اقتباس:
المشاركة الأصلية كتبت بواسطة ياسين الشلف
طيب خطوات تركيب البورت المستقر .. عشان امشي وراك خطوة بخطوة .. انا ساعتي على نظام تايزن وعاوز احولها لنظام اندرويد وير .. وسمعت منك ان فيه بورت جديد مستقر وبتعمل فيه كل خصائص ومميزات الساعه مع ثبات قدرة البطارية .. كنت حابب تعرفني طريقة تركيب البوت ده بطريقة سهلة
جزاكم الله خيرا .. |
يا سيدى الفاضل ما انا موضح بالتفصيل فى الموضوع اللى اسمه من نار الفرن طريقه تنزيل بورت اندرويد وير وبعدين الموضوع مافيهوش اى مشكله دة الاندرويد اصعب بكتير من الاندرويد وير اقرا الموضوع بالتفصيل وانا موضح كل شئ وانا تحت امرك فى اى حاجه تانيه
ولكن اسمعنى كويس لازم تسيب الساعه بعد تنزيل بورت الاندرويد وير تقلع اقلاع كامل هتفضل حوالى من 5 الى 8 دقايق لا تقلق
واول ما تقلع هتعمل اعداداتك عادى جدا واول ما تربطها بالهاتف تدخل على الضبط او setting وبعدين خاصيه always on وتعطلها عشان لو ما عطلتهاش مجرد ما الشاشه هتقفل هتروح الساعه عامله ريستارت تمام
وكمان زى ما قلت قبل كدة انت هتنزل الريكوفرى المعدل الاول وبعدين بورت الاندرويد وير وبعد ما تخلص خالبص وتلغى الخاصيه وتقرن الساعه بالهاتف وكله تمام هتروح عامل ريستارت للساعه وتدخل على الريكوفرى المعدل وتعمل factory reset او بالبلدى ضبط مصنع للساعه وبعد ما تقلع الساعه للنظام هتعمل كل الخطوات السابقة تانى اللى هى هتدخل على الاعدادات وتلغى الخاصيه تانى اوكى وبكدة البورت معاك مستقر جدا جدا جدا وشغال زى الفل
ولو زهقت منه ابقى قولى عشان ارجعك للتايزن تانى ههههههههههههههه انت تعبتنى بصراحه