السلام عليكم
اذا احد فيكم متعصب وفيه حاله نفسيه لا يرد على موضوعي
اول شي ..
انا شريت الجالكسي اس 16 .. من الامارات .. ف بدايه الايام كانت الامور طيبه وكل شي ماشي تمام التمام
فرحان اني شريت تلفون جديد وفيه كل شي ممكن الواحد يبيه
مع الايام بديت اشوف ان سامسونج ما تهتم في الجهاز .. يعني مثلا .. البرامج في الاي فون احسسن بوايد من السامسونج مادري ليش ومن اي ناحيه لا تسالني
اما بخصوص الابديت انا اشوف ان السامسونج معقده الموضوع بشكل خلاني اسب كل كوري على وجه الارض
يعني انا ما اعرف لسوالف الروت والروم العربي والاوروبي والكندي .. الخ ..
انزين انا شو اسوي في حياتي ؟؟ يعني اتمي على الاصدار 2.1 لاني ما اعرف لبرناج odin واللي ما ابي اتعلمه ..
شو ذنب الواحد اذا كان ما يعرف لخرابيط البرمجيات انه يتمي على الابديت القديم والناس تتمتع بالابديت الجديد .. ؟
التلفون في مجمله جميل وجميل جدا .. لكن ليش التعقيد في الابديت وخرابيط التعريب
يعني انا شريت الجهاز معرب وفيه كل شي .. يعني انا مرات اشوف بعض الاعضاء يحطون برامج ويقولون حملوها ومادري شو .. وهالبرامج كانت في التلفون من يوم ما خذيته .. << كنت افرح وايد لاني شريت تلفون فيه كل شي وموفرين فيه كل شي
لكن مع الايام بديت احس ان الناس تتمتع بالاصدار الجديد للاندرويد و انا ما اقدر ..
شاشه الجالكسي اس معرضه للخدش يعني والله حرام تلفون سعره فوق الـ 2700 درهم اخر شي احصل الشاشه مخدوشه بمفتاح او برمل او بمحفظه .. طبعا هذا عكس الاي فون اللي شاشته غير قابله للخدش .. يعني مهما حكيت فيها الرصيد ما يجيها شي ..
الظاهر اني باخذ لي اتش تي سي او اي فون
او اني برد للنوكيا وبخلي الجاكسي اس تلفون ثانوي او ببيعه احسن ..
هذا انطباعي .. وباب النقد مفتوح ..
و السلام مسك الختام