انا والله ماودي اكبر المشكله
إخواني الكرام انا طرحت منتج معدل بطريقة إحترافيه للإستخدام الشخصي فقط يعني الي يبغى يستفيد مجاناً يركب الروم هذا بنفسه او يركبه لصديقه بشكل مجاني انا مصرح لكم تركيبه بشكل مجاني حتى لو في المحلات
أما إنه يجي شخص ياخذ المجهود ويبيعه في محله بدون مايعطيني نسبتي البسيطه الي هي مبلغ 33 ريال فقط هذا شي لايرضى الله تعالى والمال الي بيطلعه من ورا هالتعريب بالذات مايتعبر حلال وإذا هو ياكل مال غير حلال عاد هذا شي راجعله
أنا أحذر الشي الي أقدمه يندرج تحت بند البرمجيات الحره اوبن سورس لو عندك مخ تقدر تسوي زيه إذا إنت صاحب محل روح دور روم ثاني غير رومي وبيعه حلال عليك بس لاتستخدم تعبي وجهدي وسنين اتعلم فيها من ورايا وبدون ماتفيدني لاتتوقع إن ربنا راح يوفقك لإني راح اخلي الوالدين يدعو عليك لأنك سرقتني ترا ماطلبت منكم غير 30 ريال بس !
المهم
أنا وضعت بالخط الأحمر تحذير في الموضوع وموقفي القانوني في هذي الحاله قوي وممكن ألجأ للسلطات المختصة لو سمعت إن تعبي جالس ينباع في شارع فلسطين ولا المرسلات ولا اي مكان ثاني بدون إفادة صاحب الحق
وأعذروني ياشباب انا الشي الي اقدمه مجاني للإستخدام الشخصي بس انه يتمحور الموضوع ويصير تجاري بدون ماستفيد شي يجنن من جد لو تحطو نفسكم بموقفي
بل هذا يعتبر تعدي على المبدعين العرب المسلمين وإنتهاك لحقوقهم قد يكون عقابه من عند الله عسير
تم حذف الروم من الرابط لسبب معين في رأسي وإن شاء الله الرابط الجاي بيكون إصدار أفضل وأقوى من الي قبله
والعذر والسموحه من الجميع
أي شي تحتاجوه تقدرو تراسلوني من الرابط الي موجود في نهاية الموضوع