[Karson]

توسيع الذاكره الداخليه لهاتف الاندرويد مع الشرح (لازم رووت )

السلام عليكم ورحمه الله وبركاته
انهارده ان شاء الله هقدملكم موضوع من اهم الموضوعات الى ممكن تشوفها فى حياتك وهتحل مشاكل نااس كتيررررررررررررررررر وكان اولهم انا
الموضوع هوه ان انت اخيرا هتقدر توسع المساحه الداخليه لى الجهاز
اول حاجه طبعا الازم تكون عامل روت لى جهازك شئ اكيد
وزملائي عاملين تجميعه روتات لأجهزه Samsung , Sony , HTC
وديه اللينكات
Samsung
طرق عمل الروت لكل اجهزه سامسونج
http://www.androidegy.com/android/showthread.php?633
طرق عمل روت لكل اجهزه تابلت سامسونج
http://www.androidegy.com/android/showthread.php?3901

Sony
Root for All Sony Devices | روت جميع أجهزة سوني [تحديث]
http://www.androidegy.com/android/showthread.php?2460

HTC
الموضوع الشامل لأجهزة htc
http://www.androidegy.com/android/showthread.php?3413

--------------------------------
نبتدى الخطوه التانيه وهوه انك هتقسم الذاكره الخارجيه بتاعت جهازك بس طبعا لازم تكون الميمورى حاجه محترمه يعنى 8 مثلا عشان متحسش بى الخنقه وانت معاك الميمورى ال 4 جيجا
اسئلونى بقا التقسيم ده هيتعمل ازاى !!!
هيتعمل عن طريق برنامج اسمه Welcome MiniTool Partition
وهتحمل البرنامج من اللينك ده
http://www.partitionwizard.com/download.html

ها تمام كده ؟ نكمل بقا
حمل البرنامج وسطبه عادى بعد كدا اننا هنقسم الميمورى عن طريق البرنامج ده
اولا يكون عندك ريدر ووصل الميمورى بى الجهاز
(هام للأمن )
خد كل الى على الميمورى فى فولدر عندك تانى
وبعديها افتح البرنامج
هتلاقى زى ما تقول شريطين كدا اول شريط فيه الفولدرات الى موجوده اصلن على الكمبيوتر او اللاب زى
C , D , F , E
والشريط التانى فيه الميمورى وهتلاقيه تحت الاولانى على طول
هتدوس كلك يمين على الشريط الى فيه الميمورى كارد وتختار
Delete
بعديها هدوس كلك يمين تانى وتختار
Create
بعديها هيتفتحلك زى ما تقول كده صفحه صغيره هتلاقى فى الصفحه ديه اول حاجه اسمها
Partition Label وفى ده هتحتاج تسمى المساحه الى انت هتسبها فى الميمورى كارد وسميها اى اسم انت عايزه بحيث يكون مميز
وبعديها هتلاقي تحتيها على طول
Create AS : Primary هتختار
وتحتيها على طول هتلاقى
File System : FAT32
وهتلاقى تحت مؤشر كدا وفيه مساحه الميمورى بتاعتك هتمسك السهم وتقلل منها المساحه الى عايز تضفها لى الذاكره الداخليه للجهاز وتتابع مؤشر تحت اسمه
Unaliocated Space After ويفضل ان المساحه الى هتضفها لى الذاكره الداخليه متزدش عن 1 جيجا عشان الجهاز ميهنجش
بعديها تدوس OK
--------------------------
الجزء التانى ياريت تركزو اوى بقا
هتلاقو بعد ما دستو OK
بص كده فى البرنامج هتلاقى حاجه عنونها
Disk 2
وتحتيها اسم الميمورى بتعتك الى انت نقصت منها وتحتيها المساحه الى انت نقصتها من الميمورى
وكل ده تحت عنوان Disk 2
دوس كلك يمين على المساحه الى انت نقصتها هتلاقيها تانى اختيار
وبعديها هدوس Create
وبعديها هتلاقي برضو
Partition Label : وسمى المساحه الى انت اخدتها من الميمورى
Create As : Primary
File System : Ext 2
بعديها OK
وبعديها هتلاقى فى البرنامج من فوق كلمه Apply
دوس عليها واستنى دقيقه او دقيقتين كدا لحد التحميل ما يخلص
كدا انت اخيرا مبرووووووووووووووووو ووووو ك وسعت المساحه الداخليه لى الجهاز
---------------------------------
انت فاكر انك خلصت ولا ايه ؟؟؟ مفيش حاجه بتيجى بالساهل اصبر
بص هتنزل برنامج اسمه Link2SD
لااااااااااازم البرنامج ده ومفيش اى برنامج تانى هينفع وليينك التحميل
https://play.google.com/store/apps/d...=search_result
بعد ما تحمل البرنامج سطبه عادى جدا وافتحه
وبعد ما تفتح البرنامج هيجبلك يفطه فيها اختيارات
هتختار طبعا المساحه الى خدتها والى هوه
اختار ext2
وبعديها لو انت ماشى صح هيقلك رستر الجهاز هدوس OK
وبعديها ترستر الموبيل
-------------------------
انت كدا خلصت كل حاجه خلاص عايز بقا شرح البرنامج صح ولا ايه ؟؟؟
هقلكو شرح البرنامج
انت هتفتح البرنامج وهدوس سيتتنج هيفتحلك اختيارات .. اختار
Storage Info
هيجبلك المساحه بتاعت الميمورى بتاعتك ... والمساحه الى انت قسمتها ... والمساحه بتاعت الموبيل الاصليه ..كدا انت اطمننت ان عمليتك صح
وبعديها هترجع وتفتح البرنامج تانى
هتلاقى شكل قمع فوق كده هدوس عليه وتختار
On internal
وبعديها هيجبلك الحجات الى على الذاكره الداخليه بتاعت الجهاز اصلن
وبعديها هتختار البرنامج الى عايز تنقله لى المساحه الى انت قسمتها هدوس على البرنامج تكه طويله وبعديها تدوس
Create link
كده هتتنقل لى الجزء الى انت قسمته
بس ياريت يعنى والافضل متنقلوش الحجات الى نازله مع الموبيل زى الجوجل بلاى والبراوزر والحجات الى مع الجهاز اصلن متنقلهاش
------------------------------------
يارب يكون الموضوع عجبكم مع تحياتي
Karim Karson