حبيبى عبدالرحمن بارك الله فيك
المشكلة إنى لما رجعت الهاتف لشركة المحمول النظام هنا إنها بترسل الهاتف أيا كان الماركة
لمكان تجميع صيانة والمكان ده بيتواصل مع الشركة المصنعة للهاتف ولو ينفع الصيانة المجانية
بيتم فعلا إنما المرة دة تلقيت إيميل يفيد بأن العيب هو حرق فى الشاشة وهذا خارج الضمان
وأمامى خياران الأول هو عدم الموافقة على التصليح وبالتالى يتم إرسال الهاتف لشركة الإتصالات
وبعدين أنا أروح أخده والخيار الثانى هو الموافقة على التصليح وبالتالى يتم البدء فى عملية التصليح
وعند عودة الهاتف لشركة الإتصالات يتم الدفع هناك وهى تتعامل مع وكيل الصيانة
أنا بقى تخطيت كده وقمت متواصل مع
سامسونج نفسها لأنها هى الشركة المصنعة للهاتف
والله العظيم ردود نسخ ولصق كلها لما تعبت منهم ومصريين على إن العيب منى
أخر رد هو كالتالى
الترجمة من جوجل
لما إنا مقدرش أخلى الإضائة عالية ليه بتعملوا خيار رفع الإضائة
وليه مخللين الشاشة دقتها عالية مادام مقدرش أستخدمها أو قد تسبب مشكلة
علما أنى لم أجرب وضع الشاشة ولا مرة على دقه QHD إللى صدعونا بيها
وطول الوقت على FHD+ كمستخدم عادى مش محتاج أكتر من كده
وكمان يعنى إيه عرض صورة لفترة طويلة : قصدهم مشاهدة ورعض فيديوهات عاليوتيوب لفترة طويلة
يأخى طول ما الجهاز شغال أنا براحتى أتفرج ولا هتحددوا ليا ساعتين فرجه فى اليوم
تبيريرات غير مقنعة خالص
وبأمر الله مش هسكت بس أنا كان لازم أوافق على التصليح عشان أنا محتاج التليفون
وبعد كده هفضل وراهم لحد لما نشوف هيحصل إيه - أنا مش مصدق إن ده يحصل من
سامسونج
شئ غير مقبول على الإطلاق ومش أنا بس إللى إشتكيت من مشكلة الشاشة دى أنا لقيت ناس كتير على
النت واجهت نفس المشكلة أنا ذنبى إيه
سامسونج متعملش كنترول على بطاريتها أو شاشتها
محدش يفهم كلامى إنه هجوم على سامسونج بدون داعى أنا من عشاق سامسونج
لكن لما أضطر أدفع مبلغ كبير زى ده عشان أصلح عيب مش من ناحيتى يبقى ليا الحق وكل الحق
ربنا يسهل الأمور ولو إنها مش باين لها حل لأنهم مش متقبلين فكرة إن العيب يكون من عندهم
تحياتى لك يا حبيب
الدمج الآلي للمشاركات المتعاقبة التي لم يكن بينها 24 ساعه --------- هذه المشاركة اضيفت في 01:33 PM ----------- المشاركة السابقة اضيفت في 01:27 PM ---------
بارك الله فيك أخى الحبيب على الرد
وبأمر الله هحاول أعمل كده بس لأنى مش هنا ومعرفش إيه الخطوات أو المكان المناسب إنى أتوجه له
فأنا حاليا بحاول أتواصل مع سامسونج عن طريق الإيميلات وبأمر الله لو صمموا على رأيهم
هحاول أشوف حد صديق ليا هنا يكون على دراية بالأمور القانونية دى وأخليه يساعدنى فى الوصول
لمكتب حقوق المستهلك أو ما شابهه
تحياتى لك وربنا يسهل