اخوي نواف انت الآن هنا حسب نظرتي تبحث عن تقليص دورة العمل وتوفير الموارد يعني كأنك تتكلم عن السجما 6، انا بريحك اذا كان مقصدك هالشيء فاعرف من الاساس بأنه الاوبيريش الكامل عندكم هو اللي راح يحدد هالنقطة لأنكم بالنهاية هدفكم تكامل العمل تحت بيئة واحدة وتحقيق اقصى درجات الإستفادة، بجيك بنفس القصد اللي انت طرحته وهو تسجيل الداخل والخارج اذا كان قصدك عمليات لوجستيه فاللوحي راح يكون مفيد، على فكرة اللوحي هو جهاز دفتري ولوحي بنفس الوقت كل ماعليك هو تدوير الشاشة وسيصبح مفكرة لوحية بين يديك، اما لو كان الموضوع تفريع للعمليات اللوجستية مثلا كمخزن ومساحته مو ذاك الشي وفيه نقطة ثابتة تمر من خلالها البضائع ومنطقة التسليم خارج هذه النقطة فالمكتبي افضل مع استخدام شاشة لمس او بوكيت عليه برنامج من قبلكم وكذا افضل لكم لانه بالنهاية هناك مستخدم نهائي لا هم له سوى نافذة واحدة يتم من خلالها عملياته واللوحي راح يكون ثقيل عليه، وبالمناسبة اخوي هذي ما راح يحتاج لها دراسة كاملة لاجل تتعب نفسك شوف هيكلة المهام اللي انت مركز عليها والاشخاص وابعاد هالمهام وقارنها مع الهيكلة العامة بالمنشأة وراح تبين لك احتياجاتكم من هالاجهزة، الآن هذا حسب ما فهمت من ردك، اما ان كان ترشيحك للجهاز اللوحي بناء على مجال عملك وحاجتك للمرونة فتذكر بانه الأغلبية بالمنشآت هدفهم الوحيد هو شاشة واحدة يتعاملون معها لانجاز مهامهم فما راح يحتاجون المرونة اللي انت تحتاجها الا لو كانوا في تنقل مستمر وعملهم تطغى عليه السمة التطويرية اللوحي راح يكون مساعد لهم بشكل كبير.
بالمناسبة العامل الرئيسي في اختيار الجهاز هو بيئة العمل العامة لديكم وكشركات بالتأكيد المرونة في انظمة المايكروسوفت لتقديمها الكثير في هذا المجال.
ترا على فكرة اخوي فيه شغلات كثيرة تحتاج تحديد من قبلك وتضعها كمعايير لتحديد الاحتياج الفعلي لهالنوعية من الأجهزة مثلا الحاجة للتنقل، يعني بالنسبة لك اشوفه بيكون ممتاز جدا لكن الاكثرية راح يكون فيه عائق لاختلاف المفهوم والنظرة لهالاجهزة مابينك وبينهم.
انا حاولت اوضح لك كثر ما قدرت استنبط من ردك ولو فيه نقطة غابت عني فوضحها لي لاجل اقدر اساعدك بها لانه الآن النقاش صار ملائمة الأعمال اللي انت تحاول بانك تطورها لمستخدمين نهائيين بالاضافة الى نظام عمل قائم واختيار اجهزة تستطيع التعامل مع هذه المحاور بشكل عام، وبشكل مبدئي لو كان هدفك بانه المستخدمين النهائيين هم اللي يستخدمون هالاجهزة وطبيعة عملهم مواجهة جمهور مثلا وخلافه فراح تكون صعبة ونقطة ضدك، عموما من توضيحاتك اكثر بقدر اوضح اكثر، وشكراً لك.
الدمج الآلي للمشاركات المتعاقبة التي لم يكن بينها 24 ساعه --------- هذه المشاركة اضيفت في 09:17 PM ----------- المشاركة السابقة اضيفت في 09:00 PM ---------
اخوي نواف ادخل موقع انجادجت اوتابلت ريفيو او اي موقع اخر لاجل تشوف ريفيو للجهاز وتتضح لك الصورة الكاملة عنه وتحدد احتياجاتك الشخصية وقدرته على توفيرها، معليش ماقدر احط رابط لازم يكون لي مشاركات اكثر وانا مجرد متابع من بعيد فقط.