السلام عليكم ورحمه الله وبركاته
انا معايا موبايل سامسونج قديم شويه s2
وكان شغال تمام اوووى بدون اى مشاكل مشكلته بس من اول ما جبته ان الراديو مكنش بيشتغل
وهو مش مهم بالنسبه ليا وكنت شغال بيه عادى بدون مشكله
من فتره الاسماء اتحذفت من عليه وكل ما ادخل على الاسماء يجيب ساشه سودا
روحت محل صيانه قالى هنزلك سوفت جديد وهو كان على سوفت 3.3.4 اول ما جبته وهو على نفس السوفت متغيرش ولا مره وكان تمااااااام
المهم الراجل نزل السوفت جديد جيلى بين 4.1.2
والزراير اللى تحت مشتغلتش الباك واللى قصده ف الجنب التانى والاتصال كان يشتغل بس متسمعش اللى بتكلمه ولا اللى بيكلمك تسمعه مع ان قبل السوفت مكنش ف اى مشكله من دى خاااااااالص
الراجل حاول ينزل سوفت تانى دون جدوى
خده منه وروحت بيه محلات صيانه كتيررر جدااا ونفس المشكله
كلو ينزل سوفت وميشتغلش الزراير والاتصال يشتغل بس متسمعش حد ولا حد يسمعك
بعد ما زهقت بقى واحد قالى دى ف مشكله ف البورده ولازم افك الموبايل
انا طبعا مش مقتنع بكلامه بس زهقت والموبايل روحت بيه كتير جداا لناس بقالى شهر ونص بلف بيه ههههههههه
فك الموبايل فعلا وقعد بشوف ف حاجه قالى البورده سليمه بس لقى مكتوب على البورده i777
مع ان الموبايل مكتوب عليه من ورا خلف البطاريه
model gt-i9100
ssn i9100gsmh
fcc id a3lgti9100
قالى دى بورده موبايل سامسونج i777
ونزل سوفت جيلى بين i777
والموبايل فعلا اشتغل والاتصال اشتغل تمام
والزراير اشتغلت بس مش بتنور زى الاول شغاله بدون اضاءه
بس بقى ف مشكله ان الموبايل بقى مش بيشحن خاااااااالص
جربت عليه 3 بطاريات و6 شواحن مختلفه دون جدوى
حتى ف بطاريات اول ما اوصل عليها الشاحن تخلى الموبايل ينور ويطفى ويفضى البطاريه ف دقيقه حتى لو مشحونه على الاخر بيعمل قفله ف البطاريه تقريبا ( علما نزلت سوفت وير خاص i9100 العيب ده مظهرش على نفس البطاريه )
بس البطاريه الاصليه مش بيعمل عليها كده بتفضل يالساعات ومش بتشحن برضو
شحنت البطاريه على شاحن ديسك توب وبركها ف الموبايل بتشتغل عادى وبتقعد يومين شغاله
ملحوظه اخيره ان كان على السوفت القديم
كان الموبايل بقرا i9100
واسف على الاطاله حبيت اعرفكم كل المشكله
ارجوا حد يفدنى وشكرا لحضرتكم