بص يا باشا أنا هحكيلك على تجربتي بظبط جربها انت كمان، عشان انا بعد محاولات مريرة وتجربت كل الاحتمالات اللي في الموضوع ده وغيره كمان، وكانت المشكلة تتحل معايا وبعدها بنصف ساعة أو أقل ترجع تاني نفس الحكاية، ولكن دلوقتي الحمد لله الحمد لله بقالي حوالي 5 أيام والموضوع مظبوط وزي الفل ) شوف يا سيدي: أولا عملت Restore all settings وبعدها تتأكد ان الأسامي بتظهر مظبوطة، عشان مش ضروري من أول ريستور ترجع ظهور الأسامي، لحد كده تمام؟؟؟؟ بعد لما تعمل Restore all settings، ووتتأكد ان الأسامي بتظهر، تقوم تروح للمسار ده من أي برنامج تصفح أي فون /System/Library/Frameworks/UIKit.framework/PhoneFormats/ وتمسح أي حاجة تلاقيها موجودة ، سواء كان ملف واحد أو ملفين، المهم تفضيه تماماً وبعدها اعمل ريسبرنج، واول مايفتح معاك الجهاز روح نفس المسارر تاني عشان تتأكد ان مافيش ملفات موجوده برضه، يعني احتياطي عشان تتأكد، بس كده وان شاء الله أضمنلك الحل ده لمدة 5 أيام ، عشان انا بقالي 5 أيام برضه ويا ريت تقولي عملت إيه، بس إدعيلي الحاجة الحلوة بقى إني نزلت من السيديا ميزة جديدة تخليك تشوف رقم المتصل بيك تحت إسمه زي النوكيا كده، وبصراحة ميزة عظيمة جداً، إسمها call infofields موجودة على أكثر من سورس. كده حسابك كتر أوي )))