اخوي sami-h
اقتباس:
|
اعذرني أخوي فيصل ولكن لو كان كلامك صحيح ماأعتقد أن نظام السيمبيان راح ينتشر بهذي الدرجه.
|
انتشار نظام السمبيان في الشرق الاوسط بالتحديد سببه يعود بتوقعي لعدم دعم انظمة البوكيت باللغه العربية كواجهه استخدام user interface , غير ان تطور اجهزه البوكيت بالسابق لم يكن كالتطور الحالي لها يعني اول كان فيها مشاكل مثلاً الجام لم تخلص البطاريه عليك يتفرمت اتوماتيك , فاكيد الناس ما راح تميل لمثل هذي الاجهزه وانا كنت منهم بذاك الوقت لكن الان فرق السماء عن الارض! و بفتره وجيزه ما تجاوزت السنة و النصف تقريباً و الاجهزه هذه في تطور مستمر .
بعدين من قال ان هذه الاجهزه ليس لها انتشار ؟
في السابق اوافقك 100% حتى ان الناس ما كنت تدري اي البوكيت بي سي و ايضاً لوكنت تعرف المرسلات في الرياض و كنت دقيق ملاحظه كان تلاحظ انه بالسابق ما كان في انتشار لهذي الاجهزه و يمكن بالكاد تلاقي (كشك او كشكين بالكثير) تتعامل مع هذي الاجهزه , لكن الان الوضع اختلاف و هذا يدل على الانتشار الي بدا ياخذه البوكيت و بكل تاكيد نتيجة لتطوره و تحسن جودته .
اقتباس:
|
ياحبيبي فيصل لو ماكان من نوكيا الا متصفح الانترنت الخيالي (الذي غير طريقة التصفح في الاجهزة المحمولة للأبد) لكفى, طبعا الانترت اكسبلور وقف عاجزا عن فعل هذا الشي مما اضطر ميكروسفت لايجاد متصفح جديد.
|
والله يا عزيزي انا ما ادري اي متصفح تتكلم عنه ؟
انا جربت اجهزه النوكيا اغلبها ( ما اقول كلها) مثلا من الباندا الي الدمعه و الدمعه المطور و N70 و N73 وما شفت المتصفح الي تتكلم عنه و عن قدراته الجباره ؟
و انت بالبوكيت بي سي منت مجبور على متصفح مايكروسفت ياخي ياك كثر المتصفحات الموجوده و ايضاً يوجد برامج تحسن التصفح مثل IEPlus غير البرامج المستقله بذاتها مثل الاوبرا و متصفح الفيرفوكس و النت فرونت و غيرها من البرامج الجباره و الرائعه و بالنهايه التصفح بالبوكيت ما يناسبني اصلاً لان الشاشه صغيره ولا استخدمه الا للحاجات الضروريه فكيف بالله لو باستخدمه في جوال نوكيا ؟؟ ولا من طيبه لو ابي رابط في اخر الصفحة و هي طويله اجلس سو انتقال يدوي على بال توصل له و يمكن ما توصله لان نفسك بالاصل زهقت من استخدام الازرار و النظام اليدوي العقيم!
اقتباس:
|
عزيزي فيصل, استحلفك بالله ماهو الشيئ العظيم الذي يقوم به كمبيوترك الكفي خدمة لمجالك الطبي؟
|
الواضح من السؤال انك ما تعرف ايش فائده البوكيت في المجال الطبي .
طيب خلني اقولك اشياء بسيطه مثلاً في المجال الطبي المراجع كثيره و (كبيره) و لو احتجت معلومه (وانت كشخص في هذا المجال كثيراً ما تحتاج للمعلومات لكثرتها) يصعب على اوفر كل الكتب و المراجع الطبيه سواء اني اشتريها (وهي مكلفه) او انت تكون معي كتوفر دائم في كل مكان في المستشفي في البيت عند الزملاء او في اي مكان ... غير ان البحث عن المعلومه في الكتب الالكترونيه اسهل بكثير من جلب الكتاب و البحث به غير انه يساعد في امور كثيره مثلاً في حساب الجرعات الدوائيه (فيه برامج خاصه بهذا الشئ) فترات العلاج و غيره الكثير .
وتقدر تعرف اهمية البوكيت في المجال الطبي بزياره بسيطه مع المام باللغه الانجليزيه لقسم المراجع و الكتب الطبيه في هذا المنتدى و اذا منت مصدق شف هذي المواقع الي تعطيك افضل البرامج للبوكيت (وهي كتب مصممه على شكل برامج) :
www.skyscape.com
www.lexi.com
وغيرها كثير....!!
اخي الكريم حدث العاقل بما يعقل , صحيح انا مني مهندس كمبيوتر لكن لي باع كبير في هذا المجال و افهم فيه ,(وان يسر الله لي راح اخذ شهاده A+ قريباً ),هل يمكن مقارنه جهاز ذو امكانيات متواضعه (كهاردوير) بجهاز يمتلك مواصفات الكمبيوتر لكن اقل؟ 
غير هذا ايش هي عيوب الجهاز عشان اقول انه سيئ ؟ مشاكل هاردوير ؟ مشاكل سوفتوير؟
هذا تبرير غير منطقي مشاكل السوفتوير ما اكثرها بالاجهزه العادية اخوي الصغير معاه N70 وكل شوي طالع فيه مشكله مره يفرمت الذاكره مره يعلق الجهاز مره يطلع له رسائل غريبه بالجهاز .
ايضاً شخص اخر معاه جهاز جديد من نوكيا (ما اذكر نوعه للاسف لكنه من الاجهزه الجديده) كان يبي يرسل لي صوره بالبلوتوث لاحد الرحلات شوي الا الجهاز طفي ورجع اشتغل ! ليت الامر وقف عند هذا , كل ما في الذاكره من صور بالتحديد مسحت 
والحمدلله قدرت ارجع له بعضها عن طريق احد البرامج.
ولا تهون المشاكل التصنيعيه و الهاردوير و اكبر دليل اقرا الردود السابقه تجد من يشتكي من نفس هذا الجهاز N95 وهو توه جديد !
الشاهد من الامر ان المشاكل ليست محصوره فقط بالبوكيت بي سي , بالعكس اتوقع ان المشاكل في البوكيت يمكن السيطره عليها بسهوله اكبر من السمبيان بالذات اذا كان بالسوفتوير .
بالنهايه انا لست ضد اجهزه السمبيان او النوكياً كلياً يعني لو جاني اخوي الصغير جتني اختي زوجتي امي , هل معقول اشتري لهم بوكيت؟؟ لا بالطبع راح اشتري له نوكيا لانه بالاصل ايش يبون من الجهاز الا الزرين الاخضر و الاحمر و الرسائل ! واتوقع هذي اقصى حدوده غير الاكسسوارات مثل البلوتوث ويمكن الكميرا ويمكن ما يستخدموها خير شر!
واعتذر للاطاله...