز في وضعية Recovery mode وهو المطلوب واضغط shift وبعدين restore واختار الملف مال السوفتوير النزلتة وبعدين راح يسوي تحديث في حال واجهتك رسائل خطا مثل error 1600 ضع الجهاز في وضعية DFU مشروحة بالطريقة الثانية error 1619 يعني نسخة الايتونز قديمة لازم تحدثها ومشروحة ايضا بالطريقة الثانية 3014 error احذف الرورابط برامج الترجيع مثل tiny umberlla من الهوست اي ان يكون نظيف سوف ارفق ملف نظيف خالي من الروابط غدا باذان الله error 10 يعني السوفتوير ممكن انضرب حاول تحملة مرة اخرى Errors 1 او 6 او 1413 او 1417 او 1415 او14 او 1418 او 1428 او 0xE8000065 حاول تغير منفذ اليو اس بي او كيبل usb او قد يكون ملف السوفتوير انضرب وبعد اتمام عملية التحديث الى اخر اصدار يمكنك الان عمل جيلبريك لجهاز شوف هلموضوع لايجاد الجيلبريك المناسب لجهازك دليل الجلبريك غير المقيد للاجهزه التي تعمل على الاصدار 5 من نظام iOS - الكمبيوتر الكفي