ما ادافع عن ابل لان مالي نصيب باسهم الشركة
فخار يكسر بعضه اثنينهم
بس الصراحه دامه جهاز فاشل و زباله و عندهم الجهاز الاقوى
ليش ينزلون مستواهم للزباله و الفاشل
((بالفيديو لما حذف
الايفون يعني وين بيحذف اكيد بالزباله))
.
.
.
انا اعترف انا الجلكسي الاقوى بالارقام و الدعايات فقط
واكبر دليل كاميرا الاس فايف 16 ميقا بكسل
والتصوير بالليل لما تشوف الصورة تعطيها 5 ميقا بكسل لا اكثر((تصوير فاشل))
جربت تصوير الاس ثري بالليل مع الاس فايف ونفس المكان و نفس الوقت
التصوير الافضل كان لصالح الاس3
مع ان الاس ثري 8 ميقا بكسل
والاس فايف 16 ميقا بكسل
بالارقام لصالح الاس فايف..بالفعل و التجربه لصالح الاس3
شنو استفاد انا من الارقام؟؟؟؟؟؟؟؟؟؟؟؟؟ ؟؟؟؟؟؟؟؟
جهاز ذاكرته 16 قيقا تروح منه 7 قيقا للنظام والسوفتويو ليش؟؟
لا تقول لي حط ممري..ركبت ممري وبعد فترة طلع لي ان لازم تهئية و راح كل الي فيه
بطارية 2800 امبير و بسرعة يخلص شحن..حتئ لو ما استخدم الجهاز ((ممكن يكون خراب فيها)) وما حاولت ابدلها لان راح ابيعه شريته ب 170 دينار كويتي بعد اسبوع انصدم ان سعره مستعمل ع 110 و 120
و سعره بعد ثلاث اسابيع من تاريخ الشراء حصلته بيوركا 129 دينار جديد بالكرتونه
لو هو جهاز قوي ليش نزل سعره لهدرجة ؟؟؟؟؟؟
الرام 2 قيقا..
ونص البرامج مثبتها ع ممري وكل الي منزلهم انا 11 برنامج بس
والاغاني و الصور حاطهم بمومري و خايف لا يخرب المومري بعد
يعني الجهاز فاضي تقريباً
رام اثنين قيقا و يطلع لي باقي 200 ميقابايت ليش ؟؟
البصمة فيه لازم اعيد مره ومرتين وثلاث عشان تفتح
اخر شي مليت منها و حطيت رمز PIN بدال البصمه
شنو فادتني البصمة ارجوكم؟؟؟؟
ميزة ضد الماء..ما اقدر اذم فيها
هاذي ميزه حلوه
اذا طاح عليه ماي ما بتاثر
بس الميزة هاذي تمنعك من استخدام الجهاز بالماء
الشاشه ما تتحرك وتلعب بروحها وتعلق لو في اصبعك نقطة ماي ما تقدر تستخدم الشاشه و تحركها
الي استفدته من هالميزه انا شخصياً
اذا توصخ جهازي اروح اغسله..و اذا طاح عليه ماي مايصير فيه شي
اذا كانت فتتحت الشحن و الكفر من ورا مسكر اذا كان مفتوح راح يخرب
.
.
وامس كان جهازي ع الشحن و كنت نايم وحاطه جنبي
((تقدر تعرف حرارة جهازك عن طريق برامج كثيرة))
واحلف لكم والله العظيم
قعدت من النوم لقيت درجة حرارة الجهاز 56 بالمية
ولما مسكت الجهاز كان حار حيل
خفت لا يتفجر علي
طفيته شلت البطاريه و وخليته ع التكيف هو والكفر من ورا و
البطارية لغاية ما برد وشغلته بعدين رجعت حرارة الجهاز ع 34
ممكن تقولون لي ليش الحرارة ارتفعت لهدرجة؟؟
البطارية الاصلية الشحن الاصلي الواير الاصلي
((ملاحظة كنت حاط على نفس وصلة الكهرباء جهاز جلكسي دوس)) وما صار فيه الي صار بالجلكسي اس فايف عشان ما تقولون من الكهرباء !
وشنو حل مشكلة التعليق و التهنيق والحرارة والتصوير ؟؟
.
.
.
بالنهاية ما اقول غير شنو استفيد من الارقام اذا التجربة عكس الارقام و الدعايات
.
.
ونصيحه نصيحه لحد يشتري تلفون الا لما بجربه عند غيره سوا كان جلكسي او ايفون او htc او Lg او وندز فون
مشكلتي ما جربت الاس فايف عند اشخاص عندهم الجهاز
رحت شفته بالمعارض
وديكورات المعارض اكثرها بيضه واضاءة جداً عالية
لما تصور يعطيك شي خيالي داخل المعرض
بس لما تشتريه و تطلع برا وتجربه((تنصدم نفسي))
.
.
.
.
هاذي تجربتي يا جماعه مع الجهاز
ما الفت كلام من عندي او جذبت
ويشهد الله علي كل كلمة قلتها صادق فيها
وشكراً لكم مقدماً علئ الكلام و الردود الي راح يجيني