[شادي السيد أحمد]

في الواقع أنا مستخدم خفيف لأجهزة السامسونج منذ بداية ظهور التاب 1
و ليس لي دراية كافية بالروت و لا البرمجة سوى أن آخر محاولات تنزيل روم مطبوخ جديد لجهاز سامسونج S1 قد انتهت بذهاب الجهاز بلا عودة
و من حينها ابتعدت تماما عن اللعب بالروت و الأودين و الحاجات دي
و بقيت أجيب الجهاز و لا اتلاعب بالروم الرسمي له ابدا و استمتع بالتطبيقات الحديثة
المهم جبت بعد منه النوت 10 و استخدمته فترة طويله و بعدين جبت النوت 3 من كام يوم
النوت 3 فيتنامي 9005 4G , ابتديت انزل البرامج من على جوجل ماركت و بعدين واحد قريبي قالي حأدخلك على ماركت تاني غير بتاع جوجل اسمه Aptiode تقريبا و نزلي من عليه كام ابليكيشن
من ساعتها الجهاز ركبه عفريت
الكاميرا بقت بتهنج و تدي شاشة سوداء و بقي الجهاز بيعمل ريستارت لوحده
قلت يمكن الجهاز محتاج Antivirus أو برامج تحسين الأداء
فنزلت برنامج ال Clean Master , و نزل معاه برنامج CM antivirus
المهم كل شوية كنت أدخل على ال Clean Master و ألاقي حرارة ال CPU وصلت لاحد 50 درجة تقريبا
و البرنامج وضحلي أن فيه برامج بتعمل ريستارت لوحدها زي برنامج Salatuk بتاع مواقيت الصلاة و االفيس بياخد حوالي 40% من حجم الذاكرة
و كل شوية أدخل أشيل البرامج من الذاكرة و أحيانا أضطر أعمل ريستارت للجهاز
المهم زهقت بأه و فكرت أروح أرجع الجهاز
لغاية ما جالتلي فكرة أرجع ضبط المصنع و اشيل أية برامج مالهاش لازمة و انزل البرامج واحده واحده
و اشوف أيه اللي يحصل
و بس يا سادة يا حضرات
و من ساعتها و الجهاز زي الساعة
بدون Antivirus , Clean Master و بدون أية أبليكشن من خارج الماركت
و الكاميرا لم تهنج و لا مرة من ساعتها و لا الجهاز عمل ريستارت
و لا هنج و الدنيا Peace ya man