لا اله الا الله
حد جرب الثغره دي واشتغلت معاه ؟؟ الاجابه اكيد لا
السماح للبرامج بتجاوز القفل دي خاصية موجوده في برامج كتير جداً لا يخلوا منها جهاز اندرويد وابسط مثال عليها برنامج الاتصال الافتراضي
لانه لو مفيهوش الخاصية دي وحد اتصل هيكون لازم تفتح القفل الاول علشان تشوف المكالمة لكن الحاصل ان البرنامج بيتحاوز القفل علشان تشوف الاتصال
الخاصية دي بتسمح (((فقط))) للبرنامج الي نفذ الامر انه يتجاوز القفل ومش بس البرنامج ده بيسمح فقط لشاشة محدده ومش كل البرنامج
في وقتها مستحيل للمستخدم انه يتعامل مع اي حاجه في النظام ولا حتى انه يسحب الشريط العلوي لتحت ولو داس زرار باك او هوم بيرجع للقفل
الخاصية دي كل المبرمجين يعرفوها ولا يخلوا منها برنامج مثل فايبر او واتس اب او اي بديل ليهم ومفيهاش ايييييي خطورة على القفل ولا يمكن تجاوزه زي ماكان باين في الفيديو وممكن الكل يجرب بنفسه
مش بدافع عن برنامج بعينه لكن ضد نشر الاشاعات عن جهل ورمي الناس بالباطل حتى لو كانوا كفار