اهلا بيك اخي جالجسي 4
اسف اني ماجاوبتك على السؤال
لكن قبل ما اجاوبك جاوبني شسويت بجهازك اني قبل يومين تقدر تقول فقدت الامل بعودة جهازي للعمل مرة لوخ لان السوفتوير انظرب والشاشة صارت سودة وانتهى كل شيء وامل بالجهاز
لا اقدر ادخل على الفاست لوت ولا اقدر ادخل على الريكوفري ولا لمبة الاشعارات تشتغل وماعرف الجهاز يشحن او لا
لكن الحمل لله والشكر قدرت بطريقه غريبة اصلح الجهاز واعيد تشغيله من جديد وبدأت من الصفر ( واكتشفت ان البوتلودر الي عندي مفتوح من الشركة ) ثبتت الروم الصيني نسخة البيتا وحولت الى الروم العالمي وصار الجهاز مثل ماهو بالشركة
اذا جهازك ماتصلح انطيك الطريقة وان شاء الله تكون شغاله عندك وبنسة 100 %
( واكتثفت شيء انه بالروم الصيني اختلفت ترددات ال 4g اني اسكن بمدينة اربيل بالروم الصيني تشتغل عليه تردد شركة فاست لنك وماتشتغل عليه تردد شركة تيشك نيت وبالروم العالمي العكس صحيح تشتغل عليه تردد شركة تيشكنيت وماتشتغل عليه تردد شركة فاست لنك ماعرف وين اللغز بالموضوع ! )
نرجع للاجابة على سؤالك
لان مساحة الجهاز هواية 256 جيجا ولان اني احب تثبيت هواية تطبيقات كلت استغل اثبت عدد كبير من التطبيقات بالجهاز ولاحظت بهذا الجهاز وغيرها من اجهزة
الاندرويد انه اذا عديت رقم 580 الى 650 تطبيق من غير التطبيقات الاساسية للنظام ان الجهاز يعلق ويهنك وما تقدر تستخدم الجهاز وعندك حلين اما فورمات الجهاز او اذا قدرت تلغي تثبيت عدد من التطبيقات بحيث يرجع الجهاز طبيعي بدون مشاكل بالنظام والواجهة
لكن صدفة وبميزات نظام واجهة
هواوي اكو خيار انك تقدر تعطل التعديل على واجهة النظام بحيث قدرت اثبت تطبيقات اكثر من العدد الي كان يسبب لي مشكلة اذا تجاوزت الرقم بتثبيت التطبيقات ولكن تعطيل الوجهة يمنعك من العبث بايقونات التطبيقات بحيث ماتقدر تمرر التطبيقات على بعض وتخليهم بفولدرات وماتقدر تحدف التطبيقات من الواجهة ممكن الشركة شايوما خالة هذه المزة للاطفال مثلا حتى لايعبثون بالجهاز ويحذفون اشياء مهمة لكن اني استغليتها بشيء ثاني نتيجة لدراستي لهذا النظام
ولكن احذر انك تتجاوز رقم تثبيت عدد التطبيقات وانت مقفل الواجهة وبعدين تلغي قفلها لان النظام وحسب الي حصل معي رح ينظرب وماتقدر ترجع جهازك الا بالفورمات
هذه كل الحكاية
بالتوفيق