الناس مش قادرة تفهم ان كل منتج دلوقتى ليه عشاقه
ابل او سامسونج او HTC أو .....
وكل شركة من الشركات دى بتحاول ترضى عشاقها وبتحاول برضوا انها تاخد من رصيد غيرها من الشركات
يعنى اللى بيقول على ابل انها بتقلد الاندوريد وخصوصا فى التصميم او اى شئ اخر
طيب ما ابل كانت اول شركة بتنزل البصمة وقلدتها الشركات الاخرى
الخلاصة ان اى تقنية جديدة بتنزلها اى شركة بتلاقى بقية الشركات بتحاول تنزل التقنية دى فى اصداراتها والموضوع مالوش علاقة بالتقليد لان دى سنة الحياة فى اى مجال تنافسى زى التليفزيونات او السيارات او ...
العبرة هنا بكيفية تقديم التقنيات الجديدة دى وازاى تكون متميز فى ارضائك للمستهلك
وعن نفسى انا بعتبر ابل هى اقوى شركة موجودة فى السوق حاليا لان اهم ما يميزها هو ثبات نظام التشغيل وسرعته عن اى جهاز اخر
بغض النظر بقى عن الهارد وير او اى شئ اخر
ودى اهم ميزة موجودة فى ابل
دمتم بود جميعا