السلام عليكم حبيت اوضح نقطة البرامج اللى بتشتغل مع الرووت ومشكلتها مع الرومات الحديثة عندك برنامج زى link2sd البرنامج ده بيخلى اى برنامج بتسطبه تقدر تنقله للذاكرة الخارجية الحقيقية وتوفر مساحة الداخلية ولاحظت بعد الرروت انى لما بشغل البرنامج ده الجهاز حرارته بترتفع بطريقة جنونية ولم يؤدى الوظيفة المطلوبة وانا جهازى samsung galaxy ace 3 وعليه نسخة اندرويد 4.2.2 ..وده طبعا بسبب التحديثات اللى بتعملها سامسونج علشان توقف عمل البرامج اللى زى ده فى الرومات الحديثة فبالتالى حضرتك تشترى جهاز ذاكرته الداخلية اكبر وبالتالى سعره اكبر ...تانى حاجة وانت بتعمل روت خلى بالك من كل خطوة فى cwm لانى فى برامج انا مسحتها من برامج النظام من النسخة الباكب اللى على الذاكرة الخارجية وجبت نسخة تانية خالص قديمة ونزلتها على جهازى علشان تكون باكاب الروم القديمة تنزل كاملة ببرامج السيستم والمفاجأة انى ملأتش البرامج دى وراحت للأبد ..يعنى برنامج cwm عن طريقه بيعمل تعديلات فى الروم الاساسية احيانا ومبتقدرش ترجعها ...وباالنسبة لل 3g بالذات فى الرومات الحديثة مع الروت تلاقى الجهاز بيسخن اوى اوى خلى بالك .. المشكلة اللى عجزتنى بجد بعد ما عملت الرووت لقيت كل الالعاب اللى بلعبها والجهاز فى وضع افقى زى نييد فور سبيد واسفلت ان المفروض العربية تتحرك للامام اذا كان الجهاز فى وضع افقى مستقيم تمام....الغريبة انى ماسك الجهاز فى وضع افقى مستقيم وبلاقى العربية بتحدف لليسار ولازم اميل الجهاز ناحية اليمين علشان العربية تمشى مستقيمة......خد عندك يا خبير ....انا عملت اختبار للسينسور بالكود بتاع الزيرو وقالى السينسور تمام ....لغيت الروت ونفس المشكلة ...عملت معايرة بأكتر من 5 برامج clibrate ونفس المشكلة ....واخر حاجة لجأت ليها انى نزلت روم رسمى تانى غير الموجود عندى وفلشته علشان الغى cwm القديم والروت وارجعه لحالته كأنه جديد وعملت كل wipe لكن المشكلة مازالت موجودة ......مش عارف اعمل ايه بقول ارجعه الضمان اصحابى بيقولولى الضمان هيقولك ميهوش حاجة وانا خايف اوديه أحسان يفتحوه ولما ابيعه بعد عمر طويل يكون الجهاز مفتوح وسعره ينزل ....وضمان يونيون جروب سمعت انه زفت وبيلبسوا اى عيب للعميل......افيدونى افادكم الله اعمل ايه ؟؟؟؟والعيب هارد ولا سوفت لأنى شاكك ان الحرارة العالية او الجراب الممغنط هوه اللى عمل كده ..لو فيه حد عنده نفس المشكلة او يعرف حل او اقتراح يفيدنا